اكبر غلط تعطين بنتك جوال وهي لسا بزر حتى لو بالمتوسط غللللط لانه نحن الكبار لسنا ملائكة ممكن تبين مقطع او محاضرة في اليوتيوب وشوفي البلاوي والا المقاطع الي تحتها احيانا يجيك مقطع سيييئ المفروض ينشااااال منها الجوال نهائيا وبعدين كل راع مسؤول عن رعيته وراح تتحاسبين انت وابوها عنها انتم الي عطيتوها الجوال ووفرتوا لها تحطي النار جنب البنزين ولاتبين يصير شي استغرب من بعض الامهات الي يسووا فيها فاهمات متعلمااااااات وتلقين عيالها صغار وبالابتدائي وكل واحد بجواله وكل شي موفر لهم ولاتبونهم يسوون شي غلط انا ضد انكم تعطون اولادكم جوالات الا بالمرحلة الثانوية وبشروط بعد انه لازم كل فترة بتفتشي لاننا مسؤولين نحن الي نوفر لهم البلاوي والشيطان مامات ونحن مانحن ملائكة اطفال بجوالات!!!! الحل مع بنتك الجوال ينشااال نهائي وخليك حريصة على صلواتها دايم خليك وراها وربي يصلح احوال الجميييع

احتوي بنتك ادري الكلام سهل والتطبيق صعب بس حاولي تكوني قريبه منها تاخذ وتعطي معك .اكيد في سن المراهقه يكون فيه فضول عند المراهقين للاشياء هذه ويكون عندهم شهوه وحاجه للطرف الثاني .سن المراهقه صعب جدا ..الحمدلله راهقنا من غير جوالات ولارفيقات سوء والقناه الاولى فقط .ومع ذللك كان فينا حب استطلاع ياختي اذا حطيتي الجوال في يدها والبنت لوحدها ومراهقه ايش رح تتوقعي .انا والله ماقدر افيدك .بس احب اقلك راقبيها من غير قسوه ..وتاكدي بيجي اليوم الي تكبر فيه وتعقل. وادعي لها

بنتك صغيره على الجوال ومهما نصحتي هي تروح للمدرسة وتشوف ويطير كل الي قلتيه ..واسلوبك انتي وزوجك جدا راقي ورائع لكن مافيه شي يخوف البنت يعني اذا الموضوع فقط يابنتي طحتي من عيني وبس سهله جدا ...بنتك فيها خير وتتاثر وتستجيب لكن مشكلتها مثل ماتتاثر بالكلام الطيب بسرعه وتتوب تتاثر بالكلام السئ بسرعه وترجع والدليل انها بعد الجلسة الطويلة والبكا والوعد رجعت
الحل احتوي بنتك صاحبيها يوميا تجلسي معها ولاتحسسيها انها قليلة ادب ومافيها فايدة وتعايريها وتذكريها بالي سوته لا بس اجلسي معاها جلسه وقلي " انتي سويتي كذا وكذا بعد كل الي قلت لك واتفقنا عليه لاتطالبيني بكره بجوال زي فلانه وعلانه ولو تفتحي الموضوع مرة ثانيه وتطلبي ياويلك و ابوك لو يدري وبقية اهلك ماحد راح يسامحك ولابترجع الثقة فيك وبتشوفين شي ماتوقعتيه وخلي نظراتك لها قوية "واسحبيه منها وعوضيها بحنانك وقربك وتمشيات ولاتفكري ترجعية لها ابدا
واذا قدرتي تتعرفي على صاحباتها اذا مره مو مؤدبات جيبي فكرة تخليها تترك صحبتهم بس بطريقة غير مباشرة ..واذا عندها خالة او بنت خالة او قريبه تحبها وتسمع لها خليها تتواصل معها بدون ماتقولي بنتي سوت كذا بس علشان تصاحب ناس فيهم خير قولي بنتي تحبك وتذكرك بالخير دايم ونفس الشي قوليه لبنتك اجمعي بينهم واسمحي لها تستخدم جوالك في حدود وحطي له قفل التطبيقات
وادعي لها كثييييير وشجعيها تنشغل في طبخ او تعلم مكياج او التنظيف او الاعمال اليدوية او اي شي يوافق ميولها وشاركيها فيه وخذي رايها ..واحكي لها عن قصص مأساويه صارت لبنات غلطو غلطتها وان امهم وابوهم مساكين بعد الي سووه لها نزلت روسهم وايش العقاب الي صار لهم وشوفي قصص لناس نزلو اشد العقاب وقولي لو ابوك ووحده من بناته كشفها كذا اتوقع يسوي اكثر من كذا وان ممكن انتي تطلقي بسبب هذا الموضوع وبالغي في العقوبه وطبعا تكلمي مو على اساس انها هي بس المعنيه
...زوري المدرسة وشوفي مستواها واسالي معلماتها عن اخلاقها اذا اثنو عليها روحي قدام زميلاتها وضميها واهم شي عند بنات هذا السن تكوني شيااااكه ههههه علشان تفرح وتحسك ام وصديقة


الله يهديها وبنور بصيرتها ويحفظها

شيلي الجوال عنها نهائي
أعطيها جوال أبو كشاف
يعني مرة و اثنين ورجع الحال
ايش تستني الهيئة تمسك بنتك مع شباب ؟
والله التربية في الزمن ذا مرة صعبه
الفتن في كل مكان
اذا نحن الكبار صرنا نخاف ع نفسنا من الفتن كيف بالصغار اللي ما عندهم خبرة في الحياة
الله يستر علينا وعلى عيالنا

مشكلة والله الجواﻻت الله يعينك ويصلح حال بنتك وينور طريقها ضلك ادعي الها الله يكرها بالجوال وكمان بنتك امانة ﻻزم اتكوني معها في هادي الفترة الحرجة واشغليها باي شي مفيد تحفيظ بشغل البيت ﻻزم اتكون مشغولة وقت النوم خلي الجوال عندك ﻻنه الليل وقت الرواق و الفضاوة وﻻزم تنام بكير بالكتير على 10 ومن الساعة 5 متﻻ شيلي الجوال من يدها والله يعينك و يعيناا الله يفرحك ببنتك واستودعيها الله