السلام عليكم ورحمة الله وبركاته
من وانا صغيرة عندي حساسية من الفول والعدس والبازلاء والفول السوداني وبعض انواع البقول . واكيد بعضكم عارف ايش اعراض حساسية البقول من حكة وتورم في الشفة والعين والحلق وطفح جلدي واذا اكلته اعاني من اسهال واستفراغ اكرمكم الله وطبعا ما له علاج علاجه الوحيد انك تتجنبي الاكل اللي يسبب لك حساسة
وفي يوم من الايام رحت لممرخة باكستانية عشان اتعالج للحمل واعطتني خلطة ، سألتها اذا الخلطة فيها حلبة لان عندي حساسية من الحلبة و واستغربت الممرخة ان عندي حساسية والمفروض ان الجسم السليم ما يكون فيه حساسية وانه على كلامها تمنع الحمل ( مو مقتنعة )
وقالت لي استخدم علاج لمدة اربعين يوم ..... واستخدمته
اللهم لك الحمد والشكر راحت مني الحساسية اول شي جربته اكلت الفول السوداني اللوز وما سوالي شي وبديت اجرب على خفيف حمص والحمد لله واخر شي استخدمت الدلكة السودانية كانت تسويلي حساسية عشان فيها ترمس بس اخر مرة سويتها بعد العلاج الحمد لله ما سوت لي شي
والعلاج هو :
كل ليلة لمدة اربعين يوم تضعي في القدر 1- ورقة ملفوف ( كرنب) 2- 40 ورقة نعناع 3- نصف ملعقة حبة سوداء ( ملعقة الحلى )
تضيفي عليها كوب ماء وتتركيها تغلي على النار الى ان يصبح مقدار الماء نصف كوب تطفي عليها النار وتغطيها ، وفي الصباح على الريق تشربي موية السلق بعد ما تصفيها . ولا تاكلي بعدها شي لمدة ساعة بعدين اذا حبيتي افطري
وعلى فكرة تعطي نضارة ونعومة فظيعة للبشرة وعشان كذا استمريت عليها ولا انا طبعي ملولة ما استمر على شي ، معروف الملفوف فيه فيتامين E
. انا حطيت الموضوع عشان افيد اخواتي واذا تعرفوا احد عنده حساسيةمن البقول او اي نوع من الاكل خلوه يستخدمها وان شاء الله تنفع معاه

جزاك الله خير

موضوع مفيد الله يعطيك العافيه
انا نفسك عندي حساسيه من الحلبه لعلي اجربه طريقتك
الله يجزاك خير على الفايده 💜
تسلموو حبيباتي على المرور
توتة باذن الله تستفيدي منها
انا عندي حساسية من اغلب انواع الاكل و البهارات... بجربها و يارب تنفعني
انا حامل... ينفع اصلحها الحين؟؟


الساعة الآن 10:06 .