مرحبا اختي ذكرى وحياج الله شاكرة لج مرورج عزيزتي ....

المتفيجه123 ..حياج الله غناتي وان شاء الله مثل ما وعدتج جان الله حياني بحط لج الطريقة ..

أم الأشبال ..مرحبا غناتي وان شاء الله بحط لج الطريقة ...

uaee ..لا شكر على واجب غناتي وهذا شي يسعدني ...با النسبة للقرص بيطلع يابس ان زدتي علية الطحين خلي العجينة عندج وسط لا لينة وايد ولا يابسة وان شاء الله بيضبط عندج..

دانه 20002 ...عزيزتي فترة التخمير ربع ساعة ما تكفي خلية يتخمر عدل وشوفي الفرق...

المشغولة دوما ..يسعدني اختي انج من المتابعين للملف با النسبة لليمون هذا مب شي لازم يعني مب لازم انج تحطين عصير ليمون للخبيصة حطيتية والا ما حطيتية عادي بس انا احب استخدمة مرات للنكهة بس .. وباالنسبة لخبيصة الطحين فية صور كانت بس انا مسحتهن من دون قصد بس ترا الطريقة سهلة شوفي اختي تحطين في الجدر ماء 3 كوب ونص وتضيفين لة 5 فناييل سكر وتحطين لها هيل وزعفران وتخلينة يغلي شوية على نار هادية ومن قبل تكونين انتي محمرة الطحين فتيبيين ها الطحين وتحطينة في الجدر وتضيفيين لة السمن لين ما تشوفين الطحين صار كلة سمن وبعد ذلك شلي ها الطحين وحطية على الجدر اللي انتي حاطة فية المقادير السابقة اللي هي السكر والهيل والماء والزعفران وتمي حوثية او اخلطية با اليد يبالة على طول خلط لين ما تشوفيين انة استوى عندج خبيص بتشوفينة استوى عندج مثل الكور الصغار مثل اللي في الصورة وخلاص ان شاء الله واضح واي سؤال انا حاضرة ...

salma alkuwari حياج الله عزيزتي وان شاء الله فالج طيب ...

المهيرية ..مرحبا الساع يا ختي والحمد للة على السلامة اللي اعرفة انج كنتي مسافرة وانا من المتابعين لاكلاتج الطيبة وما عليج زود... اختي يمكن المقادير احيانا تختلف بس الشكل واحد ومن امارة لامارة الاكلات تختلف يعني انا يوم اسير عند هلية في بوظبي القى نفس الطريقة في الاكل بس االمقادير تختلف والقرص ما احط لة الحين سمن علشان اقلل من السمن مافينا على الكليسترول اكلنا ما شاء الله كلة دهون..

هلا ام سلمـى وm2m3m4 ..والله ما ادري يا خواتي شو اقولكم يا ليت ادارة عالم
حواء يشوفون لنا حل ..وتحياتي لكم

تسلووون على اكلاتنا الشعبيه

ياليت لو تخبروني عن طريقه خبز الخمير نفسي اتعلمه بعد مو معقوله بنت بلاد زايد وماتعرف تسوي اكلاتنا الشعبيه

بسم الله

مساء الخير

الحيييييييييين اسوى الجامي

يا رب يضبط معاي

هلا يا د معة وحياج الله ان شاء الله بنسوي لج خبز الخمير ولا يهمج

وينج يا مس شيف اشوفج غايبة ها الايام ...ان شاء الله بيضبط معاج ونتريا النتيجة .

هذي الطريقة هي صنع الروب في البيت وحدة من الاخوات طلبتها مني وان شاء الله تكون الطريقة سهلة لها بس هي سهلة ان شاء الله ..

http://up3.w6w.net/upload/01-02-2006/w6w_20060201210830a6eab556.jpg

وانا حطيتها با الصور حتى تكون سهلة للكل

في الصورة انا استخدمت حليب الروابي 3 لتر وكوب روب وشوية ملح الملح مب ضروري بس للي يبا

نحط الحليب على النار نخلية لين يوصل مرحلة الغليان ونحس انة بدا يفور على فوق نسكر عنة وننزلة نخلية لين يستوي فاتر ودافي يعني لو صبيتي منة حج ياهل يقدر يشربة




http://up3.w6w.net/upload/01-02-2006/w6w_200602012114213cb7e8f6.jpg

http://up3.w6w.net/upload/01-02-2006/w6w_2006020121313290b27fd5.jpg

بعد ما يستوي فاتر اخلطي معاة كوب الروب و شوية ملح

بعدين لفية ببطانية او فوطة عدل وخلية في مكان دافي ومظلم لمدة 24 ساعة

وبعدين طلعية وهذي النتيجة وحطية في الثلاجة