تصميم وبيع الفساتين

السلام عليكم اخواتي في الحقيقه ترددت كثير قبل ماانزل الموضوع مدري وش سبب هالتردد


انا وحده ماامدح نفسي ربي العالم من وانا صغيره احب ارسم فساتين عرايس وتجذبني عروض الازياء في المراهقه لدرجه اني امشي ع خط مصمم معين قبل كنت اشتري فساتين جاهزه بالاعراس والمناسبات بس يوم تزوجت وشفت كشخه الحريم قررت اصمم لنفسي واختار اقمشه بنفسي وفعلا اول فستان فصلته لنفسي كان عام 2013 في عرس عمي اخو ابوي والجمييع يناظرني هذاك اليوم ويناظر بفساني توقعته بيكون عادي بس طلع افضل بكثير مماتوقعت بعدها جات ملكه اختي ولبست فستان من راسي فصلته كللهم انهبلو عليه وفي زواجها فصلت بعد وطاارت عيون الناس حسيت الكل يتكلم عن فساتين السهره اللي البسها غير نظراتهم اختي تقول بعد زواجها يسالونها خوات زوجها من فين اشترت اختك الفستان واساليها تقدر تاجره ولا تبيعه وخالتي نفس الشي اهل زوجها تقول يوصونها اسالي بنت اختك من فين تشتري فساتينها وتقدر تاجرهم يوم او تبيعهم << انا هنا يوم سمعت ايجار وبيع وتجاره جت في بالي اني افتح مشروع صغير بس ماني عارفه من فين ابدا والله نفسي دام الله موفقني بهالمجال وعاجبه الكل في تصاميمي اني اصمم كم فستان فخم واعرضهم للبيع وحابه اسالكم كم سؤال


شلون انمي موهبتي وشلون اقدر اتاجر بموهبتي من فين ابدا احس نفسي ضايعه وكيف ابدا تحملوني لاني جد مو عارفه شي ومااستغني عن نصايحكم ي خواتي وواثقه في شوركم لي والله يسعدها ويريح بالها اللي تعتبرني اخت وتدليني الطريق الصح لان هذا جد هو اللي اتمناه