طيب اطلبي نقل بنتك لفصل ثاني ماتدرسه هالاستاذه وقولي للمديره انا مارتاح لها ومابيها تدرس بنتي وياليت تتجاوبون معي او بقدم خطاب للتوجيه .. اذا ماتجاوبو معك تقدرين تقدمين خطاب شكوى لمكتب التوجيه وهم يحقوون مع الاستاذه والمديره ويجمعونكم سوا ويشوفون حق بنتك

روج فوشيا
حتى لو افترضنا ان البنت شقيه او كثيره كلام ماتوصل بالمدرسه تعقدها كذا !!
هذي طفله واللي مالها طولة بال مع الاطفال في التدريس تجلس في بيتها وتجي اللي تكون حنونه عليهم وتستوعب شقاوة الاطفال وحركتهم الزايده ,,


ولو كانت المشكله في البنت كانت مستواها نازل حتى مع معلمتها الاولى لكن هذا دليل ان المعلمه نفسيه وتحط حرتها بالبنات ,,


وانا مااتكلم من فراغ لاني وانا صغيره درسوني معلمات نفسيات يتشفون بالطالبه وتعاملها كانها وحده بالغه وتحط راسها براس البزر وتعاااند فيها لكن حسيبهم الله ,,




صاحبة الموضوع باين المعلمه بعد ماكلمتيها عن بنتك حقدت وحطت راسها براس طفله انو ليش تشتكون والله اعرف ذي النفسيات المريضه,,


الحل انقليها فصل ثاني لانه المدرسه كل ماشكيتها كل مازادت العيار على بنتك ولارح تغير معاملتها ,,


الله يعين التعليم على هالعالات اللي ماتخاف اللي في الراتب اللي تاخذه,,

ليش تروحين تكلمينها!اكيد بتنكر وتكذب وتستقوي ع بنتك
روحي للتوجيه اوللتعليم وقدمي شكوا وكمان عند اداره المدرسه وخليك حازمه وصارمه عشان يهابونك
وبعدين لاتخلي اي احد بخوف بنتك بكره البنت تتعقد اذا كبرت وتسيب المدرسه حقتها

طيب المعلمه ...ما ضربت بنتك ولا تلفظت عليها ...ليه الشكوى ...وانتي مو مستفيده من شكواك عليها شي لان مافيه ممسك على المعلمة ..
يمكن بنتك كرهت المعلمه لانها ما تضحك لهم وتتودد للطالبات مثل المعلمة الاوله وحسوا بالفرق وصاروا يتحسسون ويفتقدون لباقه المعلمة الاولى مثلك انتي تماما لمن رحتي للمعلمه وما كانت رده فعلها جيده مثل المعلمه البشوشه ...كل معلمة ولها شخصيتها الخاصه وطريقه تعاملها مع الناس دام انها لم تتجاوز حدودها مع الطالبات انتي مو مستفيده شي وبنتك اذا فيه امكانيه نقلها فصل اخر انقليها واذا مافيه امكانيه انتي اقنعيها تتقبل المعلمه وبيني لبنتك انك كلمتي المعلمة ومدحتك وانك طالبه مؤدبه وشاطرة حتى لو ان المعلمه ماقالته بس عشان بنتك تتقبل المعلمه ..
اما اذا المعلمه غلطت بكلمه او بتصرف عندك المرشده الطلابيه ومديره المدرسه هم بيتصرفون ..

انا معلمة كنت ادرس الصف الرابع وبدلت مع زميلتي الترم هذا وهيه اخذت رابع هي معلمة ماعليها كلام بس البنات ما ارتاحوا لها ابد ..صدقيني بنتك تحب المعلمة الاولى ولاقدرت تتأقلم مع الجديدة ذاكري لبنتك واعطيها نصايح تفيدها وخليك من شكوى المعلمة لانه ماينفع ..الا بيزيد الطين بلة .....وترى الي يقولون يفصلون المعلمة عشان تضرب ماتوصل للفصل ممكن لفت نظر او نقل تأديبي .....ترى المعلمات غالبا مغلوب على امرهم مع الطالبات وبالذات المرحلة الابتدائية لانهم صغار ويبغالهم مداره وتحمل ...ما اقول الا الله يعيننا ويكتب اجرنا ....لا انكر انه فيه معلمات تعاملهم قاسي لكن هم لايمثلوننا