السلام عليكم
الأخت السائله ( مملوحه ) هذي طريقتي في المسقعه ، لكنها مسقعة خضار مو باذنجان بس ، عندي طرق لمسقعة الباذنجان بس صراحه هذي قمه حبيت أعطيها لك و واثقه بتعجبك

* المقادير :
كوسا - باذنجان - بطاطس ( الكل شرائح مقليه في زيت ذره )
+ لحم مفروم ( غنم أو بقر عادي أنا أفضل الغنم طعمه أحلى بالمسقعه بالذات ) و أنا ما أحط فيها بصل إذا ودك حطي شوي بس .
+ بهارات اللحم المفروم : ( قرفه + ماجي لحم + فلفل أسود ) فقططط لا غير لا تضيفي ملح يكفي الملح اللي بالماجي هذا رأيي
+ البشاميل : ( سمن - طحين ابيض - حليب السعوديه طويل الأجل - جوزة الطيب قليل - ملح - فلفل اسود - قليل من الكريمه )
+ شرائح طماطم + جبن موزاريلا .

*نبدأ بالطريقه : سهله جدا

- أول شي إطهي اللحم المفروم بدون زيت في طاوه مانعه للإلتصاق ، لما تبدأ المويه حق اللحم تنشف ضيفي الصلصه ، قلبي شوي ثم البهارات ، بعد البهار قلبي دقيقتين و طفي النار و اتركيها على جنب مع تغطيتها حتى ما تنشف .
- البشاميل ، كتبت لك المقادير اعلاه و معروفه طريقته ، إذا ما تعرفين ردي على مشاركتي إسأليني و إبشري أكتبها لك .

- نجي لترتيبها بالصينيه :
أول طبقه حطي 1 ملعقه كبيره ( مغرفه ) من البشاميل كأنها قاعده أو فرشه للصينيه ههههه
ثاني طبقه شرائح الخضار المقليه
ثالث طبقه اللحم المفروم
رابع طبقه جبن موزاريللا .....
و هكذا كرري الطبقات إلى أن تنتهي الكميه اللي عندك
آآآخر طبقه شرائح الطماطم و جبن موزاريللا

عطيها فرن حامي 10 : 15 دقيقه
لا تحمري الوجه عشان ما تتحمر الموزاريللا تطلع قاسيه حنا نبيها ذايبه فقط
علبة بيبسي بااااارده

و إستمتعي


الساعة الآن 02:26 .