Analysis Services
  • «
  • <
  • 1
  • 2
  • 3
  • 4
  • >
  • »
سويت حلا مخبص طبقه بسكويت شاهي مشرب بحليب وخلطت بخلط جبن كيري نستله وقشطه كريم كراميل ودريم ويب وزينته بسميد محموس طلع روعه اعجب خوات زوجي
10-06-1437 هـ, 06:22 صباحاً
 
يسعد مساكم احلى شي التخبيص بثقه هههههه انا عندي عشاء اخوي بيجي وأسوي حلى كاسات فتت أوريو وبالخلاصة أوريو و كريمه وقشطة وسكر وحليب وشوي ماء وفانيليا وجبن سائل و أصبها بالكاسات وطلعت لذيذه واحلى حلى الأوريو وسلامتكم
انا من زمان عن المنتدى الله يسقي أيامه همه ونشاط ولي فتره راجعه بس ردود
10-06-1437 هـ, 05:30 مساءً
 
اقتباس مشاركة  (سكن الفؤاد)
تبارك الله اختي
بس هل انت تكتبين التخبيصة بعد ماتنجح وتحتفظين بها كوصفة ؟
مشكورة على تفاعلك وتخبيصك...
ايه اكتبها وأكررها بعد لأَنِّها تكون ناجحه اي شي ماينجح او مايضبط اكنسله وماعاد ارجع أصلحه
11-06-1437 هـ, 12:19 صباحاً
 
لازال التخبيص مستمر مره طلعت فكره في راسي يوم بيجوني ضيوف ترا ماادري ليش اذا جاء بيجيني احد تطلع أفكار الصراحه ماكنت ناويه اصلح حلا مع العشاء بس قلت عيب الحرمه اول مره تزورنا وأروح أدور في المخزن زي العاده وأتذكر ان امي كانت تسوي حلا قديم بس لذيذ وقلت الكيك الي عندي سويسرول فراولة يتوافق معه وجبت كاسات الحلى عندي وغسلتهم وجهزت الكيك وقطعته حلقات حطيت الكيك في الكاسات تحت وشربتها بشوي جلي فراولة ودخلهم الثلاجه جهزت في الخلاط جلي فراوله وست حبات جبن كيري علبتين قشطه ومغلفين دريم ويب وشوي حليب وخلطتها بالخلاط وصبيتهم على الكيك والجلي وحطيت من فوق كل وحده قطعة فراوله طلع مره لذيذه


هاذا حلى هو أصلا في كتاب المقادير والطريقة تختلف بس انا ألفت فيها وطلعت حلا مره حلو عطيته جارتي وصارو الي يعرفونها يطلبون طريقته منها بعد مايذوقونه ويعجبهم
كيك سويس رول شكولاته مقطع حلقات ويصف في الصينيه في الخلاط مغلفين من الكريمه كرميل مغلفين دريم ويب مغلفين بودرة الكبتشينو علبتين قشطه فنجال سكر شوي مويه لتسهيل الخلط وتضرب كل المقادير في الخلاط وتصب فوق الكيك من فوق ترش بالنسكافه والشكولاته البودره رش خفيف وتزين بخطوط هيرشي الشكولاته وتغلف وتوضع بالثلاجه اقل شي ساعه حلوه بعد العشاء مع كوب شاهي
11-06-1437 هـ, 12:35 صباحاً
 
مره كان بيجون عيال عم زوجي يمكن 6 اشخاص
وهم يحبون اكل البيت خصوصا الكبسه
وجاني زوجي قالي بيجون يتعشون عندنا تكفين اضبطي الكبسه لا تحرجيني
وقتها كنت لسا ما كملت ثلاث سنين زواج
وشلت هم وخفت ما اضبط الكبسه خصوصا اني كنت قبلها كل ما اسوي كبسه ما تطلع ذاك الزود وقليل تطلع مضبوطه 100٪
المهم ومن اول ما دخلت المطبخ عشان ابدأ كل شوي يجي زوجي هاه تكفين لا تفشليني ولا اذا ما بتضبطينها بجيب عشا من برا😖... وانا اسوي نفسي اشتغل بثقه وما ارد عليه وانا قلبي بيوقف خاااايفه احرجه


ومن كثر ما انا خايفه كنت اكثر طماط واكثر صلصه واكثر ماجي وبهارات ..


واااخر شي يوم جيب بحط الرز في الصحن قلت خل اجرب شوي حسيتها لذيذه الصراحه .. طلعت ألذ كبسه سويتها في حياتي لدرجة واحد من عيال عم زوجي يوم راح بيته مدحها لزوجته واخته وجتني اخته تقول فلان يمدح كبستك قلت في نفسي والله ما يدرون انه تنيجة خرعه وتخبيص
حتى ما بقى شي بعدهم ما شاء الله عليهم مسحو الصحن
وسلامتكم 🌹🌹
12-06-1437 هـ, 09:15 مساءً
 


الساعة الآن 02:02 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏