احيانا تدخلين المطبخ ما في شي معين في بالك
ويبدأ التاليف والتخبيص وتخرجين في النهاية باكلة !!
واحيانا بسبب نقص المقادير ..
يمكن اكثر الاوقات ما تضبط وما تكون النتيجة مرضية..
لكن احيانا تكون مرضية بل بعض التجارب تكون رائعة ...
وكم من اكلة رائعة ولدت من رحم التخبيص ...


هنا نجمع تجاربنا الناجحة ونتبادل تخبيصاتنا في مطابخنا ...
وبالهناء والعافية
08-06-1437 هـ, 04:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مره كان بتجيني صاحبتي وماادري وش اصلح القهوه وانا في سكن ومافيه بقاله قريبه وزوجي مستلم وفي النهايه لقيت عندي بسكوت أوريو من زمان في المخزن وناظرت ماانتهت مدته وقشطه وزبده و جبن كيري وحليب نستله وشكولاته بودره ونسكافه وتجيني ذيك الفكرة طبعا فيه لمبه طلعت وكسرت البسكوت وخبصته مع الزبده بعد ماذوبتها وبعدين ضربت الباقي في الخلاط وصبيته عليه ودخلته الفرن الحرمه تاكل بالملعقه وتقول واووووو طعمه يجنن الي ألطريقه اقول في نفسي بلاك ماتدرين عن قصة ذَا الحلا انه تخبيص
مره ثانيه صديقتي الثانيه بتجيني عشاء وزوجنا بيطلعون مع بعض فكرت ورحت بسرعه المطبخ وطلعت دجاجه وانا ماادري وش بصلح بها وسويت شوربة عدس سريعة وصينية مكرونه وسلطه بقي الدجاج وتخطر على بالي فكره سريعه وسهله جبت الدجاج وتبلته بالملح وفلفل وبهارات وليمون وكمون وجبت فلفل بارد قطعته وبطاطس وصفيتهم في الصينيه حطيت الدجاج وخلطت في الخلاط بهارات وملح وماجي وصلصله وطماط وشوي مويه وشوي زيت زيتون وصبيتهاعلى الدجاج وقصدرتها وحطيتها في الفرن من تحت الين استوت ومن فوق بس تحمر وجهها وطلعت تجنن مره لذيذه وأي أكله مستحيل اكون طبقتها بحذافيرها دايم اعدل من عندي لو طبخات معروفه أدور في المنتديات وأخذ أفكار بعدين أسويها بطريقتي واسوي تعديلات على الصلصات والصوصات وتصير مره حلوه
08-06-1437 هـ, 10:48 مساءً
 
اقتباس مشاركة  (شامبو هيربل)
مره كان بتجيني صاحبتي وماادري وش اصلح القهوه وانا في سكن ومافيه بقاله قريبه وزوجي مستلم وفي النهايه لقيت عندي بسكوت أوريو من زمان في المخزن وناظرت ماانتهت مدته وقشطه وزبده و جبن كيري وحليب نستله وشكولاته بودره ونسكافه وتجيني ذيك الفكرة طبعا فيه لمبه طلعت وكسرت البسكوت وخبصته مع الزبده بعد ماذوبتها وبعدين ضربت الباقي في الخلاط وصبيته عليه ودخلته الفرن الحرمه تاكل بالملعقه وتقول واووووو طعمه يجنن الي ألطريقه اقول في نفسي بلاك ماتدرين عن قصة ذَا الحلا انه تخبيص
مره ثانيه صديقتي الثانيه بتجيني عشاء وزوجنا بيطلعون مع بعض فكرت ورحت بسرعه المطبخ وطلعت دجاجه وانا ماادري وش بصلح بها وسويت شوربة عدس سريعة وصينية مكرونه وسلطه بقي الدجاج وتخطر على بالي فكره سريعه وسهله جبت الدجاج وتبلته بالملح وفلفل وبهارات وليمون وكمون وجبت فلفل بارد قطعته وبطاطس وصفيتهم في الصينيه حطيت الدجاج وخلطت في الخلاط بهارات وملح وماجي وصلصله وطماط وشوي مويه وشوي زيت زيتون وصبيتهاعلى الدجاج وقصدرتها وحطيتها في الفرن من تحت الين استوت ومن فوق بس تحمر وجهها وطلعت تجنن مره لذيذه وأي أكله مستحيل اكون طبقتها بحذافيرها دايم اعدل من عندي لو طبخات معروفه أدور في المنتديات وأخذ أفكار بعدين أسويها بطريقتي واسوي تعديلات على الصلصات والصوصات وتصير مره حلوه
تبارك الله اختي
بس هل انت تكتبين التخبيصة بعد ماتنجح وتحتفظين بها كوصفة ؟
مشكورة على تفاعلك وتخبيصك...
09-06-1437 هـ, 08:20 صباحاً
 
ما زلنا ننتظر اعضاء التخبيص !!

معقولة الكل نظامي في طبخه ما عمرها خبصت اكلة في حياتها !!
09-06-1437 هـ, 08:22 صباحاً
 
تخبيصة على الطاير ..

عندك عصير تانج وحبات برتقال تقدرين تحوليه عصير راني رائع !!
بعد ما تسوين عصير التانج خذي سكين وطلعي حبيبات البرتقالة على جك العصير
وبعد ماتخلصين منها اعصريها على الجك ممكن تكتفين بحبة برتقال او تزيدي ثانية
حسب الرغبة ويقدم بارد فكرة بسيطة لكن الطعم في المخيخ ...
09-06-1437 هـ, 08:26 صباحاً
 


الساعة الآن 08:13 .