علاقتي بخوالي

السلام عليكم جميعا
اتمنى تكونو بتمام الصحه والعافيه
انا وحده علاقتي كانت قبل 3 سنين كويسه مع خوالي ومره متعلقه فيهم واسال عنهم دايم رغم انهم ولا مره رفعو السماعه يسالون عني قلت اوك الحق علي لانهم خوالي وامي كانت تقولي نفس الكلام انو الحق مني مو منهم خطب واحد فيهم اسافر واخلي زوجي ياخذ اجازه بس عشان احضر واهديهم من اغلى الهدايا هذا من غير الفلوس اللي اعطيهم وقلت اوك هذا حق مع العلم انهم جو زواجي وزواج اختي والله يابنات انا وخواتي المتزوجات 3 وجايين يد قدام ويد ورى وحتى تحسون مالهم نفس هم عايشين بمنطقه بعيده والله منعم عليهم واحد دبلوماسي والثانين معهم خير لكن بس يجون حتى ملابسهم مو واضح عليهم الخير وعايشين بقريه هناك مو راضين يطلعون منها يعني متخيلين كيف منغلقين مع هذا حنا عايشين بمدينه ويجون بعرس اختي بس يناظرون في امي واختي الصغيره ومو عاجبينهم يعني عرفتو كيف تحسونهم بس ينقدون رغم ان امي قويه شخصيه وماتسمح لحد يقول كلمه فيها ولا في احد مننا لكن استغربت سكوتها انا كنت امشي ع كلام امي لحد ماصارت مشكله بيني وبين زوجي وربي يابنات خوالي هم اللي يمشي بين الناس ويتكلم فيني وبنات خوالي نفس الشي يجيني اخبار انهم يتكلمون فيني وبعلاقتي مع زوجي رغم ان زوجي مايقربلهم ابد ولا يعرفونه بس ليش التدخل هذا حاولت اعدي لكن دق علي بيوم خالي وقعد يحكيلي رومنسياته مع زوجته متخيلين كيف قلت الحيا هذا اللي سافرت وخليت زوجي يغيب عن دوامه عشان احضر عرسه يكلمني وانا زعلانه من زوجي ويحكيلي رومنسياته معها ولا عرف رقمي الا ذاك اليوم مره انقهرت وحسيت انو مالي داعي واني كبرتهم وعطيتهم فوق منزلتهم بكثير وبنت خالي تراسلني وتضحك تقول لحظه لحظه زوجي عندي بنات انا اقسم بالله ماتذكرو ان عندهم بنت اخت الا ذيك الايام ايام زعلي من زوجي بعد مارجعت لزوجي قمت صكيتهم بلوكات كلهم من كبيرهم لين صغيرهم بالواتس والانستقرام وسناب وحتى بالجوال نفسه ولا كاني اعرفهم حتى كل من سال عنهم قلت مادري عنهم الزبده درت امي وقامت تهاوشني وتقولي خوالك من تبوك يكلمون يشرهون عليك ماتكلمينهم ليش قلت انتي على عيني وراسي لكن اهلك ماابيهم وامي زعلانه مني هاليومين كثير بسبه هالسالفه ولا ادري شلون اتصرف ابي ارضيها لكن انا حالفه بالله مااتواصل مع اهلها لاني لايمكن ارجع علاقتي في ناس مثل هالاشكال هذي