لا تستهوني الأمر حبيبتي وبنفس الوقت لا تخافين
والله مافي أجبن منهم
وطالما تقولين مس انتهى الأمر يعني تحليلي كان صح..
عليكِ بالرقية الشرعية المكثفة داخلي وخارجي
والتحصينات لا تتركيها أبد
وهناك الكثير من العلاجات القرآنية والحسية
إن شاء الله انزلكم روابطي عما قريب للاستفادة
فأنا لي فترة طوييييييييييييييلة ما دخلت المنتدى

انا كمان جاوبتها من تجربتي من المس
وما اعتقد دخول الجن بالطريقة ديه
ولاعمري سمعت انه يدخل بالطريقة ديه
هيا بما انه صارلها الي صارلها فغالبا انها اصلا مصابة ودا اذى منهم
او ممكن ما تكون مصابة اصلا وبرضو اذى
لانه الاذى الخارجي يصير للمريض والسليم

عليكي بأذكار الصباح والمساا واذكار النوم
والنوم على طهارة
وتحصين البيت او الغرفة بموية وملح خشن تذوبيه في الموية كاسة ملح لكل لتر وتقري فيهم الرقية العامة افضل رقية عامة في راي
رقية الشيخ عبدالله الخليفة لانها
مو بس عين حسد مس عاشق وسحر
لا آيات الشفاء والحفظ
ورقية الامراض النفسية
والآذان
والدعاء في الاخير شاملة
وتلقيها مكتوبة في منتداه تقريها في الموية وتنفثي بعد كل آية وبعدين الموية ديه تحطيها في بخاخ وترشي في العتبات والزوايا
وتقري قرآن يوميا لازم
وسورة البقرة ولو حسيتي بتعب او ثقل وملل وتثاؤب زائد عن الحد وانتي بتقريها بالرغم من انك كنتي بكامل نشاطك فهنا تعرفي فيكي شي
نجي للاعراض الي ممكن تحسي بيها ممكن مو شرط
ممكن ولو حسيتي بشي مو بكلها بعضها
ضيقة شديدة واكتئاب وممكن بكي بدون سبب
وعصبية شديدة مرة حتى بعد الانتهاء من القراءة بساعات او ايام حتى
ممكن تقريها من هنا تتمشكلي مع امك ابوكي زوجك لو كنتي متزوجة
ترميش'تحويل للعين,اصابع رجلك تتحرك من حالها,تشوفي عروق يدك بانت,تلمحي بطرف عينك زي الفلاش عالسريع جدا,تثاؤب,نعاس,نوم,
قشعريرة زي لما تكوني بردانة بالضبط,تنميل وخدر في الارجل غالبا,تحسي زي النمل بيمشي في جسمك,تحسي حاجة اتجمعت في ضهرك او راسك من ورا,
دوخة وخفقان ودا ممكن حتى بعد الرقية والقراءة بساعات,
ضحك ابتسامات استهبال تنكيت وقت الرقية او بعدها قصدي بدون سبب
عطش
غثيان,ترجيع,تكريع,بلغم ورغاوي بيضا الله يعزك
وغيره وغيره
دا بالنسبة اثناء الرقية
قبل
تحسي باكتئاب عزلة اجتماعية
تعب ومرض زي الشقيقة او الصداع العادي مزمن
قولون عصبي ودا غالبا من المرض الروحي بس الاغلب مايدرو
اكزيما تساقط مفاجئ للشعر
تاكلي بكثرة بس ما يبين عليكي
او العكس ما تاكلي ماعندك ديك الشهية
عصبية شديدة اغلب الاوقات
محيطك ينفر منك ممكن حتي امك تحسي زي الي تكرهك وما تطيقك
امورك معطلة زواج وظيفة دراسة حمل وغيره لو كنت متزوجة
صلاتك عبادتك كيف
شوفي الامور ديه مو شرط تكون فيكي او تحسي بيها
انتي اقريها شوفي في شي منها ينطبق عليكي
وخدي في بالك لين دحين مو شرط يكون فيكي شي
انتي اقري سورة البقرة يوميا واسمعي رقية عامة وشوفي راح تحسي بشي او لا
لو ما حسيتي بشي من اول مرة كرري وكرري
للانه مو كل مريض يبين معاه من اول مرة
واهم شي صلاتك في وقتها
واذكارك
وتحصين البيت او اقلها مكان نومك
وتخرجي نواقض التحصين من غرفتك

نسيت اقولك من اعراض المرض الروحي النسيان الكتير
وعدم التركيز

الله يجزاكم خير كل الى ردو علي