افكر بالخلع

الأسرة والمجتمع

بسم الله الرحمن الرحيم والصلاة والسلام على رسول الله
السلام عليكم ورحمة الله
حبيباتي لمست منكن حب الخير ومساعدة الاخرين والنصح والارشاد وانا لم الجأ الي هذا المنتدى الأ املي في الله كبير وانا اريد منكم المشورة والنصح والقرار بيدي اولا واخرا..
انا متزوجة منذ سنتين ولم يرزقني الله بالخلفة والحمد لله على خيرة الله وحياتي الزوجية على وشك الانهيار وانا في منتهى الحيرة في مستقبلي والحزن على نفسي وايامي الي مضت ..
بداية عشت حياة رفاهية عند عائلتي وكل طلباتي تلبى وكلمتي مسموعة وعائلتنا مستوها التعليمي عالي ويحترمون المرأة وحقوقها طبعا عكس زوجي الذي في نظرة ان المرأةفي جميع شؤون حياتها (ناقصة عقل ودين) ولا يؤخذ برايها ومكانها البيت والخدمه** ...
فترة خطوبتي قصيرة جدا وزواجي تقليدي بحت** كان من اول شهر يشك في اخلاقي حتا في بوسط المسجد الحرام وفي حجابي مع ان حجابي كامل ولله الحمد وفي لبسي واي نظرة واي حركة لها تفسيرات سيئة لدرجة انه يظلمني ويحلف بالله انه على حق ويدعي علي بالسرطان والعمى لو كنت كاذبه وانا في حالة ذهول وصدمة** لكن مره انفجرت و دعيت ان الله ينصرني عليه والله الذي لا اله الاهو ربي استجاب دعوتي في نفس الساعة.
وكان يمنعني البس الا على كيفه والا ممنوع الطلعة** وممنوع مكياج (عيب )ويفتش جوالي ويدخل البيت بكل هدوء مثل الحرامي لحتى يشوف ايش اسوي ويطلعني من قروبات اهلي وصديقاتي وانا كنت موافقته** وحذف الواتس والانستقرام وتويتر** ويحرجني امام اهله انني مسرفه وماعندي اي تدبير مع العلم ان الجميع يمدح فيني وطبخي وتصرفاتي وشخصيتي وهو كذلك معجب فيني من هذا الجانب بس يقلب فجأة يسب ..
**ومشكلتي الثانية** مع تلفونه ع طول مفتوح ولا عمري فكرت افتحه احتراما للخصوصية بس يوم قلت له** ممكن افتح الواتس من جهازك اتسلى وهو ماعندو مانع و اكتشفت من مسجات قديمة من قبل سنه واكثر**ان زوجي كان يحب الاولاد ويعجب فيهم وتوصل لدرجة انه يتذلل لهم و يحاول يرضيهم باللي يطلبون انا انصدمت منه ولكن كتمته في نفسي** قلت ان شاء الله ربي هداه وهو بدا يعفي لحيته و الاغاني ماصار يسمعها لكن يشوف الافلام من النت بحجة اللغة ولكن تاكد لي انه مازال من خلال نظرته لاخوي الصغير ودايم الاعجاب فيه ونظرته للاولاد شككتني اكثر** وكثير يسولف عن هالموضوع وتأكدت اكثر من تصرفاته اثناء العلاقة اكثر من مرة يحاول ....
مشكلتي الثالثة اني من تزوجت**كنت باخر ترم** بالجامعه وكان بخيل من حيث المصروف يعطيني 500 ريال للدوام ولمقاضي البيت وانا راضية . والسكن شقة مع اهله ولكن بدون اثاث يادوب غرفة النوم ومطبخ رغم مرتبه الجيد** لكن بحجة ان عليه قروض شهريا ومع ذلك صبرت وضحيت وكل ما يلقى عندي ** فلوس مع اهلي ياخذها ع اساس انه محتاج وكل فترة يسألني وين راح المهر وليش انتي مسرفة واحمدي ربك ان عندك شقه واحمدي ربك اني شريت لك غساله ..ثلاجه ...الخ
**وحتى اهلي اول مرة كنت بروح لهم زوارة** بعد الزواج واخذت معي صينية حلا واقام الدنيا واقعدها وقال انا ما اصرف على اهلك وهم مو محتاجين انا زعلت وتركتها مع العلم** ان اهلي كرماء معاه ومع اهله بشكل كبير والله الشاهد وهو دايم يصفهم بالمبذرين والمسرفين والمتفتحين حتى وصلت به ان يقول متخلفين مع انه يظهر لاهلي الحب و انه رجال محترم ومثالي ويحبهم ومستعد يخدمهم بعيونه وبعدما يخدمهم لو مشوار بسيط يرجع لعندي زعلان ويقول مو سواق اهلك ولا حمال لاهلك مع العلم هو بيصر على خدمتهم واصبحت انا اعتذر بالنيابة عنه
**و لا انسى كم من مرة ضربني واهانني وانا ماعندي الا دموعي واشكي على الله حتى اصابني ارتفاع الضغط و اضطرابات القولون وزيادة الوزن وتساقط شعري واثر على نفسيتي والجميع لاحظ تغيري للاسوء مهما اخفيت واظهرت انني سعيدة** ولم يقصر يده عن الضرب الا لما تجردت من انوثتي و صفعته صفعة احسست ان يدي سوف تنكسر من قوتها وبردت على قلبي وقد تاب من بعدها ولم يمده يده علي بل اصبح يعتذر مني وانقلبت حياتي فاصبحت اتمرد عليه وارفع صوتي كلما رفع صوته لدرجة اصبحت ارد عليه بنفس اسلوبه السيء وانا اخاف ان يصبح هذا طبعي** و لا اطيق النظر لوجهه ويرجع يعتذر مني و اسامحه
**
لكن الحمد لله بعد كم شهر من هذا العذاب** من الله علي بالوظيفة** و مشكلتي الجديدة معه انه زاد طمعه والصرافة في جيبه واتفقت معه كل شهر له 3 الاف ريال حلال عليه علشان يكف شره عني واعفيته من النفقة علي في اللبس وكل ما احتاجه**ومع ذلك يغضب اذا عطيت احد او تصدقت او خصصت للوالدة مبلغ بسيط بحجة انه اولى من غيره** ولكن اصبح يصرف 3 الاف يضعها في حسابه و في السوق** يحاسب بصرافتي ولا تكفيه ويضغط علي يبغى سيارة واسدد القرض عنه بمعنى اصح صارت ابتزاز صريح** ممنوع الطلعات والسفر والترفيه والسوق وما اشتري لك الا اسوء شئ** وممنوع زيارة خواتك وصديقاتك الا تشترين لي سيارة او ارض والا راح تعيشين بنكد واعتبريه تهديد وانا رافضة تماما ان اشتري له السيارة وكفاية مافات وفكرة القرض رافضتها تماما وصار لي فترة افكر في الخلع واشتري راحتي ولا همني كلام الناس عندي اهل ولا بالدنيا يتعوضون والحمد لله عندي مقومات كثيرة اني اتزوج مرة ثانيه من انسان محترم وطيب
ما انكر ايجابياته والا اظلمه** انه محافظ جدا على صلاته واوقات يتأدب معي ويحضر لي الهدايا ويعتذر عن اخطاءة بس افتكر سلبياته تتقفل الدنيا بوجهي وارجع اتذكر انه اسباب حزني وضيقي
67
9K

يلزم عليك تسجيل الدخول أولًا لكتابة تعليق.

تسجيل دخول

ryom88
ryom88
ماقدر انصحك ب الطلاق او الجلوس معه
بس نصيحه لا تاخذين له قرض ولا تعطينه
شوي شوي بيطمع فيك اكثر
بتصحين فجأه وتكتشفين حياتك معه غلط بس عقب ايش عقب ماحملك ديون
حطي له حد قولي ماراح اعطيك من راتبي ولا ريال
او قولي ابوي اخذ بطاقتي او اي شي
بس لاتعطينه احس يتمادى وانتي شايفه بعينك
الله
مزاجيه%
مزاجيه%
سنتين وهاذي فعايله ولاعندك اطفال...
احمدي ربك..
فري فرارك من الاسد
لاتقولين بيتغيرولايثمربعيونه..الابيزدادسوءاااا
مزاجيه%
مزاجيه%
وعليكم السلام ورحمه الله وبركاته..
نسيت اردالسلام.
لاوالله حالتك تستدعي الطلاق..
لان هذانصااااااب كبير
آمنة مطمئنة
آمنة مطمئنة
الحمد لله ما عندك عيال منه لو حابه تصبرين فتره تشوفين يتغير للافضل أو لأ أصبري
لكن كوني حريصه جداً إنك ما تحملين منه خلال هالفترة.
فوفا الحلوة
فوفا الحلوة
ياختي اقسسسم بالله العلي العظيم انو نفس زوج اختي ونفس قصتها مع زوجها من كثر ذهولي احسب اختي كاتبه مشكلتها بس ان اختي عندها بنتين وولد منه ولا كان قلت هيا... المهم اختي صبرت عليه 11سنه ع امل انه يتغير لدرجة انو اشتكت لاخوه الكبير قالها يافلانه اذا فيك صبر عليه اصبري عشان عيال ولا اطلبي الطلاق هذا اخوي وانا عارف انو ما راح يتغير وقبل اختي كان متزوج اثنين وماطاقو العيشه معاه نفس اسلوب زوجك الاهوااا نفسه .... وخلعوه لدرجه انة زوجته الاولى كان لها ولد كانت اختي ترعاه بدايه زواجها منه لانه ما اعطاها ولدها بيقهرها اخذت رقم اختي من ولدها وسارت تتصل عليها وتطمن عليه مع الايام سار بينهم صحبه ومحبه في الله وكانت اختي تقول مشاكلها لطليقته وردت عليها ذيل الكلب مايتعدل اجل ايش خلاني اخلعه غير اسلوبه القدر وانتي تلاحقي نفسك تقول لاختي بس اختي الله يهديها ضيعت من عمرها معاه بدون فايده وهاذي هيه راحت المحكمه وخلعته والحمد لله ارتاحت منه وعيالها اخدهم منها بس يجوها زيارات وهيا الان مخطوبه الله ييسر لها ويعوضها خيييير ع صبرها ....ونصيحتي لك ان تتلاحقي نفسك احمدي ربك ماعندك عيال منه نصيييحه شخصيه سكوباتيه مالها حل الله المستعان وحسبي الله ع كل ظااالم