اقتباس مشاركة  (هبه عبد العظيم)
دندووووووووووووووووووووووووووووون مبرووووووووووووووووووووك
طيب
اوكى
عملت الفطاير كلاكيت تانى مره
روووووووووعه قعدت طول ما انا بشتغل اقول الله يبارك لك يا دون الله يبارك لك يا دون
ما تفوتكوش يا بنات
هبه أنا من ساعت ما سمعت كلامك وأنا عماله أدور عليها هيه فين يابنتي أنا مش لاقياها ولا لاقيه وصفتها
؟؟


قرص طرية

4 كوب دقيق
زرة ملح
كوب سمنة
قطعة خميرة بيرة(قد اليوسفى الصغير)
لبن رايب او زبادى
الطريقة
نضع الملح على الدقيق
اضع السمنة واخلطهم ببعض
ادوب الخميرة بنص معلقة سكر صغيرة
فى ربع كوب ماء دافىء ثم اضعها على الدقيق
ادفى اللبن الرايب او الزبادى
ثم اعجن بيهم لحد ما العجينة تتلم وتلاقى ايديكى
بقيت نضيفة مفيهاش عجينة خالص
ابدء اعمل العجينة على هيئة كور قد التفاح الاصفر
وكل واحدة اخلصها ارصصها جنب التانية فى الطبق
بعد ما انتهى من عمل العجينة كلها كور
ابتدى ابطط بايدى كرة كرة بس بشرط
انى ابتدى من اول كرة انا كنت عملاها وحطاها فى الصينية
مش من اخر واحدة خلصتها (فاهمين قصدى ؟)
ابطط كرة كرة علشان تدى الشكل اللى فى الصورة
ممكن تتخنيها وممكن ترققيها زى ماانتى عايزة
تضعيها على صاجة الفرن الاساسية اللى بتبقى فوق النار
مش على الرف الحديد ونضعها فى فرن متوسط
لحد ماتستوى
ملحوظة
مش بندهن الصاج ولا بندهن وش الفطير
وبالهنا والشفا
ملحوظة ممكن نحشية بمعلقة مربى من الداخل





وعليكم السلام ...اهلا يا احلام قوليلى بالظبط انتى عملتيها ازاى ؟؟والمقادير ؟؟؟وعايرتى المقادير ازاى؟؟؟وحطيتى العجينة فى صينية مقاس كام ؟؟ وهل كنتى مولعة الفرن قبل دخول الصينية الفرن؟؟؟منتظرة ردك





فتة بالزبادى (بسييييطة)
ارز ابيض مستوى
دجاجة مسلوقة
عيش بلدى
شوربة ( مرقة)
صلصة خل وثوم
2 كوب زبادى
الطريقة
نخلى الدجاجة من العظم والجلد ونقطعها نساير او
قطع متوسطة او صغيرة
نحمص العيش ونقطعه قطع صغيرة ويوضع فى صينية
بايركس او طبق غويط
نصب على العيش الشوربة المغلية لحد ما العيش يتشرب
الشوربة ويبقى طرى
ثم نضع على العيش طبقة من الارز ونفرده ونسوية كويس
ثم نضع طبقة من الدجاج المقطع ونسوية كويس
ثم نضع طبقة تانية من الارز ونسوية ثم نرش رشة شوربة
لحد ما الارز كله يتبل بالشوربة
نضرب الزبادى بالمعلقة ثم نفرده على وش الارزكويس
نصب صلصة الخل والثوم على وش الطينية على هيئة
خطوط جنب بعض او على هيئة مربعات وبالهنا والشفا
ملحوظة
ممكن نضع طبقة اخرى من الدجاج على وش الصلصة
وممكن نكتفى بس باللى بالداخل
صلصة الخل والثوم :
اضع على النار 2ملعقة سمن و عليهم نص راس ثوم مفرى
لحد ما يصفر بس الثوم
اروح حطة علية 1/2 كوب خل حتى يغلى
ثم اضع صلصة طماطم وملح وفلفل و بهارات و قليل من
الماء اؤ الشوربة واتركها حتى تتسبك حوالى 10 دقائق





ممكن نعمل نفس الفتة دى وتبقى للريجيم كنوع من التغيير بس نبدل المقادير :
فتة بالزبادى للريجيم
ارز ابيض مسلوق
دجاجة مسلوقة بدون جلد
عيش بلدى بردة او سن او بر
شوربة ( مرقة)نضعها فى الثلاجة لحد ما تسقع وتتكون الدهون على هيئة طبقة على وش الشوربة نروح شايلين طبقة الدسم بالمعلقة نرميها وكدة تبقى الشوربة جاهزة
صلصة خل وثوم بدل السمنة نضع زيت او سمن نباتى وبدل الصلصة تبقى عصير طماطم فرش
2 كوب زبادى متوسط او خالى الدسم
الطريقة
بنفس الطريقة السابقة







الساعة الآن 06:57 .