انا والماضي وزوجي 😭😭

السلام عليكم ورحمة الله وبركاته
اسعد الله صباحكم بكل خير ومحبه ورحمة ،،
( انا مو عضوة بعالم حواء انا زائرةو اخذت المعرف من صاحبته خزام نجد اسال الله العظيم ان يرزقها بالذرية الصالحه المعافاه ويفرج همها )
اللي بين الاقواس للشخصيات المريضه اللي تبحث ورا المواضيع عشان تجي تعاير فيها ،،، واسفه ع هالكلام مو موجه للجميع
موضوعي انا متزوجه وعندي اربع اطفال الحمدلله وحياتي سعيده وجميله وراضيه عنها يارب لك الحمد بشكل عام وحياتي مستقرة ولله الحمد
لكن داخل نفسي حياتي مضطربه ومتضاربه واموت باليوم عشرين الف مره من التفكير والقهر وتانيب الضمير
انا غلطت غلط فادح كبير بحياتي لايغتفر ابد وندمانه مره عليه وتبت وجلست سنتين كامله اتوب من هالذنب يعني استغفر باليوم الف مره واصلي الليل واتصدق لكن مازلت حاسه بتانيب الضمير اذا شفت زوجي انقهر وانددددددم واذا حصل نقاش بسيط بيني وبينه قلت داخل نفسي اصلا احمدي ربك انتي تستاهلين عقوبه اكبر من كذا
اسال نفسي كيف استغفلت زوجي لهالدرجه مع انه محترمني ويضرب لي حساب ولايدخل قلبه ذرة شك فيني باي حاجه غلط ممكن اسويها ويعتمد علي ويثق فيني ولو بس لمح لي بشي او مزح بشي اكلته اكل بالكلام وزعلت عليه لاني غلطانه اصلا ومو واثقه بنفسي
( ولا وحده تدخل بمواضيع غير هالموضوع رجاء خاص يابنات لاتقهروني وتقولون وشو بس بنفس الوقت لاحد يفكر تفكير غلط الذنوب بحر وماهي محصوره بحاجه معينه يعني لايروح بالكم بعيد وتظلموني بالتفكير
يابنات والله تبت وندمت كيف اتخلص من هالشعور اللي ملازمني ابي اكمل حياتي طبيعي ابي انسى كيف اعرف ان ربي تاب علي وغفر عني ؟
علماً اني ادعي وتستجاب دعواتي وربي ميسر اموري الحمدلله ويجيني رزق من حيث لااحتسب واتعجب من ذلك لكن ابي اعرف ربي غفر لي وش الدليل
انا انسانه افكر بذنبي اربع وعشرين ساعه ملازمني افكر فيه وافكر ليه سويت كذا واكره نفسي واتمنى واتخيل ان الزمن يرجع ورا وماسوي شي غلط
تعبانه مره وودي افضفض بس مستحيل اللي افضفض له بيرحمني بعد مايسمع مني بيكرهني جدا
لي خمس سنوات غلطت هذا الغلط وماتبت ورجعت عدته مره وحده بعدها ربي فتح على قلبي واصبحت ملتزمه جدا وابي رضاء ربي وابي انساه واتخلص من التفكير فيه وماارجع مره ثانيه وودي امحيه من راسي واكمل حياتي وش اسوي
ارحم زوجي اشفق عليه وكل شخص عنده هفوات وذنوب وماضي لكن ارحمه ومهما يسوي فيني اسكت اقول كله من هالذنب مع ان زوجي طيب ومحترم وانسان نظيف ومتاكده من كلامي انه نظيف وانظف مني ومااحس اني استحقه ودايم احس اني ظالمته ولااقدر اعترف له استحاله اصارحه بنفسي بس ابي شي يخلصني من ذا الشعور والله اقسم بالله كل ليله اصلي الليل واقرا القران وسورة البقره لين ياذن الفجر وانام شوي اقوم للضحى اربع ركعات ويشهد ربي اني مو رياء هالكلام ماعند الله اكثر من اللي عند الناس لكن اوضح كيف حياتي الحين ودي اخلص لله
ودي انسى هذا الذنب ماااتذكره كل يوم اتعذب واقول اني انا سويت كذا واني مالي داعي واني ،،،،،..... واني .....الخ
وش الحل تعبانه نفسياً