سبحان الله
انا الدكتوره الخايبه ما سوت لي شق وابني شق طريقه بنفسه وصار زي ما قالت الدكتوره الفاضله امينه ووصل الشق لفتحة الشرج ويمكن كمان انفتح جزء منه
وزادت المصيبه انها عادت الخياطه مرتين حسبي الله عليها
وكانت الخياطه زفت وغير مرتبه يعني اقرب للزقزاق
الله المستعان

الله يسهل عليك ولادة طبيعيه يارب

شوفي حبيبتي انا لما ولدت بالبكر خياطتي ولله الحمد كانت ممتازه
لما جيت اولد بالحمادي ودتورتي سنيه من الحبيب الله يهديها تاخرت فنادوا مش القابله الدكتوره المناوبه هنديه ان كانها كافره جعلها في الدرك الاسفل من النار اما ان كانها مسلمه فالله يهديها تخيلوا اقولها وسعيني ابموت تقول بطرف خشتها نو نو الين طلعت بنتي ومزعتني من تحت الين الشرج تكرمون ومن فوق شقين يعني خرايط في هالاثناء جت الدكتوره وطلت فيني وقعدت تزعق الدنيا نزيف وتاركيني يوم شافوا الدكتوره تخيلوا نفاسي كله خياط لا اقدر اتحرك ولا اروح ولا اجي الله المستعان وبس

التوسيع شي اساسي بالولادة الطبيعية...عادي بالعكس يساعدك اكثر ويسهل نزول الطفل من المهبل...

واقولك حسب خبرتي مو بس كلام وانا ماجربت...تراك لحظتها ماتحسين بشي ابد وصدقيني ماتكونين عارفة بهذيك اللحظة اذا هم وسعوك او لأ....لان سبحان الله تكون المنطقة متوسعة و متخدرة تماما من الطلق والدفع والشي الوحيد اللي تحسينه هو شغل تحت ودفع من الطفل وانتي ماتدرين شالسالفة...

واذا طلع البيبي على خير ان شالله وطلعت المشيمة يخلونك ترتاحين دقايق وبعدين يعطونك ابرة ( تخدير) وبعض الاحيان بخاخ...وخلاص يبدون يخيطون وانتي منتي حاسة بشي الا اللهم بعض المناطق تحسين فيها مثل القرصة لكنها ثواني وتروح..وانتهت السالفة...

الله يقومك بالسلامة بس وتجيبينه طبيعي...

الله يعين ويعدي الموقف على كل الحوامل