كل وحده تعرض لنا افكارها للمشاريع الصغيرة ، واي وحده سوت مشروع تقولنا عن تجربتها ابي تفاعل الله يجكم خير ☺ حتى لو فكرره بسيطه قولوها خلونا نتناقش بهذا الموضوع

  • بصراحه انا كنت حابه ادخل في مشروع البضايع الاجنبيه مثل ملابس واحذيه وشنط .. احسها حلوه مررره .. انا بصراحه احب اشتري من التاجرات اللي يوفرون قطع من الصين وغيرها احس اشيائهم حلوه
  • وفكرت بعد اشتغل في الطبخ مو كل الاصناف لا اشياء معينه انا اتقنها مثل بيتزا وبعض الحلويات والكيك .. اذا في مناسبه اهلي واهل زوجي يطلبوني لاني مره اتقنها وفكرت في بيعها بس ما تحمست زوجي ما حمسني.. وحتى مره تواصلت مع طباخه نفس منطقتي قلت لها انا اسوي اصناف حلوه ودي ادخل في مجموعتكم لان ماراح اتحمس اذا انا لحالي .. ورفضت تقبل عرضي لان هم مجموعة بنات قلت لها ادخل معكم وجربو اصنافي اول .. وكان في محاولات غيرها اني انضم لمجموعه بس ما توفقت والحمد لله ..وغير كذا بصراحه ايتحي من هالشغله مافي احد من اهلنا يشتغل في هالمجال
وسلاااامتك يالغاليه ❤️❤️❤️
صباح الخير



الصراحه ما جربت من قبل أفتتح مشروع حتى ولو صغير لكن ببالي كذا فكرة لكذا مشروع قد تكون مطروحة من قبل لـــكن لأهميتها أردت طرحها من جديد ..



وايضاً انا أحب أشجع أي عضوة عندها الهمة والرغبة بإفتتاح مشروع خاص فيها وهذا بإعتقادي ينُم عن تفكير واعي وذكي كونها تستغل وقتها بما ينفعها ويعود عليها بالفائدة ..



نرجع للمشاريع اللي ببالي :



1- الوجبات الصحية بالمدارس هذا مشروع رائع ومفيد جداً جداً جداً يعني نعمل محل للوجبات الصحية ونقدم فيه منتجات طبيعية وطازجة أفضل من المواد الحافظة اللي بيتناولوها بالمدارس وهذا بإعتقادي ورقة رابحة لوزارة التعليم لو قامت فية وبنفس الوقت تساهم بتوظيف عدد من الخريجين .



2- حضانات للأطفال ومثل ما أنتم عارفين مشاكل العمالة المنزلية والأمهات العاملات بس بشرط تكون الحضانة على مستوى عالي من الخدمات والتأهيل المسبق للعاملات فيها وهذا المشروع ليس بالجديد لكن ارجوا تعميمه بالمدارس والجامعات وفي كل مكان ويكون هناك مُرتّب لابأس به للعاملات ويندرجوا تحت وزارة التعليم يعني تصبح وظيفة حكومية مثلها مثل غيرها ..







وغيرها الكثير الكثير من المشاريع لكن أتمنى أن لا تكون بشكل فردي حتى يستفيد أكبر عدد ممكن من الأشخاص .



واخيراً أتمنى للجميع مشاريع موفقة ورابحة بإذن الله .



وشكراً لك ِ يّ صاحبة الموضوع فتحت ِ لنا هذا الموضوع حتى يتسنى لنا طرح أفكارنا ف شكراً كثير .


الساعة الآن 05:05 .