ابي اعرض شي وما اعرف كيفيه التواصل مع الزبون متن ناحيه التسلييم
بليز افيدوني افادكم الله
تلرى ما بقى احد ما طلبت منه زهقت
18-12-1426 هـ, 12:59 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي ما فهمت عليج ........؟؟الحينه لما تعرضين شي الزبون اذا عجبه بيرسل لج رساله وساعتها على الخاص تفاهمي على طريقة التوصيل او تعطينهم رقمج ويتصلون فيج ويكون التفاهم اسهل
18-12-1426 هـ, 01:06 صباحاً
 
مشكوره بس لاني ما سبق لي التعامل عارفه كيف
18-12-1426 هـ, 01:12 صباحاً
 
حبيبتي ..
اعرضي بضاعتك .. و خلي الصور واضحة و الاسعار واضحة و محدده
و يفضل تحطين اسعار الشحن لحميع المناطق .. و الطريقة اللي تفضلين فيها استلام المبلغ سواء عن حوالة زي خارج البلد او تحويل او كاش ..
بعدها الطلبات تجيك و تتفقين معها على السعر .. بس بليز بلاش سالفة السعر على الخاص لانها شوي غريبة هالحركة اللي عندها بضاعة افضل شي تعرض سعرها عشان ما تتعب نفسها وهي ترسل الاسعار للناس و ممكن يطنشون لو ماعجبهم !
18-12-1426 هـ, 01:12 صباحاً
 


السلام عليكم اختي حفيدة اسماء

ماقصروا البنات،، وتسعدني مساعدتك
قبل ماتعرضي البضاعه شوفي وزنها كم
يعني اذا بتوصلينها بالارامكس ولا بالبريد الممتاز
روحي عندهم وخليهم يوزنون البضاعه وشوفي كم كيلو فيها
واساليهم عن سعر الشحن لدول الخليج مثلا ولا الشحن الداخلي لاول نص كيلو
وعن كل نص كيلو زياده.. مثلا عندنا بالبريد الممتاز اول نص كيلو 45 ريال + 10 ريال عن كل نص كيلو زياده.. ان كان سعر المنتج عندي كيلو ونص مثلا: يكون سعر الشحن كامل .. 45+10+10= 65 ريال..

أولا: طريقة طرح الموضوع
خلي العنوان حلو يجذب
ومعلوماتك عن منتجك واضحه واذا حبيتي تعرضي الاسعار
او ترسليها للي يبي براحتك..

ثانيا: ارسال السعر للزبونات
اذا جتك طلبات،، ارسلي لهم سعر المنتج+ سعر الشحن بالبريد او شركة الشحن

ثالثا: ارسال معلومات التحويل
اذا وافقوا على العرض ارسلي لهم معلومات تحويل الفلوس لك سواء عن طريق مكاتب الصرافه (توصلك الفلوس خلا يومين الى اربعة ايام تقريبا) او بحوالة الويسترن يونيون بواسطة البنك او مكاتب الصرافه(توصلك الفلوس خلال نفس الوقت). المعلومات المطلوبه لتحويل الفلوس لك:
اسم مكتب الصرافة او البنك اللي تتعاملي معاهم اي مكتب قريب منك.
عنوان المكتب (باي منطقه).
اسم الشخص المستلم للتحويلة ورقم تلفونه ضروري (يفضل اسم رجال وتلفونه افضل زوجك او اخوك او الوالد الله يحفظهم لك) لانه بعض البنات للأسف تأذوا من رجال معنا بالمنتدى باسماء بنات الله لايبلانا..


خامسا: استلام الحوالة
لما ترسلك الزبونه بتعطيك رقم الحواله اتصلي بالبنك او مكتب الصرافة وعطيهم رقم الحواله واساليهم اذا وصلتهم او لا..

سادسا: شحن المنتج
لما توصلك الفلوس خبري الزبونه واشحني الطلبيه على طول.. غلفي المنتج، حاولي يكون في كرتون مناسب مثلا او كيس بحيث انه مايتلف. ومايكون كرتون كبير علشان مايزيد وزن الطلبية. وبعدين لمن تودينه للبريد ولا لشركة الشحن هم بعد يغلفونه في الطرد.. حاولي ماتتاخري في الارسال افضل..

سابعا: متابعة ارسال الطلبية مع الزبونه
خبري الزبونه بالرسايل الخاصه انك ارسلتي الطرد لها وانه بيوصلها قريب ان شاءالله.. واطلبي منها لما يوصلها تخبرك على طول علشان تتطمني.. وتابعي الموضوع بنفسك افضل..

وان نسيت شي باقي البنات مابقصرون ان شاءالله.. بالتوفيق يالغاليه


18-12-1426 هـ, 09:26 صباحاً
 


الساعة الآن 01:53 .