Analysis Services
محشى الكرنب


3 بصلات كبار
حزمة شبت، و 2 حزمة بقدونس
3 معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون _ 3 معالق سمن كبار _3 معالق زيت
الطريقة:
تغلي ماء على النار و تحطى فية شوية كمون
وتطلعى ورق الكرنب من الكرنبة بانك تقطعية من عند الراس بالسكينة
وتحطية فى الماء المغلى يا دوب ثوانى و تطلعية فى المصفاة.
بعد كدة تقطعية حسب المقاس اللى انتى عايزاة
طريقة عمل الخلطة:
تفرمى البصلةبالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب
بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل
و السمن و الزيت والطماطم و اخيرا
تجيبى الرز وتغسلية وتصفية كويس وتحطية على الخلطة و تخلطى كله كله كويس
وتحشى ورق الكرنب ورقة ورقة ومش كتير علشان ما ينفش
ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش
اغلى شوربة فى حلة و فيها معلقة زيت علشان المعلقة دى هى اللى بتدى صابع الكرنب لمعة من برة
ضعى الشوربة على الكرنب بحيث يا دوب تكون عند الصف الاول
وتحطيةعلى النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية
و بالهنا و الشفا
و ممكن عند التقديم تقلبى الحلة زى ما هيا فى سرفيس
فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعديت عنها دة معناة انها خلصت و هكذا













24-12-1426 هـ, 12:33 مساءً
 
24-12-1426 هـ, 12:40 مساءً
 
ما شاء الله و لا قوة الا بالله
روووووووووووووووووعة تسسسسسسسسلم ايدك دون
انا باموت فى الكرنب بس مشكلتى تقطيعه
ان شاء الله اتشجع و اجرب طريقتك
24-12-1426 هـ, 12:46 مساءً
 
دندونة
انا قصدى نذوب الجيلاتين فى ماء ولا نضعة بودرة؟


وبحصوص المحشى:::::::
yummmmmmmmmmmmmmmmmmmmmmmmmmmmyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy
24-12-1426 هـ, 01:36 مساءً
 
Amarige يا حبيييييبتى ماهو الجيلاتين سواء ورق او بودرة لازم بيتدوب فى ماء بالنسبة للبودرة بندوب معلقتين كبار فى كوب ماء مغلى او عصير وبالنسبة للورق بندوب الورقة فى كوب ماء دافىء او عصير

sasa271974 اوعدك حجيب كرنبة وحصورلك خطوات تقطيع الورقة واحدة واحدة بالتفصيل يعنى يومين بالكتير
24-12-1426 هـ, 03:39 مساءً
 


الساعة الآن 09:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏