السلام عليكم و رحمة الله و بركاته
حبيباتي وعزيزاتي ☆★
سبق ونزلت موضوع عن الاستغفار وفوايده وكيف تغيرت حياتي
واتمنى من ربي ان يكون نال اعجابكم وافادكم....
واليوم باذن الله بنزل موضوعي عن النقاط اللي سويتها
وغيرتها بطبعي وجعلت حياتي اسعد مع زوجي وصرت مليكته ماشاءالله ...
بطلب من بعض خواتي وعزيزاتي ♡
اتمنى انكم تستفيدو وتدعوا لي دعوه بظهر الغيب ان شاءالله...
والموضوع طويل جدا اللي مش فاضيه لاتقراه الحين
انتظري لين تتفرغي واقريه واتمنى انك تستفيدي
خواتي وحبيباتي ادري الحياه ماهي كلها زوج واولاد وتربيه
ادري انه من المهم ان تكون لك حياه مستقله لذاتك
تعيشي فيها احلامك وطموحاتك وتحققي اللذي تحلمي فيه و
ولكن اغلب الاخوات في بيتها تهتم في بيتها واولادها وزوجها
ومادام انك اصبحتي زوجه وام فانتي مسووله امام الله سبحانه وتعالى
فيهم كما هو الحال مع زوجك مسوول عليكم ومحاسب ...
اختي في الله اكرمي زوجك عامليه بحب ♥
تخيلي وانكم عشيقين وحبيبين ليس زوجين فقططط...
واعلمي وتيقني انك كلما زرعتي واسقيتي ثمرتك
سوف تجديها تكبر ولن يحصدها شخص غيرك ابدا
تماما كالزوج كلما اصبحتي له صديقه وحبيبه وام واخت وكل شي
اعلمي انك انتي الوحيده اللي ستكوني في قلبه ♥
لايوجد شخص اخرررر يسكنه غيرك..
انا مابتكلم ع الشكل العام انا بتكلم ع وجه الخصوص
وساحكي ع نفسي فقط...
وهذا لايعني ان كل الرجال سواسيه وان زوجي وزوجك متطابقين لا
ولكني ساتكلم ع النقاط المشتركه في كل الرجال
وكيف استطعت ع فهمها وتغيير النواحي السلبيه اللتي كانت تعكر صفو حياتي...
اعذروني اطلت بالحديث ولكني اتمنى الاستفاده لكم جميعا...
اولا.. ☆
اادعيه للصلاه .. ذكريه في الطاعات
احرصي ع تذكيره ببر والديه و تحمليهم
اصبري على فضبهم فلاتدري كيف يمر الزمان وستصبحي
بمكان والديه وتتمنين البر وستفرحين عندما تلاقي
اولادك وزوجاتهم يحبوك ويبروك...
اصبحت كل فتره او اسبوع اسال زوجي كلمت عمتي
اتصلت عليها وش اخبارهم ذا الشي يحببك في قلب زوجك
ويصبح هو كذلك يسال ع اهلك ويتفقدهم
بادري بالاتصال والتواصل وخليك افضل منهم لتكسبي
اولا رضاء ومحبه زوجك وتضلي في قلبه العشيقه المدللة...
ثانيا .. ☆ اتركيه في وقت غضبه...
اشوف بمواضيع كثيره هنا لمازوجها غضبان ويبدء النقاش بينهم
ويحتد ماتتركه لا .. تضل تناقش وتصرخ وتبيه يسمعها وهو
بذا الوقت لايرى امامه شي وكل الرجال بهذه النقطه سواسيه يصرخ
ويتكلم بس لو شافك سكتي واخذتي نفسك وطلعتي من عنده بيهدأ
ويروق وقد يطلع من البيت يريح اعصابه شوي
وماتلاقيه الا عندك جاء يراضيك سوى بطريقه مباشره او غير مباشرة
لانه شافك ع حق وسكتي وماكبرتي المشكله
ولا سمحتي للشيطان يدخل فيما بينكم.
.ساعتها تدللي بحدود وتكلمي معاه وغيري موضوع الزعل
وكانه ماصار واذا قالك زعلانه قولي خلاص عفى الله عما سلف
احنا مافي بيننا مكان للزعل كل ذا من ابليس اللعين
صدقيني بتكبري بنظره بيعرف انك انسانه ماتستحق الجرح والزعل
وبيحاول انه يرضيك ومايزعلك وخلاص سكري الموضوع
وافتحو صفحه جديده....
ثالثا..☆ .تحملي طبيعه شغله ومشاكله في العمل...
يعني اذا شفتيه مشغول وصار لك مده ماتطلعي
لاتزني يااختي وتنكدي ع حالك عشان تطلعي وتنبسطي
ترى والله مافي احلى من قعده البيت وانتي مرتاحه البال
مافي مشاكل سوي قهوتك وريحي ولا روحي لجيران ولا روحي صالون
مااقولك اشغلي نفسك بشغل البيت لا دلعي روحك
سوي تقشير لجسمك ووجهك تبخري تزيني وضيعي وقت
وعادي مش شرط تتدلعي وتتكشخي للزوج فقط لا عادي دلعي روحك
ترى هذا الشي ياثر بالنفسيه ويبعث فيك روح التجديد والحيويه
والشباب انا زوجي يروح احيانا 11 او 1بالليل تخيلو طول اليوم لحالي
وبغربه لا اهل ولا شي بس اشغل نفسي بالليل بعد ماينامو عيالي
واتدلع واسوي صنفره واتعطر واتبخر واتكشخ افرح وارتاح
وانا اشوف بشرتي تلق لق وعادي اقعد لحالي واتفرج التلفزيون
واحيانا اتعب وادخل البس بجامتي وانام
المهم اني كسرت روتيني وريحت اعصابي وانعشت جسمي وشعري ..
ادري طلعت من موضوع النقطه لكن للافاده فقط....
رابعا . . ☆.ريحي تلفونك..
ماله داعي كل شوي تتصلين ها وينك ليش تاخرت جيب معك
وجيب وجيب وجيب ليش ماترد انا تعبانه اولادك تعبوني وينك يافلان...
حبيبتي ترى والله وهو يتعب عشانك ماله داعي كثر الزن والاتصال
زوجي واصل مشغول مستحيل ادق عليه ابدا الا اذا لاسمح الله صار شي
ومحتاجته اما اساله وينك وليه ماله داعي وخصوصا اذا موعد رجوعه للييت
ماجاء الا اذا تاخر مره اتصلي واحبانا اكتفي برساله واتس اساله
وهو اللي دايم يبادر بالاتصال ويسالني
وينك ليه ماتسالي ماوحشتك ولا كيف !
خليكي ثقيله ليحس بفراغ وشي ناقص ويتصل
يشوفك وش لاهيه فيه عنه واذا سالني وش تحتاجو اجيب معاي
اكلمه اما اني ارسله من نفسي واطلبه لا الل اءا هو دواء او
شي مايتاجل وضروري لانه تعبان ويادوب يروح البيت يريح
ماله داعي طلباتك سجليهم بورقه مره واحده وجيبيها له لمايطلع ...
خامسا.. ☆ اطلقي حريته..
اشوف كثير امثله من الزوجات ماتحب زوجها يطلع مع اصحابه
طيب ليه ؟ خايفه يغيرونه عليك ولا خايفه يتاخر عليك
ولا ايش طيب مثلما انتي تحبي تطلعي لمجالس وصديقات
هو كمان من حقه يطلع مع اصدقائه يتونسو ترى ذا الشي يساعد
في تجديد الحب والشوق فيما بينكم
احبانا انا اصر ع زوجي يطلع مع اصحابه وخصوصا
اذا اتفقو كلهم يطلعو ع الواتس اقله وانت ليه ماتطلع
يقولي ماابي اتركك لوحدك يعني اهو يدور رضاي وانا ادور راحته
واقوله لا عادي اطلع كل الاصحاب يطلعو ويغيرو جو
وانا واثقه فيك وباصحابك كلهم راعيين دين ومالهم بالخرابيط
يقولي مااحب اطلع هم يطلعو لان ماعندهم واحده مثلك
ليش انتي وبقيه الحريم سوى..ماشاءالله...تبارك الله
يعني اصبح يرتاح في بيته يرتاح وانا جنبه يرتاح لاني مريحته ومريحه راسي
لاني انسانه اريحيه مثلما خواتي يقولين مااحب النكد ولا التنكيد بيتي مريح
نظيف لقمته موجوده ويشوفني بالشكل اللي يحب
احسسه اني ابيه بس عشانه مو عشان يساعدني باولاد وتربيه
ومذاكره لا انما حبا فيه وشوقا..
كنت من اول اتضايق واقول ليه تروح لهم وانا ليه اقعد لحالي
حرام عليك وانكد ام الطلعه عليه بس ليه مااخليه براحته
واستغل وقت غيابه في الاهتمام والدلع والدلال يروح يلاقيك
عروسه قدامه وهو مشتاق لك...وانتي مشتاقه له والجو خالي..
سادسا..☆ .خليك مبتسمه..
اضحكي خليك بشوشه مرحه متفائله شقيه بيحب روح الحياه
اللي فيك انا من تزوجت وزوجي يقولي باقي طفله ماكبرتي
رغم انه الحين بخلص 24سنه حتى بنظر اهلي وخواتي
طفلتهم المدللة الصغيره اللي الكل يحبني ويحب قعدتي لاني اسوي
جو والفت الانتباه سوى لطبعي وضحكتي واخلاقي ومظهري ومظهر اطفالي وتربيتي لهم ...ومن شافني قال كان توك عروس من مظهري وعنايتي يشكلي وبشرتي مو كان عندي طفلين...
اضحكي سولفي بس مش بكثره لدرجه الثرثره بس انتي وشطارتك
خليه مايمل من قعدتك وضحتك وجوك طبعا ذا طبعي من زماااااااان
ماتغير ولله الحمد بس احاول اني اغير روتين واحيانا اقوله
نشرب قهوتنا بالبلكونه ومنها نسولف ونتونس..ونغير جو وروتين...و
احيانا اقوله خلينا نلف بالسياره ونشرب كابتشينو
وعمره ماعارضني ماشاءالله..
سابعا...☆ الاهل...
حبيباتي اهله ومقارنتك فيهم اتركيها لان كل شخص
له مكانته بقلب زوجك كنت بالاول اذا حصل شي كبير اكلمه
وادري انه واقف بصفي بس يكررره اني اقارن روحي فيهم او
اقوله وش الحل لانهم اولا واخيرا هذولا اهله مابيقدر يغضب امه او ابوه
او يزعل حد عشان يرضيك بس اذا الموضوع يستاهل
ممكن يصير كلام ومناقشات بس بدون ماتحرضيه ابدا ابدا
وخليك بنظره المظلومه عشان يدور رضاك ويسعدك
وكمان مو كل شي ينقال للزوج فلانه ماعزمتني اختك مااتصلت لي
ماسالت علي ماسلمت خلي هالاشياء اللي تعكر حياتك ورررراك
وانتي بالاخير تزوجتي اهو مو اهله عامليهم بالحسنى
وخليك بعيده عنهم لتكسبي رضا زوجك وسعادتك
وراحه بالك...
ثامنا..☆ .اجعلي بيتك جنه...
حافظي ع هدوء بيتك وسكينته رتبي شغلك اولا باول
انجزي امورك نيمي اولاك وجهزي لقمه زوجك وخذي لك شاور
وتطيبي اجعلي انوار بيتك خافته ومريحه بخري بيتك وعطريه
رتبيه من اي كراكيب او دفاتر اولادك والعابهم ترتاحي وترتاح نفسيتك
وتسعدي نظرك ويرتاح زوجك في بيته ويعود لبيته مشتاق للراحه والسكينه
والتنظيم والهدوووووووء استقبليه ببشاشه وابتسامه
افتحي له الباب ليعرف انه شخص مهم وانك بانتظاره
وودعيه واستودعيه الله واجعلي هذا الشي بينكم حتى ولو انكم زعلانين
انا مااقدر مااستودع زوجي واسكر وراه الباب حتى لو زعلانين
لازم تعودت ع توديعه واستقباله وكل مااستقبله
ينبهر في شياكتي ونظافتي وريحتي ودايم يقولي
انسى تعب الشغل من اشوفك ولله الحمد..
تاسعا. ☆ .احفظي بيتك....
احفظي بيتك مايدخله شخص يحبه احفظي سرك خليه
بينكم ماتطلعيه ولو لامك
خلي حياتك داخل صندوق انتي الوحيده اللي معك المفتاح ل
اتشاركي حد قي بيتك واسرارك وحياتك الخاصه..
اجعلي من حياتك لغز يتمنى الجميع معرفته ..
..صوني زوجك اخلصي في العباده ربي اولادك بمايحب الله ويرضى
حتى وان تضايقتي وحصلت مشاكل مشاكلك ماتطلع لحد
وخصوصا التوافه منعك من طلعه مارحتي سوق مازرتي صديقتك
ترى والله محد نافعك بالاخير واذا كلمتي حد بمشكلتك احنا الحريم
نحب نهول ونحكي ونبكي وساعتها وش بتستفيدي
الكل بيكره زوجك واخرتها بتتصالحو وتنسي واهلك مانسو
ماتدخلي اهلك الا في الكبيره لاقدر الله اذا مد ايده عليك او مقصر معك
سوى بفلوس او شفل او تعليم واللي اوله شرط اخره نوووووور ..
.كنت من قبل تقريري المفصل لاهلي وخواتي واشكي لهم اشياء تافهه
واتكلم وانا ابكي او اروح لاهلي واقعد بالايام عشان شي تافه
ويكبر ويوصل لابي وابي يجيبه ويصير نقاش واخرتها
اروح ونتصالح ويصبح عشيقي واموت فيه واهلي
شايلين بقلبهم عليه رغم انهم يحبوه وابي يقول انت مثل ولدي
لكن انا السبب في تخريب العلاقه بس بعد مافهمت وكبرت شوي
وسافرت واتغربت اصبحت حياتي سري لوحدي مااكلم اهلي الا بالخير
يسمعون صوتي وانا مبسوطه يدعو لي ولزوجي ويحبوه جدا
حتى امي الحين تقول زوج بنتي احن علي من ابني...كذا الدنيا
احفظي بيتك اجعليه سررررررررا يتمنى الجميع معرفته...
عاشرا.. ☆ واخيرا..جددي حياتك...
لابد من التجديد والتغيير جددي حياتك بحسب قدرتك
مو لازم فندق وحركات لا يكفي ليله حلوه عشاء جميل
ملابس مرتبه اضواء خافته وشموع كيكه وحلا للتحليه
مساج بزيوت عطريه فاجايه بهديه بسيطه كمثال انه ع بالك
وانك متذكرتيه مو شرط الهديه تكون بمناسبه
(وسبق ونزلت مواضيع عن الهديه والمفاجات وكيف تغيري روتين)
شوفي وش ناقصه وفاجايه وجيبي له دام انه يستاهل
بادري بهالشي وحتشوفي بنفسك النتااااايج...وتدعيلي...
لقول رسولنا الكريم تهادو تحاااابو...
اهديه فاجايه ريحيه اكرميه اسعديه حافظي ع سرك وبيتك
اجعلي من بيتك جنه وراحه لااحد يرغب بالخروج منه
حافظي ع ماله وسره وبيته لان اكثر مايزعج الرجال نقل الاسرار
ولو لاقرب الناس والتبذير والطلبات فوق المستطاع...
قدري وضعه وظروفه اين كانت السعاده عمرها ماكانت بالفلوس
والمشتريات...اوقفي معاه بمرضه ساعديه واسهري عليه
ترى والله الرجل كالطفل انسان ضعيف وحنون من الداخل
اجعليه قوي امام الجميع وحنون امامك ولنفسك فقط.....
ادري كثرت كلام ولكن العالم اني احبكم ومااريد اشوف مشاكل
بهالقسم وقلبي ينفطر ع واحده معها مشاكل وقد لاقدر الله
توصل للطلاق فحبيت ولو اساعد واشارك بالقليل....
ومثلما يقولو اخواتي يقولن انتي اصغرنا ولكن اعقلنا
واكثر واحده مدبره فينا ودايم مايستعينو فيني واساعدهم
وانتم مثل اخواتي بالضبط الله يديم المحبه والمعروف....
و
واتمنى دعوه منكن بظهر الغيب وان تذكروا الله
وتدعوا لي بصلاح ذريتي وان ربي يوفقني ويحفظ لي زوجي
وافضل في قلبه حبيبته وعشيقته وام اولاده الوحيده...
واسال الله الكريم التوفيق والتيسير والسعاده لكم كلكم وان
ربي يرزق كل الانسات بالزوج الصالح التقي. ياااارب
