زوجي والتهاب القولون التقرحي

الله يشفيه ويعافيه. انا كنت أعاني مثلك زوجي كان عنده التهاب قولون تقرحي مزمن اللي يتعايش مع شخص مصاب بالمرض هذا بيحس بالمعانات
غالبا شوربة كويكر بدون صلصه ولا بهارات ولا لحوم اخف له. حطي معاها ليمون اسود وكم قطعة فلفل بارد تزكي الطعم. وإذا هو يتقبل الورقيات مثل كزبرة وشب تحيط معاها
والسليق مره خفيف ويناسبهم احياننا. لاكن خليه بدون دهن وسوي معاه سلطه مطحونه طماطم وبقدونس وليمون
معكرونة كبسه بدون دهون وقللي الصلصه

ابعدي عن الزيوت لاتكثري منها وفي زيت الزيتون كويس له .قللي جدا البهارات .....جريش رز ابيض مع دجاج مشوي خضار بالفرن بعدي عن الفلفل والفلفل الرومي بعد ......وكمان اقرائي بلنت عن الاكلات المكافحه للقالون حتى احنا نعاني منو اهم شيء الاكل الصحي ولا بعدين يتحول الى شيء لايحمد عقباه الله يشفيه ويكفينا واياكم الامراض

قطعي دجاج صغار وشيلي الجلد وقطعي كل الخضار صغار جدا الخضار الي تحبين بس ابعدي عن الباذنجان وبصل وثوم وجيبي الصينيه حطي البصل والثوم والطماط مقطع والخضار والدجاج اخلطيهم بشوي ملح وزيت زيتون وشوي فلفل اسود ذره وكمون وماجي ابيض وحطيهم في الصينيه وصبي عليهم فنجال قهوه مويه وقصدريها ودخليها الفرن الين تستوي

سوي له رز ابيض جمبه سوي على بصل وطماط وخضار ومويه وملح ونقطة زيت زيتون ادام ورشي قرصان او قطعي مرقوق فوقه
سوي شوربة العدس بصل وثوم وعدس اصفر وبطاطس وجزر ومويه وملح وماجي وخليهم الين يستوون بعدها اخلطيهم في الخلاط

ممكن تسوين له صدور دجاج تقطعينها وتسوينها في اسياخ بعد ماتتبلينها بشوي ملح وفلفل وكمون وتحطينهم في اسياخ وتشوينهم في الفرن
او دجاج كامل تبلينه وتحطينه في الفرن اهم شي لاتحطين لابهارات ولا ليمون

يابنت الحلال وكلي امرك لله انا عندي نفس المرض واشد منه بعد والدكتور قالي لا تحرمي نفسك من شي ابد الا الحار لا تقربين منه اذا بديتي تغيرين طبيعة اكلك وتتعودين ع اشياء صحيه بتتعبين وانا كنت اخاف من كل شي وجاني قهر والم وملل من الحياه وشكيت لدكتور وقالي خوذي راحت با الاكل والواحد بيعرف وش الاكل الي تحسس منه ويتعبه والحمدالله مشيت ع كلامه واكل كل شي بخاطري ماحرم نفسي شي حتئ الحار اكله بس نادر نادر نادر جدا واتكون حرارته مقبوله والكولا اشتهيه بس قليل جدا اشربه والحمدالله صرت اعرف الاكل الي يحسسني وابتعد عنه وواهم شي يبتعد عن الاكل الي فيه حبوب والقشور من الفواكه والخظار شيليها حتئ الطماط قشريه اهم شي ابتعدي كل البعد عن القشور والحمدالله مافيني الا العافيه وهذا من فضل ربي رحمته واسعه والله يشفيني ويشفي كل مريض