هل عايشتم زواج ناجح عن طريق الانترنت

السلام عليكم
انا بنت حاالي حال اي وحده هنا تبي الزواج وكل الناس تبي الشي ذا
انا عمري 27 سنه وكل خطوباتي فاشله مالقيت بينهم الانسان اللي يناسبني
جربت دخلت موقع زواج مره كلهم يبون مسيار او بالسر او زوجه ثانيه او الخ
وخفت وطلعت
دخلت بعدها بسنه
وكان اول واحد لقيته قال انا ابي وحده نفس عمرك
مع الاسئله
طلع من قبيله معروفه ويبي وحده من قبيلتي بحكم انه عاشرهم وحبهم ( بعيد عن التعصبات القبليه هذا كلامه )
ثانيا قال لي انا طبيب مبتعث واهلي دايم يجيبون لي بنات انا ماابيهم ابي وحده ب اختياري انا
قلت بنفسي يعني ما لقى اللي تعجبه
سحبت عليه اسبوع وهو يرسل وينك وينك رجعت
كان كلامنا الثاني عن اهلي كم عددنا وكيف اسلوب التربيه وفي احد مدمن في العائله ولا لا
بعد اسبوعين سألته ايش الخطوه الثانيه هذا انت سألت وقلت اللي تبي تعرفه وما ابغا اطول حكي وتصير علاقه ماااعرف ايش نهايتها
قال انا ادرس الان واجي بعطلة العيد اخطبك
على فكره تأكدت انه دكتور مع انه هالشي مادخل عقلي
بعد كذا قلت له خلاص الى هنا وانتقل للمرحله الثانيه انك تكلم اهلي
قال هاتي رقم ابوك
جبت له رقم اختي الكبيره
وقال باتصل اقنعته لو يرسل واتس افضل قال مو مقتنع الا بالاتصال بس علشانك
وفعلا ارسل واختي كلمته بصيغة رجال
واعترفت بعدين ان هالحركه بس ابغا اثبت جديته وزعل علي يوم ورجع قال بااخطبك من ابوك وجهه لوجهه ان كان موضوع الخطبه بالتلفون تخافي منها


على فكره هو مشكلته اللي موقفته اهله كيف يقنعهم بس عنده احساس انهم يوافقون وانه بيجيبها عن طريق الحريم يعرفني على زوجه صاحبه تجي تزورنا قبل الخطوبه برمضان ؟؟

بنات تشكون فيه ليش يطلب من موقع زواج
هل لو اطلب اسمه كامل وسجله المدني واروح اسوي برنت يكشف لي كل شي عنه
ارسل صورته وحسيت من صورته عدم قبول اقدر احلل ملامح وجهه عند طبيب نفسي هههههههههههه جد اتكلم