بودي اساعدج يالغاليه بس مثل ما قالوا البنات بوظبي متروسه صالونات والمهم يكون شغل الصالون حلو
وان شاء الله تلقي المكان المناسب ------ والله يكثر الزباين ان شاء الله ------
واذا فتحتي الصالون خبرينا وبنزورج فالج طيييب
22-12-1426 هـ, 02:53 مساءً
 
هلا الغاليه, وأنا بعد أقول ان الصوالين وبالاخص في بوظبي وايدة, ومنتشره في كل المناطق..
بس بينجح اذا حطت خبيرات مثلآ وحده مكياجها حلو,والثانيه مساجها خطير...الخ.
وبعدين تروح كذا صالون وتشوف شو أكثر شي مطلوب.
أذكر مره كان عندي عرس , ويوم اتصلت في الحرمه اللي متعوده أتمكيج عندها اتعذرت وقالت عندها عروس, اتوهقت
قالتلي ربيعتي عن صالون عمري ما سمعت عنه ولا حتى دخلته, بس مجبوره لازم أسير ولا يابنات طلعت وحده ثانيه, والسعر جدآ ممتاز
واللي أباج تعرفينه انج بتدخلين في تحدي, فلازم تحطون خبيرات جيدات, وتكون أسعاركم معقوله, ولا تنسون الدعايه والاعلان.
وطبعآ لا تنسون اطرشولي العنوان

والله يوفق
22-12-1426 هـ, 09:26 مساءً
 
هلا اختي.. انا احس انه احسن مكانيين تفتحين صالون يكون يا في الخالدية او في شارع المطار.. لانه الاقرب لجميع المناطق الي في بوظبي
مثل ما قلتي الصالونات منتشرة في بوظبي.. بس مافيه صالون تحصلين كل الخدمات متوفرة فيه.. يعني اذا حصلتي صبغة ماتحصلين حنة حلو.. واذا حصلتي مكياج ماتحصلين منيكير حلو.. وجذي..

ف اذا حابة انج تفتحيين صالون حاولي انج تجمعين بين كل هذي الشغلات..
اممم انا شخصيا اتمنى اذا يكون فيه صالون فيه حنايات شرات الي يحنون في دبي او الشارجة (خاصة الصالونات الي في السوق) لانه حنااهم رووعه وماشفت شراته في بوظبي ابدا..

امم اتمنى بعد انه يكون في الصالون قسم حق البديكير والمنيكير.. شرات الي يسوونه في نيلز او غيره.. وتكون الاسعار مدرووسة وحلوة.. مب واايد غالية..
وطبعا المكياج والتسريحات شيء مهم.. يعني اتمنى انه يكون في صالون متكامل.. مب نطلع من صالون ونسير غيره علشان نكمل..

وبعد اذا فيه خدمة المنازل بيكون ممتاز جدا

والغالية نصيحة ابدأي بأن تكون الاسعار معقولة جدا.. لانه بيكون الصالون بعده يديد..وبعدين رفعي الاسعار لو حابة..

واخيرا لاتنسين الدعاية.. لانها تلعب دوور كبير..

اسمحيلي طولت علييج

والله يوفقج ان شاء الله
22-12-1426 هـ, 09:57 مساءً
 
ماسة المنتدى: مشكورة الغالية على الرد و عساني ما انحرم من ردودج
الغالية المشروع لربيعت يهب لي انا يا حليلي وين افضى بيت و دراسة و دوام
23-12-1426 هـ, 07:33 صباحاً
 
غزال العاصمة: صباح النور حبوبة شخبارج عساج بخير

مشكورة الغالية على الرد و ان شاء الله بخبر ربيعتي بالرد و ان شاء الله ادا فتحت عندها لكم مفاجأة ابشري الغالية
23-12-1426 هـ, 07:36 صباحاً
 


الساعة الآن 02:21 .