زوجي يفكر نفسه كامل وجميل ومحد مثله

السلام عليكم
بنات انا ابتليت من هذا الزوج لكن شو بقول غير ااحمدلله علئ كل حال الشي الزين فيه بس طيبته لكن طبعا الطيبه ما تستمر علئ طول😢
زوجي اولا راتبه يروح كله لبيتهم لانه يخاف من امه ويسمع كلامها لو تطلب عيونه بيعطيها، المشكله انه ما يحط مبلغ احتياط سبحان الله نحتاج للمبلغ في نهايه الشهر لازم يعصب ويعصب علي انا!! طيب وانا شو ذنبي اذا هو ما يوفر فلوسه وتروح راتبه لامه. ما يسمع الكلام راسه واقترحت عليه ان يعطيني مبلغ في حاله احتجنا لاغراض العيال بنهايه الشهر ولكن ما رضي باقتراحي. الي براسه يسويه.. وانا موظفه وتنازلت عن مصروفي واغراضي اخذهن من راتبي واحيانا اخذ للعيال ملابس وهو بس راتبه لبيت اهله وللعيال واذا خلص راتبه وبغينا اغراض العيال يقولي انتي اشتري وانا ما عندي.. لا سفر سافرته عنده ولا هديه اهداني وبعد يضاحك ويسولف الحريم برع وانا ما عاطني وجه الا اذا احتاج جنس يجي وبدون مقدمات وبدون نفس للتهيئه.. وبعد يريد عيال بالرغم من كل الي يصير وساكنين فبيت اهله وفغرفه وحده وما يريد يسوي بيت اصلا لان راتبه كله يروح وبعد يريد يعتمد علي كاني انا الزوج. يريدني اخذ ارض واستثمر ويقول لي شوفي فلانه سوت وشوفي علانه سوت بيت واشترت ارض..😒طيب وانت شو دورك فالحياه وليش متزوج عشان تاخذ مني كل شي. ويقول انه يشتغل فشركه ومافي قرض سود الله وجهك يالكذاب قبل فتره قايل لي خلي اختج تشتري ارض قلت له هي تداوم شركه وما يصير تاخذ قرض قال لا يصير الظاهر الغبي نسئ لما قال لي انه ما بصير..
باختصار هو عايش عشان يصرف ع اهله وع عياله واذا خلص يعتمد علي. وحرمني من السفر وشهر العسل ومصروف والطلعات البسيطه وبعد يضاحك الحريم ومخلني نفسه ملك الدنيا.. في اخس من حياتي لكن الحمدلله