السلام عليكم و رحمة الله

كيف حالكم أخواتي الكريمات ؟ ان شاء الله بأحسن حال؟

خواتي من فترة و أنا متكاسلة جدا و لا ادخل المنتدى الا نادر .... انزل الموضوع و ما اتابعه حتى ....

مادري احس بان الدنيا و لا التجارة و لا اي شي فيها ما تسوى ابدا ... تاخذ من وقتنا الكثير و ما نحس بقيمة اي شي ...

و أمس حلمت حلم خلاني اصحى شوي ... قلت في نفسي احنا ما همنا الا الدنيا ... ما نفكر ابدا بالأخرة ما فكرنا في يوم ان الدنيا دار الزوال و لا تدوم ...

ليش ما أخصص موضوع ينفعني في ذلك اليوم اللي لا ينفع لا مال و لا بنون ؟؟ ما ينفعنا غير اعمالنا بس ...

لهالسبب و لتأثري الكبير بحلمي ليلة امس و لاحساسي بالتقصير ... قررت انزل موضوع لكل البضاعة اللي عندي ....

و طبـــــــــــــ ـــــعا جميع الارباح و الاموال و الاتعاب اللي بقبضها مقابل الاغراض جميــــــــــــ ــعها ان شاء الله بتكون للاعمال الخيرية ... باذن الرحمن اذا الله وفقني .... كل ما اقبض دفعة بساهم في عمل خيري ينفعني و اياكم ... سواء للمحتاجين او الايتام او مساهمة بسيطة في بناء المساجد ... صحيح ان المبالغ بتكون بسيطة بس ان شاء الله اجورها بتكون كبيرة .... عسى الله ينفعنا و اياكم لعمل الخير دائما ...

و الحين خواتي اللي تحب تساهم ... تشتري اي بضاعة من البضايع اللي عندي ... و المبلغ بيكون للاعمال الخيرية ...


عندي دخـــــــــــــ ـــون ملكي ... ب 100 درهم
كريمات معطرة للجسم ب 70 درهم
معطرات للجسم ب 70 درهم

و الله شاهد ان الروايح قمة الحمدلله بشهادة الكثيرة يعني مب لان الريع للاعمال الخيرية نعرض اي بضاعة ما تستاهل .. ان شاء الله يوم بتجربين بتردين تشترين ... لاني انا مثلكم و ذوقي جدا صعب خاصة في الدخون ... و ان شاء الله بتعجبكم الاغراض ....


عندي فرش للمكياج الطقم 18 فرشاة ب 100 درهم

كريم اساس اماندا عندي كمن حبة بس ب 70 درهم

كريم العروسة ب 45 درهم

خلطة ام ماجد ب 180 درهم

مقص الحف بالفتلة ب 130 درهم

زيت بالاعشاب ب 80 درهم

زيت هندي ب 50 درهم

كريم السعد 80 درهم



و اللي تبغي تساهم معاي في شراء البضايع و عرضها للبيع ... تراسلني ... عشان اعطيها رقم الحساب .... تودع المبلغ و بذلك تساهم معانا في شراء البضاعة و العمل الخيري ...

و اللي عندها بضاعة جيدة و ممتازة و عليها اقبال من الناس و تبغي تساهم في العمل الخيري تراسلني على الخاص بعرض بضاعتها و الريع للخير ان شاء الله ...


رقم حسابي لاي مساهمات مادية ممكن ارسله لكم على الخاص ....

و كل الامور الشخصية الاخرى و البيانات على الخاص


وفقني الله واياكم لعمل الخير
و جزاكم كل خير

الله يسعدك دنيا وآخرة يارب

ويبارك فيك

سبحان الله سبحان الله سبحان الله
لي فترة افكر في كيف الدنيا ممكن تاخدا ولازم نحذر منها

بس ممكن توضحين لي اكتر

غبية مو كدا؟؟ هههههههه

يعني نشتري منك بضاعة ونبيعها وانت تحطي المبلغ خيري
وألا بعد ما نبيعها نرسل لك التبرع

والله ماني فاهمة مع إني من فترة أفكر بالموضوع
ونفس الكلمة دارت في خاطري واتربعت وهي كلمة

((((... قلت في نفسي احنا ما همنا الا الدنيا ... ما نفكر ابدا بالأخرة ما فكرنا في يوم ان الدنيا دار الزوال و لا تدوم ... ))))

الله يساعدنا على طاعته ويحببنا في التقرب منه أكثر وأكثر
ولا يجعل الدنيا أكبر همنا
ربي يجزيج كل خير ياااارب اختي ام ريان

بخصوص المبالغ بستلمها عادي من اي شخص لكنها بتكون لجهة خيرية باذن الله
يعني لما تحوليلي المبلغ الارباح كلها للعمل الخيري ان شاء الله ... يعني انا اتصرف فيها .... بالاتفاق مع جمعية خيرية ........

فهمتي علي عزيزتي

ربي يبارك لج يالغالية
جزاك الله الف خير على هذي المبادره اللهم لك الحمد انا مسوتنها من فتره المبلغ اجمعه كل شهر واتبرع فيه الجمعيه خيريه ان شاء الله جميع التاجرات ينتبهوا لهذا الموضوع

اليوم لا ينفع لا مال و لا بنون
موقفه البيع والعروض التجاريه لاسباب خاصه واعذروني
ما اقدر استلم اي طلبات على الخاص اوعلى تلفوني




مشكورة عزيزتي على المرور


الساعة الآن 12:06 .