طيب ماشاء الله بنتك عمرها 12 يعني على اعتاب مراهقه خلاص مو طفله ومعلومه مثل هذي بتعرفها اليوم او بكره بيني وبينك انا بعمرها عرفت المعلومه من قريبتي اللي بسني وكويس اني عرفت لاني لو جلست على معلومات امي كان تزوجت وحملت واحسب الولاده شق بطن وخلاص
انتي خليها تثق فيك وصححي لها المعلومات بطريقه مافيها احراج وكذا كذا خلاص بيصير بينكم مواضيع خاصه تكلمينها فيها اولها الدوره اللي ممكن تجيها خلال هالفتره

انا اشوف انك غلطتي ..بنتك ما شاء الله خلاص كبيرة سادس يعني على ابواب البلوغ لو فهمتيها بطريقتك وانه هذا الشي عادي وانه الوحدة لازم تنزل منها الدورة ..انتي اللحين بتاخذ منك موقف ..اولا البنت راح تكذبك وتشهر ببنتك وتكره البنات فيها وتعقدها ..ثانيا بنتك اذا جاتها الدورة بعدين راح تخاف وتتذكر كلام هذي البنت وتهتز صورتك عندها وانك ماصدقتي معاها ..اللحين لازم تشوفي لك طريقة في حل هذا الموضوع

يا اختي لو كذبتي على بنتك وماعلمتيها بطريقه بسيطه انه كلامها اللي قالته صح راح تكبر البنت وتكتشف ان كلام صديقتها صح وانتي غلط لازم لازم دام بنتك فتحت معك ذا الموضوع كويس انه تعلميها تدريجي حتى تستوعب انه الله تعالى خلق البشر كذا حتى يتكاثروا وانه مو لازم الحين تعرف هذي الامور بس انتي اختصري لها
اووووو يارب من ذا الجيل والله اذكر كنت اسال امي اسئله كذا وانا صغيره كانت تصارخ عليه مع انه مالي ذنب بس ابغى اعرف كانت الله يسامحها تقولي يجون الناس في كراتين كبيرة زي حقت الصابون الكبير وبعدين نفتحها ونلقى النونو جوتها ياربي مدري كيف الفت هالكلام كبرت انا وعرفت من اللي حولي من بنات الحارة عاد مدري من اللي قالهم صرت استحقر كلام امي وانها كذبت عليه
نصيحه ياىاختي لا تكلمي المرشده ولا شيء دام وعدتي بنتك خلاص انتهى الموضوع بس حذري بنتك انه ماتمشي مع ذي البنت الله يهديهم اجمعين ويحفظ لنا عيالنا وبناتنا

وانا ماعرفت الا من بنات الابتدائي تصدقي ورحت زي الهبلة قلت لامي صح ياماما مااشوف الا ذاك الكف ومن بعدها امي مافتحت معي هذا الموضوع ولا جابت سيرته وهذا انا كبرت وتزوجت وخلفت الله يستر كل جيل يطلع اسوء من الي قبله ربي يهدي اطفالنا ويحفظهم

معليش اسمحيلي
احس كلامك مثالية زايده
بنتك الله يحفظها لك ماهي صغيرة بل على وجه بلوغ
ودايما البنات يتعلمون من بعض
اهم شي انك تنصحين بنتك بالبعد عن هذي البنت
وعدم الكلام في هذي الاشياء الا معك انت فقط
ولاتكبرينها مرشدة ما مرشدة ترى مابتسوي شي غير تجيبين المشاكل لبنتك