السلام عليكم ورحمة الله وبركاته .....
في البداية احب اشكر هالمنتدي الجميل بجمال اعضائه اللي مهما غبت عنه وانشغلت الا ما يردني الحنين لكم ولسواليفكم ومواضيعكم الشيقه
انا والحمد لله شاطرة في الطبخ بشهادة الجميع وفيه بعض الاصناف مشهورة عند معارفي واللي حولي ودايما يطلبونها مني ...وكثير اشارو علي اني اطبخ وابيع بس كنت مترددة واحس الشغلة متعبه شوي ويبي لها التزام بس هاليومين قاعدة افكر في الموضوع بجدية شوي بس اللي افكر فيه اني اتخصص بكم صنف وما اتوسع كثير عشان اركز في شغلي كويس..........فكرت ابتدي بالبسبوسة لانها اكثر شي ينطلب مني والكل يثني عليها وايضا غريبة بنكهات جديدة واشكال مختلفة طبعا باعلن عنها اول ما ابتدي وكمان مكعبات التمر الهشة ....بس هالثلاث اصناف ولو لقيت اقبال كل فترة ازود صنف ....
ما استغني عن ارائكم وتجاربكم وتشجيعكم ....وكيف ابدأ وكيف احسب التكلفه والربح
16-12-1436 هـ, 10:32 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اعتذر ....ادري القسم مو مناسب .....بس حاولت احذف الموضوع وما انحذف
16-12-1436 هـ, 10:40 صباحاً
 
ما شاء اللَّـه عليك ،،
اللَّـه يرزقك من واسع فضله.. و تسعة أعشار الرزق في التجارة ... صدقيني اغلب الحريم الحين ماعاد يسوون حلا بالبيت.. يطلبون من برا..
صار شي نادر اني اشوف وحدة مسوية كيك او بسبوسة ع القهوة.. الغالب يطلبو من برا جاهز
فأكيد راح ينجح مشروعك بإذن اللَّـه.. انتي توكلي على اللَّــــه وابدأي بكميات بسيطة.. واعملي لك حساب بالانستقرام كإعلانات و صور.. ايضا سوي اعلان مصور ع بروشورات و خلي ولدك يوزعها ع جيرانك في الحي ( خاصة اذا كنتي في مدينة كبيرة )
بالتوفيق
16-12-1436 هـ, 10:40 صباحاً
 
مشكورة ياقلبي
16-12-1436 هـ, 10:45 صباحاً
 
موفقه لكل خير رأيي بيعي بنفس سعر المحﻻت ناقص خمس ريال مثﻻ
تعرفين الحريم يحبن اﻵرخص وتحس نفسها كسبانه اقصد الزباين بيعي باطباق نفس لمقاسات تبع المحﻻت وهذي تﻻقينها بالمحﻻت
16-12-1436 هـ, 11:22 صباحاً
 


الساعة الآن 01:23 .