بصى يا اميرة بس متضحكيش على اللى انا رسماه انا بحاول بس اقربلك طريقة سلق الكرنبة ..فية طريقتين
الطريقة الاولى اللى مرسومة فوق بالأخضر الغامق 5 خطوات :
1 دى الكرنبة.
2 بتقطعى بالسكينة بالعرض الراس الجامدة الطويلة اللى بنشيل منها الكرنبة.
3 كدة الكرنبة امامك من غير رأس.
4 بالسكينة بالطول فى وضع رأسيا قورى قورى قورى بالسكينة مكان ما شيلتى الرأس لحد ما حتتكون عندك فجوة بالطول بس يعنى ل3/4 الكرنبة مش لآخرها علشان الورق مايتقطعش.
(الخطوة رقم 4 دى بنعملها علشان نوسع ونخلى الورق يبقى زى الفاكك من بعضه.)
5 نشيل الكرنبة زى ما هى ونضعها بالراحة فى الماء المغلى وحتلاحظى ان كل ورقة استوت وبقيت جاهزة خلاص حتلاقيها سابت الكرنبة وخرجت فى الماء لوحدها وهكزا الورقة اللى بعدها وهكزا اللى بعدها يعنى كل ورقة بتطلع بتوسع للى بعدها .
وكدة الورق اصبح جاهز تطلعية تحطية فى مصفاة لحد ما تخلصى وبعدين تقطعية زى الصور اللى نزلتهم امبارح.

الطريقة التانية اللى باللون الاخضر الفاتح:
1 تضعى الكرنبة امامك
2 بالسكينة بالعرض تشيلى الرأس بتاعتها .
3 بالسكينة نشيل ورقة ورقة ونسلقها على هيئة ورق يعنى كل ورقة تطلعيها تسلقيها وهكزا .

يارب يالرب اتمنى اكون قدرت اوضحهالك ولو فية اى سؤال اسئلينى ولو مش فاهمة مفيش مشااااااااكل خااااالص اجيب كرنبة كلاكيت تالت مرة واوريكى بالصور الطبيعية .ومنتظرة ردك
29-12-1426 هـ, 12:58 مساءً
 
MISS_CHEF سلامة ماما الف سلامة طب ماتعملى الحمام وتكلوه من وراها ؟؟؟ ماهى ساعة الحظ ما بتتعوضش دة الا الحمام والارانب والبط والمحشى بنعمل كأننا مش واخدين بالنا من الكليسترول خالص ولا شايفينه

zayyoda يا اهلا ومرحبا بقالى كتير مشوفتكيش يا زيودة حتى بيتهيئلى فى المنتدى كام ..اخبارك اية؟؟وشكرا يا حبيبتى
ما بلالالالالالاش يا هبة ما بلالالالالاش عموما انا منتظرة انزل بس الصورة على الجهاز وحنزلهالك وبالنسبة للفراخ واحدة اهية اللى فى الفرن وبدون اى صلصة خلصت واحمرت وبقيت جميلة حنزلهالك حالا والتانية على النار بتتسلق لسة

مسلمة حبيبتى انا هنا بس كنت فى المطبخ بعمل الفراخ فى السريع علشان انزلهم لهبة وبالنسبة للشاورما اللى عملاها دى اميرة الشوق وتسلم ايديها وكريمة الشيكولاتة حرسلهالك على الخاص ....هو انا مبعتهالكيش يا مسلمة ؟؟؟؟؟
29-12-1426 هـ, 01:07 مساءً
 
يا عمررري أنت يا دون
دا رسمك ولا ليوناردو دافنشي ^_^
وااااضح وفهمتتتتتتتتتتتتتتتت
وإن شااء في أقرب وقت أسوويه فعلاً نفسي فييييييييييييييييه ( ربنا يفتح نفسك أكثر وأكثر ....

حبيبتي المسلمة
أنا اللي عاملة الشاااورما
وسعيدة جداً انها عجبتككك
والبركة طبعاً في الأستاااذة " دون "
مشكوررررين كلكممم عزيزااااتي ...
29-12-1426 هـ, 01:18 مساءً
 
الدجاج المشوى بالورق الفويل
دجاجة متوسطة (كيلو ونص)
ملح وفلفل
1 علبة زبادى
معلقة صغيرة سماق
معلقة صغيرة جنزبيل
نص معلقة صغيرة بهارات دجاج
معلقة خل
3 فصوص ثوم مهروسين
بصلة صغيرة مبشورة ناعم
الطريقة
نضع كل التوابل على الزبادى ونخلطهم
بعد غسل الدجاجة نشقها من ضهرها بالطول بالسكينة
نضع التتبيلة على الدجاجة وندعكها بيها كويس
وياريت لو تسبيها يعنى مش اقل من نص ساعة علشان
تشرب من التتبيلة ويبقى طعمها احلى
نفرد ورقة فويل ونضع الدجاجة ونقفل عليها الورقة
ونضعها فى الفرن على الرف حوالى ساعة حتكون استوت
نطلعها ونفتح الورقة من على وشها لحد ما حتحمر
وبالهنا والشفا










29-12-1426 هـ, 01:25 مساءً
 
دى فى السريع يا هبة ومن غير صلصة اعتقد مش محتاحة كدة
29-12-1426 هـ, 01:29 مساءً
 


الساعة الآن 06:20 .