السلام عليكم


جايه اليوم وبستشيركم
حابه ابدا لي مشروع بسيط ومن بيتي اطبخ حلى
ومقرره اسويلي صنفين فقط لين اشوف وش يصير علي وان شالله ابحدد الويكند بس المعلمات ممكن تطلب قبل بيومين واوصله لها للمدرسه علشان ماهمل بنتي وبيتي وبالبدايه لين اشوف شغلي يمشي او لا طبعا زوجي مثل اغلب الرجال مايطيق سيارات التوصيل ولاعامل البقاله عند الباب فانا قلت ادورلي محل يعرض بضاعتي عنده
المهم ابي تجاربكم وش رايكم نصايحكم
مابي اشتري مقادير رخيصه تهمني الجوده درجه اولى
طريقه التغليف لانه كيكه ودي اغير ولاحطه بكرتون فكرت الفه بورق وشريطه والصوص احطه بعلبه
عندكم افكار او شي مميز بحيث تلفت نظر الزبون وشي ثاني تكون محميه ويحافظ عليها زي الكرتون وين القى هالاشياء بالقصيم
ابي دعواتكم لي الله يوفقني ويسهل امري ويرزقني وكل مسلم ومسلمه
12-01-1437 هـ, 08:51 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سبحان الله وبحمده سبحان الله العظيم
13-01-1437 هـ, 02:54 صباحاً
 
وعليكم السلام ورحمة الله وبركاتة
ما شاء الله
أتمنى من الأخوات اللي عندهم خلفية وجربوا مثل هالمشروع من قبل ومن لديهنّ الخبرة بمثل هالمجال إفادتك ِ ..
وبنات القصيم إن شاء الله ما يقصروا ويساعدوك ِ ..
وربي يوفقك ِ بمشروعك ِ ويبارك لك ِ فيه..
وخطوة إيجابية منك ِ كونك ِ ربة منزل وحابة تشتغلين وتبدأين من منزلك ِ وإن شاء الله تفتتحين محل خاص فيك ِ ويتوسع نشاطك ِ ونكون من زبائنك ِ مستقبلاً بإذن الله
موفقة يا بنتي .
13-01-1437 هـ, 08:49 صباحاً
 
اهلين بالقصيم اعرف بالرس العمه مزنه وسويت بوكس واتوقع فن الكيك والريف الفرنسي يدعمون الاسر المنتجه اللي متاكده العمه مزنه شوفي حسابهم انستقرام او روحي لهم وتفاهمي معهم واتوقع يعرضون لك المنتج انا ابي محلات بالرياض كذذذا وقد طلبت ماحد رد للاسف
13-01-1437 هـ, 09:04 مساءً
 
اقتباس مشاركة  (Mooon AL-Juhani)
وعليكم السلام ورحمة الله وبركاتة
ما شاء الله
أتمنى من الأخوات اللي عندهم خلفية وجربوا مثل هالمشروع من قبل ومن لديهنّ الخبرة بمثل هالمجال إفادتك ِ ..
وبنات القصيم إن شاء الله ما يقصروا ويساعدوك ِ ..
وربي يوفقك ِ بمشروعك ِ ويبارك لك ِ فيه..
وخطوة إيجابية منك ِ كونك ِ ربة منزل وحابة تشتغلين وتبدأين من منزلك ِ وإن شاء الله تفتتحين محل خاص فيك ِ ويتوسع نشاطك ِ ونكون من زبائنك ِ مستقبلاً بإذن الله
موفقة يا بنتي .
ااامين يارب

الله يسعدك كلامك يحفز
15-01-1437 هـ, 02:59 مساءً
 


الساعة الآن 12:10 .