الطفله جوري ... تكفون ادعوا لها

السلام عليكم


صبايا ان من عرفت عن سالفة الطفله جوري الخالدي
وانا كلما اتذكرها ابكي من خوفي عليها
علما بانها ماتقرب لي نهائيا ولا اعرفها


تكفون ادعوا لها ولأمها وابوها
عسى الله يجمعهم فيها على خير يارررب ياجامع الناس ليوم لاريب فيه اجمع جوري بأهلها وهي في اتم الصحه والعافيه




يانسوان اوصيكم على عيالكم
والله ياكثر ما اشوف عيال يضيعون على اهاليهم
واذكر موقف طفل يمكن عمره سنتين ونص اوثلاث مضيعينه اهله
نفس الشي بالمستشفى بقسم الطواري نساء جايني يسأل وين ماما ويبكي ياقلبببببي
ومسكته ولفيت فيه بالقسم كله ادور على امه
هو يبكي وانا ابكي معاه دميعات الاطفال تأثر فيني مررررره
جلست يمكن 10 دقايق وانا ادور لها واسأل الدكتورات والممرضات كلهم مايدرون


اخر شي تخيلوا قلت بسلمه للمستشفى واقولهم امانه برقبتكم وصلوه لهله


ومن الحظ الحلو الحمدلله
مريت بالسيب ولقيت بنت يمكن عمرها 20 سنه
ماسكه جوالها وماتدري وش حولها
ترددت اسألها لانه بخاطري اني سألتها قبل
عاد وفقني الله
وقفت وسألتها تعرفين ام هالولد لو سمحتي


طبعا بالقوه طالعت عيونها مبقبقه بالجوال!!!!


وبكل برود مسكته بيده وقالت اخويه ذا ........


عنجد بغيت اعطيها ذاك الكف اخليها تفيق..


قلت وين امك طيب ماتمسك اخوك درت فيه قسم النساء كله


قالت امي عطتنياه وراحت قسم التنويم تزور.....




حسبي الله على ابليسك يومن امك تأمنك على اخوك وبالنهايه الضعيف يبكي ويدور خايف




الجوالات بلهت بعض الناس




النهايه انتبهههههوا عيالكم امانه برقبتكم ..