السلام عليكم اخواتي
ابي افضفض لكم مليت طقت كبدي
انا حامل بالشهر السابع وان الله احيانا شهري التاسع برمضان
احس بضغط وملل شايلة هم
اقول لزوجي ابغى كذا وكذا
من أغراض للبيت خصوصا المطبخ مافيه اواني واجهزه
من ملابس لي ولطفلي ومولودي الجديد
وبرتب شغلي مفرزنات لرمضان
والى الآن مافاتحته اني بولد بمستشفى خاص
وكل شي ان شاء الله ان شاء الله خلاص احس مابقى شي
دايم مشغووووووول اقول عطني فلوس اخلص مع اهلي يقول لا معي انا
وهاليومين زعلان مستحيل يمر شهر مايزعل
وعادي اسبوع مايكلمني وينام بالصاله
زهقت
وسط الاسبوع وداني لاهلي تكرما منه يعني ولا مااطلع لأهلي الا اخر الاسبوع
دقيت بالليل قلت وينك قال نامي عند اهلك قلت الله يساعدك عَصّب وسكر الخط
من بكرا دقيت بالليل مارد ونمت وجاء العصر رحت لبيتي مايكلمني زعل وطلع الى الفجر طيب وين غلطي؟؟ ودي اعرف
ماعمره خلاني انام عند اهلي بنفس حلوه لازم خلق مشكله وتنكيد
ولازم مايرضى الا اعتذر وكم مره يقول لو انا غلطان اعتذري لي ولاتراديني
مليت من زعله احس ع اشياء تافهة
هذا من غير حكرتي بالبيت يقول خلاص تروحي للناس وانتي كذا ماله داعي طلعات لما تولدي ع خير
يلزم عليك تسجيل الدخول أولًا لكتابة تعليق.
الصفحة الأخيرة
زوجك يجلط
وش ذا ؟ وش اللي حتى وهو غلطان تعتذرين ولا تراددين "
معليش بس انتي مالك شخصيه قدامه ؟
انتي خلتيه يتمادى باسلوبك طنشيه يجي من نفسه ياخذك من بيت اهلك
عباله ميته عليه لو يستاهل اشوى بس كدا لا صعبه
عموما انتي اجلسي معاه ناقشيه وخلك حازمه معاه
اللي ببطنك ولده ومسؤل عنه
وانتي زوجته غصبن عنه ينفذ طلباتك