Analysis Services
ياقلبي ترا اغلب الطبخ يعتمد عالبهارات
باقولك اساسيات لازم تعرفيها
شوفي انا كنت جارة وحدة وقالتلي زوجي يقولي تعلمي منها الطبخ
جارتي الثانية زوجها يطلب منها اكلة بيض عادية بس يبغاها على طريقتي
ووحدة والله شاهد ماابالغ ولا امدح نفسي قالها زوجها تعلمي منها الطبخ معجناتها مثل الجاهز
ولاحظت في طبخهم مايكثروا بصل يعن كنا ندخل المطبخ ونطبخ سوا يحطوا نص بصلة صغيرة او ربعها ماينفع كذا الاكل ماله نكهة
هذي نقاط لازم تمشي عليها
1_ كثري بصل بالطبخ
2_ استخدمي الثوم لاتقولي كبسة او ايدام مو ضروري الا ضروري له نكهة لذيذة
حمسي البصل تمام مع الزيت وبعده ضيفي الثوم مع كركم وبابريكا وكملي بطماطم ويعني كملي طبختك يعني تحميس البصل مضبوط يعطي نكهة تفرق كثيييير عن الي يحطوه بسرعة بسرعة بدون حمس
3 _ الكبسة حمري بهارات صحيحة مع البصل بنفس الوقت تعطي نكهة تجنن
4_ الايدامات لاتحطي غير كمون وكزبرة وفلفل اسود بقية البهارات تخرب الايدامات والكشن
5_ كثري زيت في طبخك يستحسن زيت زيتون بس مو مرة كثير يعن وسط
ويارب يضبط اكلك وتفرحي نفسك وزوجك وعايلتك
23-06-1437 هـ, 08:29 مساءً
 
نفس كلام اختي ضوء صح البصل لازم يصير كثير وأحمسيها كثير ماكنت اعرف اطبخ في بيت اهلي وشوي شوي الحمد الله وماامدح نفسي صرت اعرف اطبخ وصرت لحالي اسوي بوفيهات من رز ماينوكل الا رز لذيذ مو سنه ولا سنتين كانت نتيجة تجارب حوالي خمس سنين وسنه أولى زواج كانت اخت زوجي الله يوفقها ويسعدها وين ماراحت ويوسع رزقها والله ادعي لها دايم الفضل بعد الله لها ماشاء الله كانت تعلمني وكنت اجلس معها واتعلم منها وخاصه الأكلات الي يحبها اخوها لان زوجي عنده مشكله البشاميل اي شي ابيض ماياكله وبعدها صرت من نفسي اتعلَّم وأطور نفسي لأكن الأساسيات موجوده غير كذا وهاذا سر اكتشفته مع الوقت الي هو إنتي اطبخي لأهوايه وحبي المطبخ وتدخلي وانتي مستمتعه وشوفي كيف تبدعين ولا تخلينه واجب انك تطبخين ولا غصب عنك واذا حبيتي الطبخ بتحبين تتعلمين اكثر وأكثر وتصيرين تبين تجربين اي طبخه تذوقتيها في مطعم او عند احد وشوي شوي تصيرين تميزين النكهات وشوي شوي تعرفين إِيش المكونات المطلوبه بدون مااحد يعلمك ومنها اخترعين طريقتك الخاصه في الاكل وتكاتك وحركاتك على قولة الشيف حسن والله اني صرت اموت بالسوبر ماركة ماعاد يكفيني الوقت أخذ بسرعه الي ابي واطلع لا صرت اشوف واتفرج وأحب الأشياء الغريبه صرت أحب الصوصات والصلصات وعشان اتعلَّم اكثر وأكثر صرت اتابع السناب والانستغرام البنات الي يطبخون
24-06-1437 هـ, 02:30 صباحاً
 
  • الله يرزقكم الجنه وشكر لانكم وقفتو معاي الله يسعدكم راح اسوي زي ماقلتم
24-06-1437 هـ, 02:15 مساءً
 
واضيف على كلام الاخوات لما تطبخي الايدام قللي المويه اللي تصبيها على الخضار او الدجاج علشان يصير ثقيل شوي ولذيذ
الكيكات والمعجنات أبدأي اعمليها من كتاب اطباق النخبه مره حلو للمبتدئات والمكاييل تبعه مضبوطه كأس الجبن السايل وبيالة الشاي وفنجان القهوه


فيه بهارات مهران للايدامات والكبسه وكل شي جربيها رروعه بس حاره شوي واذا ماتحبي الفلافل خذي بهارات اسناد انا مجربه تبع الكبسه لذيذه حطي ملعقتين صغيره لكل نص دجاجه كل ماكثرت شوي عطت طعم احلى بس مووووبزياده تكثريها
دايم كرري كلمة طبخي حلو ولذيذ وقبل ماتسوين الطبخه تخيلي نفسك سويتها وبالشكل الحلو صدقيني ان شاءالله تضبطينها ع الواقع
في بعض الاحيان استخدمي قشطه مع الجبن السايله على صواني المكرونه مرررره لذيذه
24-06-1437 هـ, 06:49 مساءً
 
جربي اطبخي بقدر الضغط يطلع طبخك يجنن وكثري من البصل والثوم والبهارات والماجي في الاكل تخلي طبخك 👌👍
25-06-1437 هـ, 08:10 صباحاً
 


الساعة الآن 02:09 .