السلام عليكم ورحمة الله وبركاته


موضوعي اليوم مختلف وما كنت اكتبه لولا اللي شفته بعيوني

امس كنت في محل من المحلات وانا واقفه اشتري لقيت وحده دخلت المحل
طبعا انا في البدايه ما انتبهت لها
لكن رجعت وشفتها وانصدمت صدمه الله وحده اعلم فيها


هاذي الحرمه كانت لابسه عباه من تصميمي وطبعا لهنا ومافي شيء غريب
لكن اللي صدمني انه مو انا اللي سويتها لها يعني باختصار هي اخذت التصميم بتصرفها وبدون الرجوع لي وراحت نفذته

طبعا هذا كان من اشهر تصاميمي وهو تصميم الطاوووس لو تذكرونه انا نزلته على المنتدى لكني ما توقعت ابد انه بهالسهوله وبالرغم اني دايم احط اني ما احل اللي تنقل تصاميمي دون الرجوع الي والاستئذان مني


وانا نزلت هذا الموضوع بس علشان أأكد على هذا الشيء

وابيكم تشهدوا اني ما احل هاذي الانسانه ليوم القيامه لاني صدق انقهرت يوم شفتها يعني انا اتعب وافكر وهي بكل سهوله على الجاهز تاخذ تعبي وحتى ما كلفت نفسها انها تستأذن حتى


وللتأكيد مره ثانيه انا ما احل اي وحده تنقل تصاميمي حتى لو بصوره تقريبيه او تحاول انها تنفذها بطريقتها دون الرجوع الي واخذ الاذن في ذلك

والله بيني وبينها




والسموحه من باقي البنات لكن والله قهر بقلبي
الغاليه شدراج انها هي اللي خذت التصميم وراحت نفذته
لا تنسين اختي ان المنتدى مفتوح والكل يدخله يمكن هي اشترته من محل نفذ
تصميمج سواء اخذه من هنيه او احد اخذه له

اللي اريد اقوله لا تخصصين هالبنت بالذات والكلام يوم يكون معمم افضل عشان ما تظلمين حد
بغيت النصحيه لوجه الله لا غير عشان ما تظلمين واجرج على الله والله يعوض عليج يالغاليه
الغاليه اللي يأكد لي انها هي اللي سوته لانه مبين من طريقة القص انه مب قص محل وطريقة التنفيذ واضحه جدا

وبعدين الغاليه تصميم الطاوووس بالذات له طريقه معينه استخدمها في بعض تصاميمي وما يستخدمها اللي في المحلات ولو هي شاريتها من محل كان عرف كيف ينفذها بطريقة ما تختلف عن طريقتي

وانتي يالغاليه لو شفتي العباه كنتي عرفتي ان هي حاولت قدر الامكان تقلد تصميمي لكنها ما نجحت بشكل كامل يعني هي بس جابت نفس الخام وحطته على العباه وما قدرت تكمل الباقي


عموما الغاليه يمكن انتي شوفي موضوعي من وجهة نظر غير وجهة نظري لكني انا شفت بعيني وصعب علي تعبي كذا بسهوله يروح بدون حتى كلمة شكر او استأذان


عموما تقبلي فائق الاحترام


الساعة الآن 03:02 .