دجاج بطريقة الكولبست

دجاجة كيلو ونص
طماطماية شرايح
معلقة متوسطة سماق
3معلقة كبيرة زيت
2بصلة شرايح
ملح وفلفل
بهارات
الطريقة
تشق الدجاجة من ضهرها بالطول بالسكينة
او تقطع ارباع حسب الرغبة نتبل الدجاجة
بالملح والفلفل والبهارات نضع فى صينية
معلقتيين زيت ونضع عليهم بصلة شرايح
ونشوحها لحد ماتصفر ثم نضع الدجاجة ونفلب لحد ما حتحمر
وتنزل مايتها وتستوى فيها وانتى بتقلبيها على الناحيتين لحد ما تستوى
وطبعا بنغطيها علشان تستوى اسرع واذا احتاجت ماء نزودلها
نجهز البصلة التانية ونضع عليها ملح وفلفل والسماق
وندعكها بيها كويس
نحضر مقلاية ونضع فيها معلقة الزيت الباقية ونضع البصلة
المدعوكة بالسماق والطماطماية الشرايح ونقلبهم لحد ما يدبلوا
ويتشوحوا اوزعهم على الدجاجة او قطع الدجاج
وادخلها الفرن تحت الشواية او عادى لحد ما تحمر
هى والخلطة اللى عليها وتقدم
بالهنا والشفا



21-12-1426 هـ, 11:54 مساءً
 
اهلا يا مسلمة والله انتى زى العسل يا مسلمة ولسة كنت بقول مسلمة مدخلتش النهاردة وسمسمة وبتول وغيداء ونودى وموتى انا عارفة عندها مراقبة المهم انتى تسئلى زى ما انتى عيزة فى اى وقت يا مسلمة
بالنسبة لبواقى الكيك طبعا طبعا ممكن تستغلية وتستغلية اسوء استغلال كمان
ولعلمك دة ممكن تفننى حسب زوقك وتخترعى من عندك اولا ممكن تعملية اى نوع من انواع الترايفل وحتلاقيهم مكتوبين فى الملف واكيد من التلخيص للسهولة وطبعا لو احنا فى الصيف تبقة استخداماته اكتر بنفرفتهم ونحط عليهم صوص فراولة او شيكولاتة ونحط ايس كريم من نفس النوع او ممكن جيلى وكريم شانتية لكن حاليا
1: اما ترايفل
2: او تفتفتية خالص وتحطى علية اما مربى او كريمة شوكولاته وتعجنيهم فى بعض وتعمليهم كور كبيرة وتدحرجى الكور فى شيكولاته فارمسيل وكدة بقى عامل زى الجاتوة وتضعى كل كرة فى طبق بليسية اوو ممكن تصبى شيكولاتة سايحة على الكور يعنى تبقى مكسية ......هاة نفكر كمان ولا كدة كويس ؟؟؟؟؟
22-12-1426 هـ, 12:17 صباحاً
 
تسلمممممم ايديك يا دون
انا اخرى رقم 10
مش هتزحزح - قولى لى بقى الفراخ ممكن ابدلها ببط ولا ايه؟؟ غلوش غلوش

تسلم الايااااااااااادى
22-12-1426 هـ, 12:28 صباحاً
 
لا يا دون ما يجلكيش احباط ولا حاجه الصور كلها باينه ما عدا الشاورمه المهم ان الوصفات كلها حلو زيك يا قمر بس وخاصه الفراخ الاخيره تحفه تسلم ايدك
22-12-1426 هـ, 01:03 صباحاً
 
السلام عليكم و رحمة الله و بركاته

الف مبروك يا دون الجزء الجديد و تثبيته و ان شاء الله دايما تقدمي لنا المفيد و الجديد. جزاكي الله خيرا

كنت عاوزة أسأل على الفراخ بطريقة كولبست، هل المية اللي بتنزلها الفرخة و مية البصل و الطماطماية كافية لتسويتها؟؟؟ و الا محتاجة اني احطلها مية خارجية اذا احتاجت؟؟ و هل ينفع اقطع معاها حلقات بطاطس و الا دي حتبقى زيادة متنفعش في الحالة دي؟؟ و سؤال كمان، انتي مش بتغطي الصينية و انتي بتسويها عشان تطلع ميتها؟ معلش تعبتك بأسئلتي، ربنا يكرمك و يخليكي لينا
22-12-1426 هـ, 10:29 صباحاً
 


الساعة الآن 12:35 .