السلام عليكم
بنات انا كنت اسوي الروب ( الزبادي ) بالبيت لذيذ وطمعة احلا من
الجاهز بواجد وصارلي فترة ماروبت أمس شدِّيت حيلي زوجي مشهي
روب البيت وسويت أمس قعد الصبح لقيت في طبقه بسيطه ماي عازل
مو واجد بس شي بسيط انا ماكان يصير معاي كذا قبل الروب الي أسوية ماسك حيل
ومافيه مصل مصل الزبادي شوي مو واجد بس مخلي الترويب مايعي شوي
يالله يافنانات الي تروب شنو سبب وجود مصل خفيف بطاسه الترويب من فوق
الي عندها خبرة ياليت تقولي عشان اطبقها المرة الجايه الروب زين
بس مشكله طبقه الماي ابيه ناشف مرة ولا نقطه
انتظر ردودكم حبوباتي

كيف طريقتك الاولي بالترويب
يمكن حطيتي الزبادي على الحليب وهو حار ما دفى زين
و عندي جارتي تقول
انك مادخلتيه الثلاجه على طول


هذي اجتهاداتنا
طرقتي بالترويب اذوب حليب بودر انا استخدم حليب التموين
تقريبا 30 ملعقة ب 14 كاسة ماي عادي مو حار وبعد مايذوبون
احط الجدر على النار وحرك الحليب عشان مايحترق واستمر بالتحريك
لحد مايبدا يسخن اول الفوران من الأطراف ماخليه يوصل مرحله الغليان
اول ماشوفه بدا بيفور اطفي علية وخليه لين يدفا شوي مو حار لانة اذا حار
بخرب يدوب أحط إصبعي اذا تحملت الحرارة زين وحط علبة روب علية
وحركة شوي وحطة بطاسه بلاستك وغطية وحطه بمكان دافئ انا أحطه بالفرن
طافي وخليه لحد الصبح يعني تقريبا 8 ساعات
وحصله رايب
حب وفصفص مشكورة حبيبتي اي يمكن كان حار شوي
بشوف بالمرة الجاية


الساعة الآن 02:28 .