مهمووووومه😭

السلام عليكم جميعاً🖐
موضوعي فضفضة لا اكثر ولا اقل
انا جديده تابعت المنتدى من شهر وسجلت فيه قبل فتره ولاكن قبل ايام بسيطه فعّلت عضويتي عشان اشارك
بس شفت مشاكل الكثير وحسيت ان مشاكلي تبخرت لان فيه حالات اصعب مني كان الله في عونهن
اليوم تصفحت ع الطاير في المجلس العام وشفت موضوع ماذا تعلمتِ؟ كان الموضوع للمفسره الغريبه رحمها الله رحمة واسعة وادخلها فسيح جناته
كنت مستمتعه بالموضوع ومن الردود عرفت انها توفت
هنا انا وقفت ساعة اتأمل نفسي
ودعيت لها من كل قلبي واتمنى تدعون لها
نظرت في نفسي وطلعت من الموضوع
فتحت ملفي وشفت مشاركاتي اللي يمكن ماتتعدى اربعين مشاركة
وش فيها شي مفيد كلها ضحك واستهزاء
طيب لو مت فجأة فيه احد بيدعي بالمنتدى؟؟
طبعا لا
لا موضوع يشفع لي ولا صداقات تشفع ولا حتى احد يعرفني ولا احد يعرف اني بالمنتدى عشان يقول ادعوا لها
طيب هنا مو مشكلة الناس اللي حولي يدعون لي
طلعت ع طول رحت للواتس اب
للاسف كل رسايلي تنكيت بعيداً عن المنكر ولله الحمد
بس هذا مايشفع لي بعد
عشان تعرفوني اكثر انا وحده حياتي مليااااااااااااااااااااااااااانه بلاوي وهموم ماقدرت اتخطاها من تزوجت الى الآن عشر سنوات تقريباً


مدري هو ضعف مني او قلة حيلة او خبال او تطنيش ماعرف
كل اللي اعرفه اني ماتعودت اشكي ولا ابكي بالبداية ع طول اشكي وانوح بس من طلع الواتس اب بدا الكتمان معي لأني ألجأ للتنكيت والضحك والمواقف المضحكة
تتخيلون معي يمكن خمس سنوات مابكيت بسبب وضعي ومشاكلي
ابي ع مواقف وقصص بس احاول انسى مشاكلي وأسلي نفسي بنفسي
الحين اكتب واحس اني مثل اللي انفجر فجأه
ماقدرت اتمالك نفسي فوق الوحام والمشاكل اللي انا فيها احاول اضحك واسولف
ضاعت حياتي على ماميش ع قولتهم ما استفدت شي
بس ابتداءاً من اليوم ان شاء الله بيكون تغير كثير
وكلكم معي مو بس انا
اتركي بصمة لك سواء آية حديث معلومة دعوة
بنفس الوقت لاتشتكي الا للي خلقك ماحد راح يفهمك غيره
ومايمنع تكونين فرفوشه تضحكين وتسولفين لاني والله ما احب النكد
نفسي اقول كلام كثير واولادي صحيوا مابخليهم يشوفون دموعي وراح اقوم مثل كل يوم العب معهم وانسى الهموم
موضوع للفضفضه فقط
أسآل من لا يعجزه شي في الأرض
ولا في السماء أن يعطيكم فيرضيكم
" ويرزقكم فيغنيكم " ويجعلكم الله
من سعداء الدنيا والاخره
صلوا على خير الورى🌸