حكاية احساااااس :

ياقلبي حاسه احساسك بضبط كنت نفس وضعك واحساسك قبل سنه معي ولد بكري وبعده جبت بنتين وقلت خلاص كفايتي ربي يبارك لي فيهم بس ولدي صار كل ماشاف عيال خواتي واخواني واعمامه معاهم اخوان قال ليش انا ماعندي اخو جيبي لي اخو استنيت الين دخلت بنتي الصغيره الابتدائي وحملت وفشهر الرابع تاكدت انها بنت لا كن ماعرفت اخبر ولدي خفت على زعله بس جلست امهد له ان الي ربي يعطيناه خير وبركه وان النونو هديه من الله واحنا مانقدر نختار بنت او ولد كله مكتوب من ربي من قبل ننولد ارزاقنا مكتوب وعلينا الرضى وبكذا جلست امهد له الين دخلت التاسع وهنا جبت صورة السونار واشرح له ماما شوف النونو سبحان الله يشبهك شوف هذا راسه شوف كيف رجوله كانها رجولك وله شعر ناعم زيك وعرفت نوعه قال هاه بنت ولا ولد قلت بنوته حلوه يماما هديت ربنا والحمدلله والله زعل واختلف وجهه شوي وراح غرفته الي كان يخطط يحط اخوه فيها معاه 😢بس مابليد حيله الحمدلله وجات البنوته والكل فرح فيها دلوعة العايله وربي اكثر واحد يحبها هو لان من زمان ماعندنا صغير الحين بتكمل سنه وان شالله ناويه احاول للمره الاخيره ان جاء ولد الحمدلله واذا جات بنت تخاوي اختها لان اخوانها كبار مو فسنها ادعي لي ربي يرزقني بالولد الصالح اخو وليدي ويفرح قلبه والله يسهلك يارب

ياقلبي حاسه احساسك بضبط كنت نفس وضعك واحساسك قبل سنه معي ولد بكري وبعده جبت بنتين وقلت خلاص...

العمريه 72 :

بقول كلمه واتمنى ما تضايق احد سوا كاتبه الموضوع او الباقيي انا اكره هالمواضيع و اذمها وانظر لها نظرة استحقار اقسم بالله عندي ولد واحد واتمنى الباقين يجون بنات و كنت اتمناه بنت علما اني عندي خوات واخوان ثاني شي ليش الجهل اقسم بعزة الله انها جهل هالسالفه .. وانتو عارفين وش اقصد و ربي ذكرها بالقران يا ناس مافيه فرق ياناس حرام عليكم هالكلام والله حرام وجهل وقلة عقل اسمحولي بكلامي .. اللي تبغى ولد تستصغر بناتها بينها وبين نفسها واتحدى كلامي خطا ولا احد يكتب كومنت يناقش لانها بتكذب على عمرها الحافظ للبنات بعد عمر طويل هو الله او زوجها الولد والبنت مافيهم فرق الا بالمجتمع العربي و بس هو اللي يفرق و يستنكر البنت او كثرة البنات بدون اولاد خير يعني وش اولاد اولاد ابغى اولاد مابغى بناتي و ابكي اذا دريت انها بنت و احسد اللي عندها ولد ومدري ايش ؟؟؟ نعم ان شاء الله ما ناقص الا وأد البنات لو ماهو حرام واللي يقهر يجي زوج غبي يقول ابغى ولد طيب يا حمار ولد ولا بنت كلهم منك مو من زوجتك ؟ ليش هالتفكير الغبي ليش ابغى احد يقول يالعمريه الاسباب كذا وكذا وكذا تقنعني يعني ؟ اتقوا الله في انفسكم كثيييييييييييير تفكيرهم كذا هذي نعمه من رب العالمين والله اللي تقول ادري انهم نعمه بس ...... وتكمل هذي كذابه معترضه عالنعمه ومستصغره البنت بتفكير الجهل . اسمحو لي عالاسلوب بس انكم ترفعون الضغط وارجع اعيد ليت ربي بيرزقني غير ولدي 100 اخت الله يقر عيني فيهم و يحييهم ويسعد قلبي بخبر نعمته علي مو اعتراضي

بقول كلمه واتمنى ما تضايق احد سوا كاتبه الموضوع او الباقيي انا اكره هالمواضيع و اذمها وانظر لها...