وعليكم السلام ,,


الله يوفقك وييسر لك أمورك .. وإن شاء الله الموضوع بسيط بس بشرط !
إنك أولاً تحددين النوع أو الشيء اللي راح تبيعينه .. والأفضل التخصص بأي شيء لأن نسبة النجاح بتكون أكبر من اللي تبيع كل شيء .
ورأس المال يتحدد بعد تحديد نوع البضاعة وكذلك المواقع اللي راح تشرين منها
وغالبا أغلب التاجرات يتعاملون مع مواقع صينيه مثل علي بابا وعلي اكسبرس أو إي باي وأمازون
وحطي ببالك إن مشروع بدون تسويق خسران .. حطي مبلغ كبير للتسويق ولا تستغربين إذا قلت 30% أو 40% من رأس المال .. وكذلك مبلغ ثابت شهري للإعلان عند حسابات المشاهير بالانستقرام أو بالمواقع .
فكري وأدرسي وأقرأي وشوفي المشاريع المنافسة واعرفي من وين بضاعتهم وابحثي عنها وادرسي السوق والأرباح وطريقة التوصيل والتغليف .
وإذا اتضحت الفكرة وشفتي مجال لك بالإبداع والتميز لا تطولين بالتفكير ابدأي وخلاص
والله ييسر لك أمورك ويوفقك ويرزقك


الساعة الآن 05:45 .