استفسار مهم الله يسعدكم😘

السلام عليكم بنات انا الحمدالله عندي حساب بالاستقرام لبيع المفرزنات ورق عنب وملفوف وكذا سغلات والحمدالله يجين زباين بس ودي استشريكم بالنسبه للمفرزنات فيه زباين طلبوا مني كميه لاباس بها سنبوسه جبن ودجاج بس الاشكاليه عندي مثلا ماقدر اصلح الكميه بيوم واحد مثلا500حبه بيوم وصراحه ماحب افرزنهم الى ان تخلص الطلبيه وبعدين اوصلهم للزبونه بكذا يفك عن الثلج اثناء التوصيل وبعدين الزبونه نفسها تبي تثلجهم مره ثانيه وحظ انه غير صحي ويفسد الاكل ياليت الي عندها اقتراح او التاجرات الي لهم خبره يعطوني اراءهم. للعلم ماعندي شغاله اسوي الاكل بنفسي الاستفسار الثاني بالنسبه لورق العنب انا اصلح ورق العنب قودي والحمدالله عليه طلب كثير والزباين منهبلين عليه بالمره الحمدالله كم مره يرجعوا ياخذوابس الاشكاليه انه قودي غالي شوي فاحس ماستفيد الاشي قليل ياليت الي تعرف ورق عنب جودته عاليه وسعره كويس مو غالي خاصه ان ورق العنب متعب شوي فابي استفيد حق التعب للعلم ابيع 50 حبه70 وعاجبهم السعر يقولون سعرك ممتاز ولا اقدر اغليه خلاص الزباين عرفوني معليش هذرت عليكم ياليت استفيد منكم حبايبي😘__________________