ساعدوني بنات وشوي لانجن ااه بس

السلام عليكم


انا كتبت موضوعي بفضفض شوي
ادري مابيكون فيه حل
لكن مع الفضفضه برتاح شوي


بنات انا مقهور رتبت لسفره
لي ولاختي واخوي وخالي الصغير
سويتها مفاجئه يعني ماخبرتهم لاني توقعت مايقول شيء اخوي
حجزت التذاكر وحجزت الفندق ومدت السفره ثلاث ايام فقط والمنطقه قريبه
اللي صار ان اخوي الكبير وزوجته وعياله جو عندنا
وقالو بيتمشو يروحو لنفس المنطقه اللي بروح لها
وخبرت اخوي اني حجزت لهم عملت سبرايز
تخيلو حلف مانروح
اقسم بالله قالها بوجهي ودمعتي بعيني
وانا موظفه واختي موظفه وهو عاطل عن العمل بس نايم بالبيت ويوم يحتاج منا فلوس نستحي نرده
نعطيه اللي يبي
بس حاكرنا بين اربع جدران
التمشيات هذي ملغيه بقاموسه
اقسم بالله تعبت مليت ابي اطلع اسافر اغير جو
انا اعشق السفر وماتتصورو سعادتي يوم اركب السياره بسافر
طبعا صارت مره وحده مع زوج اختي سافرنا معه اول واخر مره
انا متضايقه ليه يكسر بخاطري ويرفض نطلع نغير جو ، ليش يشوف الفرحه بعيوننا ويكسرها
المشكله قريبه جدا المنطقه وماتاخذ ساعه
وامي يوم اكلمها تقول وين رايحين وماتحمس ماتحب السفر وهو جالسه بس دخان وعلى التلفزيون او داخله بغرفته مقفل الباب وبس
الصباح الناس تقوم تشوف رزقها وحياتها وهو بس نايم يصحى العصر
بنات انا تعبت من هذا الجوو
والاجازه الكبيره مانقدر نتمشى فيها لان العائلة يتجمعون فبيتنا الين اخر يوم بالاجازه مانقدر نسافر
اااه ببسسس ياليتك يابوي عايش
ياليتك ترجع تحسسنا بالامان والحنان وجو الاسره السعيد
اتذكر تمشياتنا قبل 16 سنه مع ابوي والله اذكرها بكل تفاصيلها
كان بالسياره يسولف معنا وطول الوقت مبتسم
مو مثل عياله يودونا اي مكان والنفسيه خايسه وطول الطريق نفخ ..
بنات ايش اسوي
اقسم بالله فيني صيحه بتطلع تععععبت ابي احد يحس فيني يطلعني يوم بطلع اشم هوا
من حقي اعيش حياة حلوه مع اسرتي ومع امي واخوي!
ابي يوم اتزوج ابي اتذكر لحظات جميله عشتها مع اهلي ابي احن لطلعاتنا وروحاتنا لكن ماتوقع هالشيء يصير
لاني ماذكر فيه طلعه حلوه معهم اتذكرها
اذ طلعنا كلها نكد بنكد وهرج وكلام سلبي