الزواج وامي

انا تعبت من هالحياة استغفر الله
ربي مو موفقني بشي اخر سالفه قبل يومين
انا بنت ماتزوجت عمري 27
جاني مطلق وسالنا عنه ورفضته لانه كبيره
وعنده عيال وعياله راميهم عند امه وانا عارفه
لو باخذه فتره وبيجيبهم عندي وسالت ناس
عن سبب طلاقه قالو ان زوجته اللي طالبه والسبب
البخل والعصبيه فيه درجه اولى
المشكله ليتها بالناس يتكلمون اني ماتزوجت
كيفهم يتكلمون لين يشبعون امي اتعبتني
امس سمعت ان بنت جيراننا ولدت وهي اصغر مني
بسنتين عمرها 25 وصارت ماهي طايقتني بدون سبب
وترمي كلام جارح زي عنستي وتقولها بوجهي
بنت جيراننا اصغر منك وعندها بنت
امي حاطه الزواج لعبه او شختك بختك

بالذات علي لان على كلامها راح عمرك اي شخص يجيك اخذيه
يعني تبي اي شخص يتقدم لي ارضى اخذه
اقسم بالله احيانا تقدم الموافقه وتعطي الناس
الموافقه بدون علمي وتجي تعلمني وكانها تقول خلاص
عطيت الناس كلمه امي بالحياة العاديه
جدا جدا متسرعه بكل شي متسرعه بالمشاكل
بالهواش اقاربنا الكل ماخذ منها موقف
لانها تسي الظن وتعصب بسرعه ابوي 24
ساعه ساكن بالملحق واذا طلع قالت اكيد
راح يدور الحريم ولا اذا شافت جواله يرن
تشك فيه بقوه مع ان ابوي شايب فوق 65
ولا يعرف هالسوالف
امي حاطه الزواج لعبه كم مره افهمها
ان اللي بتتزوج لازم تفكر الف مره
لان هذا بتعيش معاه عمر ولازم تقتنع بشكله
وتفكيره عشان هذا قرار مصيري اما تكون سعيده
اما العكس تجلس تطنز بكلامي وتقول
انا تزوجت وانا مادري منهو ابوك اصلا مادريت
الا امي تقول تجهزي الاسبوع الجاي عرسك
وهذا ماضرني كم مره اوضح لها مابي مثل حياتها
لان من يوم بالابتدائي ابوي ينام بالملحق
وهي بغرفتها امي كارهه ابوي وبقوه
كم مره اوضح لها الحياة تغيرت والزمن تغير
حاطه براسها لا على كيفها تبي الشي
تفكيرها عسر وصعبه وتبي كل شي بمزاجها
امي للاسف سمعتها مو زينه ابد عند اقاربي
وعند جيراننا معروف انها قويه وراعيه مشاكل
الله يهديها حتى مقاطعه كل خواتها لان رايها مامشى
وتنقل الكلام بين الاقارب حاولت انبهه واقولها
هالشي حرام واعتقد الناس مايتقدمون لي ولخواتي
عشان هالسبب عشان امي ومشاكلها
صارت تضغط علي اخذ المطلق وتقولي تراك
باقي لك سنتين وانتي 30 ولا احد يبيك بهالعمر
شوفي كل بنات اقاربك معهم عيال وانتي كذا
ورفضت بقوه لاني استخرت ولا حسيت براحه
بالعكس جلست ابكي من الضيقه
ومن الحياة ومن امي الصعبه
امي الله يهديها عجزت افهمها مره احسها اقدر اخذها
بالكلام فجاه تقلب وتصير قويه وتعاند وكانها طفله
تبي تجبر الكل يمشي على رايها ومره الله يهديها
خطبت لاختي واحد من جيراننا بدون علم اختي
ولما عرفت اختي انقلب البيت مشكله وتلفظت
اختي بالفاظ قويه على امي انها ايش شايفتها
بالشارع لما تروح تعرضها ومين سمح لها
ومين قالها تروح تدور لها وللاسف هاذي حركات امي
ولا استغرب انها تكلم ناس يدورون لي وكاني ناشبه فيها لدرجه مره بنت قالت لنا الله يعينكم
على امكم عقلها صغير لانها زعلت على ام قريبتنا
بسبب انها اخذت مرت عمي لعزيمه ولا اخذت امي
لان مرت عمي سبق وقابلت هالناس فاخذتها مرت عمي معها لما عرفت امي قطعت فيهم لها الان فوق 8 شهور تقول ليه تاخذها ولا تاخذني احس تفكيرها
بيسبب لنا مشاكل حتى بعد الزواج لانها تدخل بشكل كبير وتبي تتحكم وتبي الكلمه لها
اقسم بالله تعبت انا موكله امر زواجي لله
لاني عارفه اصلا لو ايش ماتسوي امي
ماراح اخذ الا اللي ربي كاتبه باكن اللي متعبني
كلام امي وتصرفاتها علي وحكمها انها تزوجني اي احد