صباح الف يا هبة ازيك يا حبيبتى بالنسبة للفراخ اللى انتى طلباها المحمرة انتى تقصدى اللى بنسلقها ونحمرها عادى؟؟؟؟؟؟ منتظرة ردك واللى انتى عيزاة حعملهالك واصورهالك بكرة على طول لان النهاردة حعمل جمبرى واصوره برضه
وبالنسبة لسلق اللكرنب طبعا انتى متسبيهاش فى الماء علشان متتهريش وبعدين متنسيش انة لسة حيفضل فلى الشوربة تانى اثناء السوى لحد ما الارز يستوى فيادوبك نزليها فى الحلة ثانيتين بس وشيليها





الحمام المحشى


حمام بعدد افراد الاسرة او حسب الرغبة) .
كوب أرز _ أو حسب عدد الحمام
ملعقة صغيرة فلفل أسود
ملعقة صغيرة ملح _ بهارات _ ملعقة كبيرة كمون .
الكبد والقوانص بتاعة الحمام (بعد تقطيعهم لقطع صغيرة)
بصلة كبيرة أو بصلتين متوسطتي الحجم
ورق لورا _ 2 فص حبهان _ 2 فص مستكة _ 2 ملعقة كبيرة سمنة
(سمن و زيت للتحمير )
الطريقة:
- قومي بخلط البصل مع الملح والبهار والكمون والفلفل الأسود
- قومي بإضافة الكبد والقوانص المقطعين إلى الخليط
-اغسلي الأرز
- ضعي الخليط كله على الأرز مع السمنة و اخلطية كويس
- أبدأي بحشو الحمام واحدة واحدة
من الأسفل ومن عند الرقبة فوق (بشرط انك ما تمليش الحمامة بالحشو لأن الأرز يينفش وبيذيد فى الماء اثناء السلق
- اقفلى الحمام المحشي بوضع الرجلين فى الفتحة اللى تحت او خيطية بابرة و فتلة)
- ضعي الحمام في ماءمغلى وبصلة صغيرة وأوراق اللورا و ملح و كمون. مع ملاحظة ان تكون الحلة كبيرة عشان لو الحلة صغيرة على الحمام ممكن رجلين الحمام يقطع الحمام اللى جنبه على النار
-بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة و الحبهان و المستكة ثم نصب عليهم الشوربه لحد ما الحمام يستوى
-بعد السوى تشيلية بالراحة فى طبق لحد ما يبرد
-ثم تحمرية فى مقلاية بها زيت و سمن
و بالهناء و الشفا


























حبيبة قلبي دندون
تسلم إيديكي و تسلمي .. الحمام شكله يجنن .. و شكله كده زي ما يكون بينده علي .. علشان آكله من على الشاشة
أم
والله يا ام العلاء انا نفسى افرد طاوله كبييييييييييييييييييييييرة وعليها الاكل ونقعد كلنا مع بعض نتلم حواليها من كتر ما ببقى نفسى اقولكم اتفضلوا والله وبالف هنا وشفا دة حيتوقف عليكم بقى كل اخواتنا العربيات ييجوا مصر ونتقابل كلنا وبسم الله على احلى مائدة..مائدة عالم حواء
(بس قوليلى يا ام العلاء كلمة فى سرك ؟هو الحمام فعلا نده عليكى )؟؟؟؟؟ طلع حمام عنده نظر







الساعة الآن 02:55 .