حمولتي ذلوني عشاني ماعرف املح الرز


طبعا ملح اكلات الثانية من ايدامات وغيره ملحه تذوقينه وممكن تزودين ماعندك مشكلة لكن الرز تملحين مويته قبل تكبينه
طبعا انا مثلا احط كاسين رز
ووملعقتين ونص ملح لان ملحنا غير عن اللي في المحلات هنا فازود ملعقة عشان يصير تمام
المشكلة ايش
اذا جوني حمولتي نصفهم
او كلهم
او كم وحده
وحطيت مثلا بعدد كل وحده كاس رز معقوله احط بعدد كل كاس رز ملعقه ملح مستحيل


ناديتهم يذوقون ومشوها علي اني ماعرف ومايعتمد علي ولازم اسعافات منهم
الزبدة انا كنت اذوق المويه قبل اكب الرز واقول حلو لاكبيت الرز صار خانس واحيانا ازود عشان لايصير خانس ويصير مالح
يعني مدري وشلون اضبط بمعادلة بسيطة كل كم كاس رز احط ملح او او المهم قاعده نمشي عليها بكل الكميات
والله يكفينا منة خلقه
اللهم يامسبب الاسباب يافاتح الابواب يامجيب الدعوات ياقاضي الحاجات اللهم أرزقني بالزوج الصالح المخلص التقي الحنون مخموم القلب
اللهم جملني في عينه وحببني لقلبه وعوض صبري فرجا وأبدل حزني فرحا ياأرحم الراحمين ومجيب دعوة المضطرين وكل من قال أمين
بالنسبة لي أملح الرز بعد ما أحطه ع المرق..
يعني أصبه من العلبة مباشرة في القدر > شغل معلمين كبار 😆
و ذوقي المرقة... ولازم يكون الملح واضح طعمه في المرق... وإذا جيتي تذوقينه تأكدي انك قاعدة تذوقين الموية مو الزيت اللي على السطح..
بالتوفيق.
قبل مايستوي الرز ويخلص مويته ذوقي الرز اذا احتاج زياده زيدي واذا كان ضغط قبل حسبتك للوقت الي يستوي فيه الرز فكيه قبل وذوقي الرز واذا يحتاج زودي واحسبي مثلا خمس دقايق زياده وبالتوفيق ياعسل
والله انا ما اعرف بالمقياس
لان مقياسي يختلف مرات اقلل الرز لانه يكون طبق جانبي ومرات ازيد لاني اسويه في القدر الكاتم ومرات احطه في الفرن زي الاكلة العراقية
ويختلف الكمية وانواع الرز
فاذوقه
تكون المرقه يسمونها ناطعه مو ملحها زين لا
لان الرز يبي له شوية ملح فتكون ناطعة المرقة
واذا الرز ابيض بدون أي مرق لحم او دجاج انتبهي يكون الملح اقل
اقتباس مشاركة  (صندوق بريد)
والله انا ما اعرف بالمقياس
لان مقياسي يختلف مرات اقلل الرز لانه يكون طبق جانبي ومرات ازيد لاني اسويه في القدر الكاتم ومرات احطه في الفرن زي الاكلة العراقية
ويختلف الكمية وانواع الرز
فاذوقه
تكون المرقه يسمونها ناطعه مو ملحها زين لا
لان الرز يبي له شوية ملح فتكون ناطعة المرقة
واذا الرز ابيض بدون أي مرق لحم او دجاج انتبهي يكون الملح اقل
عليك نوووووور يا صندوق بريد..
كانت هالكلمة في بالي بس ما طلعت معي
اييييوه تكون المرقة ناطعه.. يا نور .


الساعة الآن 02:59 .