عطر الحروف....متى يطلع قمرك ؟ ووين ؟ يا عطر الحروف وكيف ؟= متى يسري بك الشوق ويحول بك على ضفافي ؟تعبت من السراب الي يذكر بالضما لا شيف=وانا اواجه لهيب القيظ من زود العنا حافي عشقتك يا اعذب الذكرى ويا اندى من ليال الصيف =ليا ذابت شموع الليل وانساب الهوى صافي عشقتك بسمةٍ يشقى بها التصوير والتوصيف= تضيق بها القوافي كلها ويشيلها قافي علي شانك عشقت من البلاغه صيغة التسويف =وصرتي نايب الفاعل وانا المنفي وانا النافي دخيلك حطي لشيءٍ جرى من بيننا تعريف=عسى برقٍ ينوض هناك ياخذ مطلبه وافي تمادي بالجفا بس ارحمينا من خراب الكيف=ترى هوج الرياح الصلفه وموج البحر كافي انا لا زلت رهن البوصله والموج والتجديف=ادَوِّ في متاهات الرجا عن صوتك الدافي على وضح النقا ، ماهي على قول المثل حرِّيف =عشقتك واعترفت ان اشتياقك أجمل اوصافي.



الساعة الآن 12:53 .