السلام عليكم يا اخوات
ابي منكم طرق للكيك بمقادير اقتصادية و بنفس الوقت حلوة .
الله يسعد ويوفقك و ييسخر لها كل خير من ترد

اللي حابة نسوي قروب بنات لتشجيع بعض .. ترسل ع الخاص
جربي هالكيكه وان شاء الله تعجبك
طبعا الكوب اللي اقيس فيه كوب الجبنه الصغير
جيبي الخلاط حطي ثلاث بيضات برش برتقاله كوب عصير برتقال ثلاث ارباع كوب زيت كوب وربع سكر رشه ملح ملعقه كبير بكنج باودر رشه فانيليا اخلطيها وبعدين صبي اللي خلطتيه على كوبين طحين واخلطي بمضرب السلك ودخليه الفرن من تحت بعدين من فوق ممكن تستبدلين العصير بالحليب وتشيلين برش البرتقال وتزيدين الفانيلا
خليط الكيك الجاهز لذيذ وسعره بسيط
الاساس خليط كيكة الزبادي علبة زبادي بحرارة الغرفه و نص كوب زيت و4بيض تخلط ثك كوب سكر وملعقه باكنق و2 كوب دقيق وتخلط زين 1- حطي مقدار من الخليط بالصينيه وثم انثري خليط السينبون (كاكاو مر وقرفه وظرف دريم ويب وسكر ) ثم حطي باقي خليط الكيك وبالفرن بعد ماتخلص سقيها شيره او نستله او صوص السينبوه (جبن كيري -نستله -دريم ويب -قشطه) 2- خليط كيكة الزبادي واي بسكوت عندك (مرات احط كذا نوع )مثل(بسكوت شاي مكسر وديجستف واولكر ساندويتش واكسرها تكسير خشن ) واحط طبقة من خليط كيكة الزبادي ثم طبقة البساكيت ثم باقي الخليط وبالفرن 3- نفس خليط الزبادي مع (تشكيلة كاكاوات - جلكسي فليك كتكات سنيكرز كندر اي نوع واخلطيها مع بعض) ونفس الطريق السابقه جزء من الخليط الكيك ثم طبقة الكاكاوات ثم باقي الخليط وبالفرن 4- خليط كيكة الزبادي مع حشوة التفاح( على نار هاديه احط تفاح مبشور مع قرفه و سكر واخليها لين التفاح يذبل مره ) وبنفس الطريقه طبقة خليط كيكة الزبادي ثم الثفاح ثم باقي الخليط وبالفرن .5- كيكة الزبادي بالتمر والجوز (تمر معجون ونحطه على نار هاديه مع رشة قرفه وهيل لين تحسين التمر ذاب شوي واخلطي معه جوز او فستق )وبنفس الطريقه خليط الكيك ثم الحشوه ثك باقي الخليط وبالفرن ويخلص زينيه بصوص التوفي .6- كيكة الزبادي بالشعيريه المحموسه (شعيريه باكستانيه محموسه وبعدين انقعها بخليط - كريم كرميل وضرف دريم ويب وحليب المراعي -لين تلين الشعيريه ) بنفس الطريقه خليط كيكة الزبادي ثم الشعيريه ثم باقي الخليط وبالفرن .
رفع


الساعة الآن 11:28 .