اقتباس مشاركة  (,?سمسمه/)
وعليكم السلام ورحمة الله وبركاآته ,
القهوه إختاري بن نظيف و زين .. آنا أستخدم الخولاني
ولو إنتو من النوع اللي ناآدر يسوي قهوه إشترو ربع كيلو بس وحطيه ف علب قزاز حتى يحفظ نكهته
آنا أستخدم بن خولاني حمس وسط , لكل علبه و ربع مويه آبو نص أحط 3 ملاعق حلى بن , آطبخها من خمس إلى عشر دقايق
و آحط ف الثلاجه حبتين قرنفل و شوي زنجبيل و كم خيط زعفران ,
قبل اقفل النار ع القهوه أحط ف طرف الملعقه هيل و إنتي حطي ع رغبتك لآن إحنا ماآنحبه كثير
و صبي القهوه ف الثلاجه , <<< هالقهوه أسويها لي آنا و زوجي بسس و إنتي قيسي عليهاآ لو بتسوين قهوه كثيره =)
..
الشاهي أسويه ف براآدي صغير ,
بعد ماآتغلي المويه أقفل النار و آحط فنجال قهوه سكر و أقلب لين يذوب السكر << و تختلف كمية السكر لو كاآن ناآعم أو خشن
و بعدهاآ أحط الشاهي و ماآقلب ... أغطي عليه أخليه كم دقيقه ليين الشاهي ينزل ف قاع البرادي
و من قبل حاآطه نعناع ف الثلاجه و لين نزل الشاهي اللي ف البرادي ف القاع أصبه ف الثلاجه
ولو شفتي إن الشاهي لسى خفيف حطي شاهي لبتون ف الثلاجه لين يثقل ..
..
و مع الوقت إن شاء الله بتتعلمين مقدار السكر و الشاهي و البن و الهيل و تسوين قهوة كيف و شاآهي محكوور =)
معليشش , أقصد 5 ملاعق حلى بن للقهوه .
قلت أصحح خطأي يمكن آحد يتبع اللي قلت ^__^
رفع
افضل بن هو البن الخوﻻني يطبخ عشر دقايق اهم شي مايتعدى ربع ساعة
وحطي عليه وهو يطبخ شوية حليب سايل وزعفران
الترمس حطي هيل حسب رغبتك
اما الشاهي مثل ماذكروه اﻻخوات ﻻيطبخ ﻻن يتغير طعمه
ذوبي السكر اذا عليه نعناع او حبق ع مزاجك
بعدين حطي الشاهي وبصراحة ليبتون افضل
بالتوفيق حبيبتي ان شاء الله تضبط معاك
بالنسبه للقهوه يمكن نوعية اللي عندك ماهي زينه جربي غيرها انا استخدم قهوة الكيف الشمالي
اغلي مويه بمقدار ترمسك وضيفي فنجال ونص قهوه واقصري النار حيل واتركيها عشر دقايق بس وطفي عليها
واتركيها خمس دقايق عشان تركد
واذا تحبين الهيل ضيفي شوي قبل ماتطفين عليها
والشاي يطلع مويه وسكر لان يمكن ابريقك كبير وانتي تحطين ليبتون واحد مايكفي لازم تزودين اثنين او ثلاث
على حسب حجم ابريقك ولاتخلينه يغلي كثير دقيقه او دقيقتين وطفي عليه
في وحدده تبيع قهوة من جد لايعلى عليه وكمان جاهزة وتصلح للي زيك


الساعة الآن 11:41 .