السلام عليكم والرحمة


خـــواتي العزيزات ...

عندى اقتراح ممكن يعود عليكم بالنفع إن شاء الله ...

الصـــراحة في تاجرات متميزات في هالمنتدى وعندهم بضاعة قمة في الروعة ... وأحسن من الســوق

وتوفر علينا عناء البحث ... والتسكع في شوارع المدينة من محل لي محل حتى نحصل اللي نبغيه

بالنسبة لي تعاملت مع بنات من المنتدى قمة بالأخلاق ...

بس المشكلة مو هني

المشكلة .. في التوصيل من إمارة لي إمارة بيكلف الزبونة بمبلغ وقــدره ؟؟؟؟؟؟؟

ويختلف المبلغ من شركة للثانية

وطبعـــا البنات يبحثن عن الأوفـر ... والتاجرات يبحثن عن الأفضـــل ...

وعشان نحقق التناسب بين التاجر والزبـــون ... أقترح أن يكون سعر التوصيل ينقسم بين الاثنين بالتساوي ... حتى نرضـي الطرفيــن...

مع احترامي للجميع ...

يعني أنا كزبونة لو اشتريت بضاعة من أخت في المنتدى بقيمة 100 درهم أقل من سعر السوق 30 أو 40 درهــم مع التوصيل راح أدفع ال 130 او 140 باختلاف الشركة طبعا يعني ساوت سعر السوق ... مع عناء الإنتظار بعد .... يعني أوفر لي إني اشتريها من السوق مع شوية اضرابة ومساومة انزل 10 لي 15 درهم ...


اتمنى من جميع الأخوات ... يعطونا رايهم ...

واختلاف الرأي لا يفسد للود قضية




والله يهدينا وإياكم لما يحب ويرضـــى


23-12-1426 هـ, 04:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فكرة واااايد حلوة مستعدة أتعاون مع اللي ترغب بهالشي

لكن حتى هذا الترتيب بيكلف رسوم توصيل البضاعة للمندوبة
في حالة لو ما لقيتي حد يوصل للمندوبة غير شركة الشحن أو أرامكس
23-12-1426 هـ, 04:37 مساءً
 
حبيبتي والله صعب تخيلي انا اوزع في اليوم لخمسين بنت واتقاسم التوصيل كم بدفع من جيبي .؟؟؟

الف درهم ............. يعني التاجره شخص واحد تدفع عن الجميع اما الزبونه تدفع عن نفسها فقط...........
23-12-1426 هـ, 05:19 مساءً
 
الغالية
حتى لو قالتلج التاجرة انها بتتقاسم وياج مبلغ التوصيل
لازم ترفع من قيمة منتجها شوي عشان تغطي تكاليف التوصيل لج

وانا اشوف انه بالعكس الوحدة يوم تروح السوق بتخسر اكثر عن يوم يوصلها المنتج للبيت لأنها:
لازم ادور وتلف السوق لين تلقى المنتج
غير قيمة البترول للسيارة
غير سعر السوق اللي قلتي عليه

الفرق الوحيد انها بتشوف المنتج عالطبيعة وبتتف*** عدل قبل ما تاخذه
والسموحة
23-12-1426 هـ, 05:26 مساءً
 
اختي نـــــوادر

اقتراحج ممكن يكون مناسب في الطلبيات الكبيرة بس..
اما الطلبيات الثانية ما اعتقد بيكون في فايدة..

يعني اذا وحده طلبت ب 50 درهم ممكن انا تكون فايدتي 15 درهم.. اذا دفعتهن للتوصيل جيه ما استفدت شي...

اما لو كانت الطلبية تستاهل وفي فايدة ف مافي مانع انه الزبونة والتاجرة يتقاسمون تكلفة الشحــن...

أنا عن نفسي التوصيل لبنات العين مجانا... وبعض الطلبيات الكبيرة التوصيل بعد مجانا..

مشكورة وتحياتي لج
23-12-1426 هـ, 05:31 مساءً
 


الساعة الآن 02:07 .