كيف اقدر اشتري من هالموقع

في وحدة ممكن تساعدني بلييييييييييييي ييييييييز بنات محتاجة اخذ اغراض من هالموقع

يزاكن الله خير والله يرحم والدينا والديكن

والله الغاليه الا شراتج لا اعرف استخدمه ولا شي والي يعرف لا يبخل علينا
سبحان الله وبحمده سبحان الله العظيم


[grade="4B0082 4B0082 800080 800080 FF1493"]
مرحبا ختيه الجو غيم

شوفي حبوبة

أول شي لازم تسوين register

وتسوين لج User Name و Password

وانتي تسوين الريجيستر ضمن الأشياء اللي لازم تعبينها في الخانات

رقم البطاقة اللي بتشترين بها الأغراض (بطاقة الاعتماد)

وعادي عقب ما تكملين تسجيل ترومين تشترين أي بضاعة

بأنج تسيرين عند الغرض اللي تبينه

وإذا كان المزاد عليه خلص فممكن تضغطين على Buy Now

لكن قبل لا تتشرين لازم تتأكدين أنه طريقة الدفع اللي يستخدمها التاجر

تمشي هنيه في الإمارات

مثلاً أنا تورطت أنيه شريت 3 أشياء من نفس التاجر

وتكلفة شحن كل بضاعة بروحها لأنه شروط التاجر جيه

وعقب ما ييت بدفع

اكتشفت أنه هالتاجر ما يتقبل الدفع إلا بطريقة الـ paypal

وهاي مب متوفرة لدولة الإمارات ولا الدول العربية حالياً

فاضطريت أنيه أبلغهم يكنسلون لي البضاعة دامه مب طايع بأي طريقة ثانية يتسلم المبلغ

وبعدنيه ما أعرف جانهم بيكنسلون ولا لا

عشان جيه حبوبة

قبل لا تتشرين أي بضاعة

تأكدي من طرق الدفع اللي يتقبلها التاجر

يعني هل يقبل الدفع بالشيك ولا التحويل البنكي ولا عنده مندوب في البلاد

وجيه بترومين تطلبين البضاعة

لكن لو شفتيه حاط accept paypal only

ترومين تضغطين على رابط اسم التاجر

وعقب تسوين له Contact

قولي له هل لو شريت منك بتقبل أنيه أحول لك المبلغ

لأنه الـ paypal مش متوفر لدولة الإمارات؟

إذا رد عليج على إيميلج وقال لج عادي طلبي البضاعة

وإلا فلا تتورطين


ختج رومانوف
[/grade]



اختي لاتسجلين Business Account لانه للتجار بس...
لكن سجلي Private Account وماراح يطلب منك لا بطاقة ائتمان ولا شي
وتقدري تشتري عادي...

سبحان الله وبحمده
اللهم اغننا بحلالك عن حرامك وبفضلك عمن سواك
وبطاعتك عن معصيتك وبرضاك عن سخطك
وبالثبات عند سؤالك
لا اله الا انت
سبحانك اني كنت من الظالمين





الساعة الآن 04:43 .