حبيبتي لاتتعبين نفسس مع رجلس واضح انه مع اهله حق او باطل انتي عليس بس تقوين شخصيه عيالس قويهم ياخذون حقهم وتعاملي برسميه مع اهله واذا الاخ قال ازعجتونا عشان الدرج وهم يزعجونكم افتحي باب بيتكم وسمعيهم تراكم ازعجتونا ورجلس لاتشتكين من اهله لانه ماراح يوقف ضدهم حتى لو غلطانين وان شاء الله ربي يسخره لس ولعيالس

والله العظيم ماني مصدقه سويتي كذا ؟؟؟ والله يا اختي الحرمه العاقله ماتسوي سواتك وبجد فضحتيه يعني حتى شيء مو مستاهل على العاب وجزم حركتك مررره طفوليه بشكل يعني اطفالك الي انأخذت اللعبه من يدينهم ماخذوا اغراض ولد عمهم ودسوها تقومين انتي يالكبيره العاقله تسوين كذا ؟؟ ...اذا كانت اشياء ثمينه تكلمي وخذي حقك لكن العاب وجزم! ..المهم اتفقي مع ابوهم ان اي شيء عمهم ياخذه لازم يعوض عيالك بجديد واطلعي منها ..وفهمي عيالك انو اعتبروها صدقه وعمنا كبير لام نحترمه والشيء الي بيسويه عمنا غلط لكن الاجر الي بنكسبه اكبر عند الله .

وش ينزل عيالك عندهم لا ينزلون الا بالاسبوع مره حق الواجب وانتي معهم وبدون العاب حتى ما تصير مشاكل والسبب لعبه ونبهي عيالك اذا نزلو يجلسون عندك لين ترجعين بيتك ولا تخسرين بيتك عشان بزران والعاب ترا الرجال يشوفون هل الاشياء امور صغيره ويستنقصون عقل اللي تفكر بالعاب وولدي ولد اخوك
الحياه الزوجيه اكبر من ذي الاشياء بكثير ذي تعتبر توافه الامور مو مشكله تنعرض

عيالك لايطلعون لابسين لا مداس ولاشبشب دام الباب جنب الباب .. والالعاب خبيها ولو جاووكم البزران لاتخلين شي ينسرق ولو اخذ شي اخذيه من يده بسرعه قبل يشوف زوجك
وخبيه
بعدين لو خذ شي وزوجك موجود وولدك بكى .. وديه عند ابوه وخليه يبكي عنده وقوليله لازم تشتري لعيالك بدل اللي خذه ولد اخوك
وامدحي فيه قولي انت كريم وماتقصر وووالخ
وهذاك الابو لو اخذ شي خليه يسمعك وانتي تقولين معليه ياولدي خلها صدقه .. هم مساكين ماعندهم فلوس كثير مثلنا .. خلها صدقه عشان ربي يوديك الجنه
وعلمي ولدك يقول كذا لو اخذو منه شي يقول هذي صدقه منا .. عشان ربي يوديني الجنه
خليهم يمكن ينحرجون
واذا رحتي لامه تحت قوليلها انا لو فلان اخذ من العاب ولدي اعتبرها صدقه .. وبو فلان مايقصر يشتريلهم ان شالله بداله