السلام عليكم اخواتي
ابي الله يجزاكم خير طريقة المصقعه بمفروم الدجاج ابيها مضبوطه ومتسبكه وطريه تكفون ابي بالتفصيل ووش احط بهارات معها ...

❤ جورجيو أرماني❤
وعليكم السلام ورحمة الله وبركاتة


تفضلي هذا رابط لوصفة لأختنا فروحة الإمارات بس بدل الدجاج لحمة أعتقد فيك ِ تستبدليه بالدجاج عادي وأتمنى يكون هو المطلوب وبالعافية ..


http://sabaialkhair.blogspot.com/2013/06/blog-post...
اناةاقولك طريقتي فالمصقعه
اشوي حبه باذنجان ع نار الفرن وقلبيها لاتخليها تحرق
واذا حسيتيها طريه خلاص شيليها وقشريها
وحمري لك بصل مع زيت وحطي اللحمه سواء دجاج ولا لحم ، وطماطم وحطي البهار اللي تحبيه
وبعدها حطي الباذنجان عليها وحركيهم شوي لحد ماتتسبك وخلاص بالعافيهه
دعواتك لي ولعيالي
اقتباس مشاركة  (جورجيو أرماني)
السلام عليكم اخواتي
ابي الله يجزاكم خير طريقة المصقعه بمفروم الدجاج ابيها مضبوطه ومتسبكه وطريه تكفون ابي بالتفصيل ووش احط بهارات معها ...
قطعي بطاطس وباذنجان حلقات واقلي اول شي البطاطس بعدين اقلي الباذنجان وخليه على جنب نجي للحشوه بصله كبيره مفرومه وفصين ثوم مهروسه وزيت احمسيهم اول حطي الدجاج المفروم اغسليه في صفايه قبل عشان ينزل منه الدم وصفيه من المويه وقلبيه الين يتحمر وبعد يصير مفكك حركيه وحطي شوي ملح ملعقة بهارات اي بهارات مشكله راس الملعقه فلفل اسود ملعقه صغيره كمون مطحون وكزبره مطحونه وبابريكا وحركي الين تنشف موية الدجاج تكونين مقطعه شوي بقدونس وطفي النار بعدين حطي البقدونس وحركي عشان تبان طعمةالبقدونس حطي الحشوه فوق البطاطس بعدين صفي الباذنجان والحين صلحي الصوص في الخلاط طماطمتين فصين ثوم مكعب ماجي صلصه نص العلبه بهارات نفس الي في الحشوه وبيالة مويه صبي شوي شوي الين توصلين للقوام المناسب واخلطيها زين الين تختلط لازم يصير الصوص شوي ثقيل وبعد ماتخلتط وتعطيك القوام المناسب صبيها فوق الباذنجان وتكونين مجهزه الفرن ومشغلته من وقتمن تحت قصدري الصينيه وعلى الفرن الين تتشرب الصوص ويثقل الصوص ومن فوق بس يتحمر وجهها وبالعافيه


الساعة الآن 03:47 .