((زوجـي واهلي)) الموووت ارحم من حياتي / قديم

موضوعي طويل جدا من الحين اقولكم اللي ماتبي تقرأ لا تقرأ
الموت ارحم من حياتي اي نعم انا مدري ليه نصيبي جا كذا ؟ يمكن ادخل الجنه على عيشتي اللي انكتبت علي مدري الزبده برجع بالذاكره لورى ماقبل زواجي انا انولدت على هالدنيا بعايله حرام فيها كلمة عايله ابوي وامي يتكارهون كره اعمى يومياااااااااااا كانوا مشاكل وهواشات يوميا كنت اتمنى يوم واحد مايتذابحون لكن كان هالشي من عاشر المستحيلات ما انسى وانا ببيتهم كانوا الناس يقومون على صوت قران على ابتسامه على سفرة فطور وانا اقوم على صرااااااااخ الله يلعنه من صراخ واذى كنت اعيشه الله يلعنها من ايام
بما اني اكبر خواتي كنت كل يوم ياناس اسمع ابوي وامي يتصايحون كل يووووم كنت طفله بالابتدائي كانت ايام سوداء بمعنى الكلمه لان الطفل يخااف كنت اتنافض واقول لنفسي ليش ابوي وامي كل يوم هواش؟ ما القى جواب وانرسم بمخي ان الازواج لازم يتهاشون وان الزواج يعني مشاكل كانوا بمجرد يبدأون اسد اذوني كانوا يتهاوشون على كل شي كل شي على الاكل الشرب على الزيارات على العزايم على الفلوس
ابوي صفاته عصصصصصصصصصصبي ويكره امي بس يخاف ويتنافض من امي وامي عصبييييييييه وظالمه ظالمه ظالمه ومتكبره جداااا تشوف ابوي من طرف خشمها
ولما كبرت شوي و صرت مراهقه تطورت هوشاتهم وصاروا يدخلوني فيها واستمرت الهوشات يوميااااااااا يوميااااااااا كنت اتمنى يوم واحد ما اسمع مشاكل لكن هيهات الناس تقوم على فتاح ياعليم وانا اقوم على يد ابوي .. كل يوم ابوي يصيحيني يهزني من كتفي من عززززز نومي بقوه قووومي قومي تعالي شوفي امك تخيلوا بس نفسيتي بهالجو ؟ اقوم اروح القى امي تشد شعرها وتتفل على ابوي وابوي يحاول يضربها واليوم الثاني تجيني امي قووومي قووومي اصحى وقلبي يدق يدق يدق يدق من الرعب احيانا كنت ابول على نفسي الله يكرمكم من الخوف كنت مراهقه ومع ذلك لا احساس ولاضمير ولا انسانيه قدامنا انا وخواتي يتهاوشون وانا بما اني الكبيره عذبوني بمشاكلهم اما يدخلوني فيها وابوي يشهدني على امي وامي تشهدني على ابوي او اني اكون بغرفتي واسمع المشاكل والصراخ ورقع البيبان وانا اسد اذوني
عشت عذاب اضعااااااااف خواتي اضعاف اضعاف وكل وحده فيكم اكبر اخواتها بتفهم كلامي واحساسي زين
كنت كلما يجيني عريس اتنافض كان تفكيري ان الرجال بيتزوج عشان يبي حرمه يتهاوش معها ويصرخ عليها كان هذا مفهومي للزواج
ليومكم هذا ابوي وامي العـــــــــــــن علاقه واسوء علاقه شفتها بحياتي كلها
نجي لعلاقتي بأمي انجس علاقه ممكن تتخيلونها من يوم طلعت على وجه الدنيا تكررهني كره العمى وش السبب مدري كنت اسخن امرض مايوووووووووم لمستني والله لما كنت ابوسها وانا بزر كانت تقول وووووووووووع وخري
ضرب بالخيزرانه بالجزم تتفل علي كنت ونا بالابتدائي لو كسرت صحن او كاسه او تشيطنت شوي على طول تستغل ان ابوي عصبي تروحله ركككض تركض شوف بنتك سوت وسوت كانت تفتن علي زي الاطفال تستغل انه عصبي وابوي عاد مااااايقصر كان يحذف علي اي شي بيده مره رمى علي تكايه المجلس بأقوى ماعنده رماه بنص وجهي وهي مستمتعه تتفرج
كارهين انفسهم ويعاملوني اني المصيبه اللي جت عالدنيا وتسببت انهم يبقون مع بعض وهالشعور قاعده ادفع ثمنه ليومكم ذا
ما اتوقع وحده عاشت اللي عشته اب وام اثنينهم اقسى من بعض وعصبيين عصبيين عصبيين كانوا بالدور يستلموني فوق ان نفسيتي وانا بزر تدمرت من مشاكلهم وصراخهم اليومي يكرهوني ويعاملوني اني مشكله جتهم على الدنيا كنت وانا بزر لو مرضت امي تقول ااووووووووووووووووووووووووووووووووووووف منك ليش مرضتي؟ كنت اناظرها ولااقدر اتكلم وكانت مستحيل تلمسني اقسسسم بالله لدرجه جدتي ام امي قالتلها حرام عليك بدال لا تداويها وتحنين عليها؟ قالت امي اوووف الله لايردها
كنا يوم نسافر لجدتي وابوي مايسافر معنا لظروف شغله امي يومياا يوميا اقسم بالله ترفع السماعه تتصل على ابوي تهيجه علي بنتك سوت وسوت عشان يكرهني ويوم يصير باقي كم يوم ونرجع لبيتنا تقوم هي تضحك وتفرح تقول الخيزرانه تنتظرك صبرك بس وانا بزر ابوول على نفسي من الرعب واول مااندخل بيتنا قبل لاابوي يفتح فمه احلف لابوي و انا اصرخ اقوله والله العظيم ماسويت شي وابكي بكاء طفل كيف ماكانوا يرحمون؟ وامي تهيجه لاااا تصدقها سوت كيذا وكذا اضربها يقوم ابوي يركض يجيب العقال ويقتلني ضرب واهانات وسب يابنت الكلب يابنت الحرام الله يلعنك ووووجع يوجعك لين اعض الارض
طبعا تستغربون ابوي كيف يسمع كلام امي وهو يكرهها ؟ عشان كذا اقووولكم اهلي حرام فيهم كلمه اهل حرام فيهم كلمة اهل ابوي وامي يتكارهون لكن عالشر وعلي انا فقط يتفقون مدري كيف بصراحه
وانا بالابتدائي وبالمراهقه كنت ما اسمع من ابوي غير يابنت الكلب يابنت الحرام يا حيوانه يا بهيمه يا كلبه
مع العلم ان اغلب تصرفات ابوي معي سببها تحريش امي اغلبها من امي
المهم انا كبرت وكبر كره امي لي وابوي شوووي شوووي تغير معي للاحسن ماتغير كثير بس شوي المهم ان هالتغير البسيط من ابوي جنن امي وقهرها وصرت انا عدوة امي اللدووووووووووووووده
والله العظيم يوميا تحرشه يوميا تحاول ترجعه زي زمان تبيه يضربني تبيه يكرهني صرت انا ضرتها مو بنتها وابوي متذبذب مره معها ومره ضدها مره يهيج علي ومره يرحمني
كانت كلمتها اليوميه هالبنت راح تجيب لك مصيبه لاتتركها اكسر راسها لو بيوم قلت ما ابي اتعشى هاليوم ينقلب جحيم ينتفل بوجهي واهانات لو يوم طلبت طلب بسيط تروح عند ابوي وتشتكي وهو يهييييييييييج
لو يوم ماغسلت المواعين تنتنظر ابوي يدخل البيت وهاااااااتك تحريش تحريش من العيار الثقيل تستغل انه عصبي حسبي الله عليها ليوم الدين تستغل عصبيته تقوله بنتك بكره بتفضحك بترجعلك مطلقه والله مافي رجال بيتحملها
تشغل ابوي بعيوبي اللي هي تصنعها عشان ينعمى عن عيوبها هي ,هي شاطره قدرت تحول تركيزه علي انا
هذا غير مشاكلها معي وتحرشاتها اليوميه فيني لما كنت مراهقه كنت اقولها ممكن اتكلم معك؟ كانت تقول اقلبي وجهك قطططططططع يقطع هالوجه عمى
اجيها اقولها امي عندي مشكله تصرخ انقلللللللللعي عساك بحريقه
غير الضرب على كل كبيره وصغيره وقدام خالاتي تضربني وتتفل بوجهي وتصرخ فيني وغير استغلالها لعصبية ابوي كل كلمه والثانيه تروح ركككض لابوي شف بنتك شف بنتك وابوي يهيييج هي تهيجه
وهذه حياتي معها من طفولتي ومراهقتي ليييين وصلت 25 سنه وصار موقف غير شعوري وطلع كل قسوتهم اللي هم زرعوها بقلبي
مره كنت بالسوق جبتلها كرسي عشان تقعد قالتلي اووف غثيثه ومريضه نفسيا قلتلها عشان جبتلك كرسي؟ قالت ايه مريييضه نفسيا ومن هاليوم كرهتها وطلعت من قلبي للابد بس اكتم هالكره وخلاص غسلت يدي منها بعد مليون محاوله لاني اتقرب منها بدون فايده
كنت احيانا اصيييييح اقولها طيب تعالي نتفاهم انتي ؟ تصرررررررخ صراخ مررررررررررعب مرررررررررعب تقول انططططططططمي الله ياخذك قال نتفاهم ايه اكرهك مووووت ووووووووع الله ياخذك اكرهك يامقرفه الله يلعن اليوم اللي انولدتي فيه وووجع يوجعك
ومايأست كنت اروحلها دايما اقولها وش مزعلك ليه رحتي اشتكيتي لابوي ؟ كانت بس تشوفني مقبله عليها تمسك الجززززمه وترميها بوجهي وتتفل
كرررره كررره لله فالله كذا ماتدانيني من يوم انولدت وقبل زواجي بيومين امي سوت حريقه بالبيت دعت علي ابشع دعوات وصرخت باعلى صوت وابوي صار يركض عشان يسكتها وولمت خواتي تعالواااااا الحقوووني تعالواا شوفوا اختكم وش سوت تعاااااالوا وتولول وتصرخ وابوي يصك فمها بيده لايسمعون الجيران تدرون ليه؟ عشان قلتلها يا امي لي شهرين اكلم خطيبي (ايام ملكتي) احسه عصبي بس قلت هالملاحظه شدت شعرها وصررررررررخت شكلك عصبيه شكلك ناويه عالرجال !! وليه تحلللين شخصية الرجال ؟ لايكون بتسوين له مشاكل؟ لايكون ناويه تسوين شخصيه عليه ؟ وتبي تشق هدومها!!! وابوي يترجها تسكت وقالت زواجك بعد يومين عسااااااااااك ترجعين مطلقه عساه يضربك لين تعضين الارض عسى امه وابوه يدعسوك برجولهم وابوي مابين خوفه منها وحزنه علي ومابين جالسه تحرضه وصار متأثر من كلامها
تخيلـــــــــــــوا هالكلمه اللي قلتها سوت كل ذا ؟ خايفه لا يصير لي شخصيه مع زوجي تبيني عبده لها ولزوجي وللنااااس
طيب وينك يا ابوي ماتقول لامي شوفي نفسك طول عمرك عوبه ولا تكلمت ؟ طول عمرها امي عوبه من ابوي حتى حقه الشرعي تقول ما ابي وهو ساكت قالها لي ابوي بعظمة لسانه
خلقوا مني شخصيه ضعيفه جدا وحاقده جداااااا واكرههم من كل قلبي لما كبرت حسيت اني اكرههم موت وشخصيتي صارت ضعيييييييييييييفه مسالمه ما اهش ولا انش على قولتهم بس عصبييييييييييييه عصبييييييييييييييييه عصبييييييييييييييييه واخفي عصبيتي داخلي لاني ضعيفه شخصيه
يعني داخلي نااااااااااار بس اخفيها اخاف لا اطلعها
كبرن خواتي وظهرت شخصياتهم القويـــــــــــــــــه وهنا بدت رحلة عذاب ثانيه صارت امي خاضعه لهم وتخاف منهم وتعاملهم بحذر وخوف وانا لازلت بنفس اسلوبها معي بس معهم هم غيررررر
ابوي لما شاف امي وخواتي صاروا حزب وشاف امي القويه تخاف من خواتي انتقله نفس الخوف وصار يخاف من خواتي هو بعد !!!!! والله العظيم يتنافض منهم هو وامي واخواني الاولاد بزران صغار لاحول لهم ولا قوه
قبل زواجي انا وخواتي كانت بيننا مشاكل كثيره وكانت اغلبها بسبب التفرقه بالمعامله ضغطوا علي كثير وكنت احيان انفجر على خواتي انا حرموني من كل شي وعطوا خواتي كل شي
اللي كان ممنوع علي صار مسموح لاخواتي
اللي كان حرام علي صار حلال لاخواتي
كانت تطلب مني اتصرف على كيفها وتكون شخصيتي على كيفها اقسم بالله العلي العظيم حتى الضحكه تطلب مني اضحك لفلانه وفلانه غصصصصصصصصصب ولاتسود عيشتي
وانا قلت لكم من تربيتهم صرت عصبيه لكني كنت اخفي عصبيتي عن امي وابوي بس خواتي ماكانوا يسكتون كانوا يشتكون لامي عشان عارفين انها بتسود عيشتي وفعلا سودت عيشتي
كانت تمنعني اني ازعــــــــــــــــــــــــــــــــــل لما اشوف الظلم علي , كانت تمنعني من ابسط حقوقي وهو الكلام كنت يوم اقولها حرام عليك تمنعيني وهذه تعطيها او اقولها ليش انا لا وهم ايه كانت تصرررررررررخ زي المجنونه بالضبط مالك شغل اووووووووووص انطمي
واذكر بعد خطبتي بكم يوم هددتني قالتلي لو مامشيتي زي الالف راح اخليك عبده عند زوجك والله لا اقوله دوس بطنها انا فكرته تهديد فقط اثاريها جاده راحت لابوي قالتله اسمع وصيه يدووس ببطنها فاهم ابوي قال طيب بس جاته رحمه علي شوي وماقال لزوجي هالكلام وامي تنتظره يقول
ابــــــــــــــــــوي وامـــــــــــــــــــي بالمختصر استعبــــــــــــــــــــــــــــــــــــــدوني استعبدوني استعبدوني بكل ماتحمله الكلمه من معنى : لازم اكون معهم بشخصيه معينه لازم اكون مع الناس بشخصيه معينه لازم اكل بالطريقه اللي يبونها لازم انجح بطريقتهم والاشياء اللي يكرهوها لازم ابتعد عنها
ولما كبرن خواتي صارت كل وحده تظهر شخصيتها قدام امي وابوي وللاسف كان خوف امي وابوي من خواتي يزيد كل يوم اكثر من اللي قبله صاروا عصبيات وكل وحده فيهم تصرخ متى ماتبي وترفع صوتها زيما تبي نفسياتهم مرتاااااااحه يفرغون اول بأول اللي تبي شي تقوله بالفم المليان يسوون اللي يبونه حتى الدخان يدخنون ! وامي وابوي يخافون منهم
وانا تزوجت .... خلقوا مني هالشخصيه الضعيفه الخايفه المستعبده وعقدوني من الرجال ومن الزواج ومن الدنيا ومن شي اسمه اب وام
اكثر شي مدمرني تماما اني كارهه نفسي وحياتي وطفولتي وذكرياتي ودنيتي بس لااااااااااازم ابتسم واخفي شخصيتي الحقيقيه واتعامل بطيبه ولطافه زايده ولازم ما ابين عصبتي ولا الدنيا بتقوم وماتقعد
اشوف العرايس من الشهور الاولى تزعل وتروح عند اهلها وانا اذكر قعدت 6 شهور ما اشتكي ولاعندي احد افضفضفله وامي عدوووه مو ام عشان اشتكي لها المهم بعد زواجي ب6شهور اتصلت على امي قلت يمكن تغيرت شوي ابي افضفض عروس ياناس عروس قامت افتعلت معي مشكله وصرخت بأاعلى صوتها انقلعي اخخخخخخ تفوووووووووو وسكرت الخط بوجهي انا انهرت وصرت اركض بالبيت لوحدي زي المجنونه للحين ماتغيرتي؟ للحين نفس النذاله ؟ زواجي ماغيرك؟ بعدي ماهز فيك شعره ؟
واتصلت على ابوي وقررت علي وعلى اعدائي وفضفتله على سنين عمري واني عمري ماتكلمت وان سكوتي بيوديني مستشفى المجانين وقلتله ممكن تجيني البيت قال اسف مشغول قلتله طيب بكره ؟ قال مقدر
قلتله بس انا محتاجه احد انا لوحدي تدرون وش قال؟ قال لو جيتك امي بتسويلي فضيحه ومشكله !!!!! قالي صحيح اني مابعلمها اني جيتك لكنها بتحس لانها حاطتك براسها وانتي تدرين بكره امك لك
ومره ابوي جا ياخذني مستشفى عشان زوجي بالدوام ركبت السياره لقيت اختي بعد كم يوم قالي ابوي هذه امك قالت خذ فلانه معك (عشان مانكون انا وابوي لوحدنا حطت اختي حارس بيننا)
تخيلوا ؟ قبل زواجي جاب لوحده من خواتي جوال قيمته الفين ريال وبعد فتره امي قالتله جب لاختها الثانيه جوالها خربان وجاب لاختي الثانيه جوال ب2500 ريال وبعد فتره جاب لاخوي اي باد وبلاستشين كلفه 4الالاف ريال وانا لين تزوجت ورحت بيت زوجي ماعطاني شي
وجاب لوحده من خواتي اسوره ذهب عيار 21 ورتني اياها وبعد فتره جاب لاختي الثانيه خاتمم ذهب
وبعد ماتزوجت ابوي عطاني 500 ريال وكانت اول مره تدرون قالي لاتقولي لامك اني عطيتك ؟خذيتها وبس خرجت من بيت ابوي بكيت مت من البكاء خايف يوري امي الخمسميه
ومره ثانيه عطى خواتي كل وحده الف ريال يوم جا يعطيني انا قام رفعها يوري امي انها فعلا الف و عطاني اياها وامي تشوف يده وهو يعطيني اياها
وقبل ما اتزوج وانا ببيت اهلي سافرت شغالتنا قمت انا اشتغل وخواتي وامي يجلسن عالتلفزيون او نايمات وانا اطبخ وامسح واكرف لين تزوجت وبس تزوجت صارت وحده من خواتي تشتغل قامت امي دخلت على ابوي قالتله اسمع تدفع لها راتب (تقصد اختي) ولا جب شغاله ابوي قال خلاص بقدم على شغاله بس يبيلها 6 شهور عشان تجي قالت اجل تدفع لها حق الشغل قال طيب وصارت اختي كل شهر تاخذ راتب مقابل شغلها !!!!! وانا اللي كرفت مافكرت حتى تخلي وحده من خواتي تساعدني كانت تقولي اشتغلي لاترجعي لنا مطلقه طيب واختي عادي ترجع مطلقه؟

وعلاقتي باخواتي الحين احترمهم ولا كأني اختهم الكبيره ينخطبون ويسوون كل شي وانا مالي شغل امي محذرتني ما اتدخل فيهم اسمعهم يتكلمون مع رجال وبمواقع التواصل كل وحده ضايفه مليون ولد ولا لي كلمه ولا شور واشوف بغرفهم علبة سجاير
وابوي وامي ولا واحد فيهم يدخن ولا افتح فمي لان امي بتقوم قيامتي وياويلي لو ما ابتسم بوجيههم ياويلي احيانا يكون زوجي متهاوش معي بالسياره وحنا رايحين لبيت اهلي بس ادق باب بيت اهلي لازم اشق الابتسامه ولايعتبروني اهنتهم
تخيلوا وحده قريبتنا ماحضرت زواجي متزاعله مع امي ويوم هالحرمه زوجت بنتها امي حضرت عرس بنتها!!! كل الناس قالوا كيف هانت عليها بنتها ؟ كيف تحضر عرس وحده ماحضرت بنتك ؟ لكن لاني هاينه عليها عاااادي بلا احساس ولا ضميررررر
وبعد كل ذااااااااااااااا تخيلوا ابوي وش يقولي من خوفه ورعبه من امي وخواتي ؟ يقولي راعي خواتك هم عصبيات يبيلهم مداراه !انجنيت وانهبلت يوم قالي كذا
بعد كل العذاب اللي عيشتوني فيه ؟ خليتوا شخصيتي ضعيفه بسبب ضربكم واهاناتكم بعد ماعشت طفوله ومراهقه بائسه ؟ بعد ما كنت كل يوم اصحى على هواشكم؟ بعد ما اهنتوني قدام نفسي وقدام الناس؟
بعد كل الكـــــــــــــــــــره والعداوه اللي شفتها من امي؟ بعد الرعب اللي عشته قبل زواجي بيومين اخذتلي العن دعوات ؟ بعد ماخليتوني جباااااااااانه مقدر حتى اعبـــــــــــــــر عن كرهي لكم ؟ بعد مافرقتوا بالمعامله حتى اليهود مايفرقون بين عيالهم كذا

خواتي اللي الحين يبيلهم مداراه ؟ !!!! ممن اللي يبيله مداراه انا ولاهم ؟ من اللي تعبان بحياته انا ولاهم؟ من اللي انهلك ومات وشاف الضيم انا ولا هم؟

وتراها امي الحقيقيه للاسف كل صوري وانا رضيعه وهي موجوده
تدرون وش اتمنـــــــــــــى من هالحياه ؟ اتمنى اطلــع فوق اعلى جبل بالعالم واصررررررررررررررررررررررررررررررررررررررررررررررررررررررررررررررررررررررررررررررررررررررررررررررخ بأعلى صوتي وابكي لين اموت
اكرررررره اهلي من كل قلبي اكرهههههههههههههههم