بنت خالة زوجي

السلام عليكم
بنات ماعرف كيف ابدء موضوعي بس بجد تعبت من هالموضوع
انا وزوجي ب غربة وجات بنت خالته تدرس في نفس البلد والولاية اللي ندرس فيها البنت نفس عمري بالظبط يعني صغيرة وهي غير متزوجة رسلوها أهلها وقالوا لزوجي دير بالك عليها ومن هالكلام
انا فرحت أنها ب عمري وقريبة زوجي اكيد راح تسليني وكنت وايد فرحانه وأخطط وين نروح لما تجي وكيف أقسم دراستي وخرجاتي بحكم انها لو جات راح تكون أكثر
جات البنت وأخذت شقة بالطابق اللي تحت مع صديقتها في الفترة الأولى جاء أبو البنت وبعدين ظبط وضعها وتركهم
وبين فترة وفترة يسأل زوجي عنها وايش تحتاج
الشي الي يحز بنفسي اكتشفت إنها حاطه عينها على زوجي
بل تطلع عيوبي قدام زوجي وتسوي أنها تقولها بمزحة
تضرب زوجي على كتفه
ولما يجي تغير صوتها وتنعمه بزيادة
زوجي خلال تواجدها صار خروجه كثير خارج البيت ومايجي حتى يتأكد انها راحت
البنت اصلا مو محجبة حتى في ديرتها وتلبس قدام زوجي شورتات وحفر
مرة قالت لي أن زوجك أكثر من بنت كانت تبيه من العائلة ومنهم انا وانتي خطفتيه ختمت كلامها ب ضحكة وقالت اتقشمر معاج
الموقف اللي خلاني اكتب الموضوع جاتني أمس على اليل وقالت تبي مكرونة قلت لها خذي المطبخ سألت عن زوجي وينه قلت لها يذاكر قالت اها
جلست العب أولادي بالصالة قالت شهودة انا ب طبخ ب مطبخك عجزانه أنزل لمطبخي قلت لها اوك وانا بنيم بنتي
دخلت اني بنتي ولما خرجت لقيتها نايمة على بطنها وسط الصالة وتأكل مكرونة وتتفرج انا انصدمت 😦😦
قلت لها شلون جالسة انتي وسط الصالة كذا
قلت لها لو مر زوجي وشافك راح يزعلك كلامه
قالت اوووه مر وشافني ولا قال شي بعدين انا احب أخذ راحتي واعتبر فلان مثل اخوي
انا كم مرا اشوفها تركع وتقرب من زوجي عشان يشوف صدرها ماظلمها لكن العين ماتكذب
البنت من الناحية الدينية تحت الصفر
فأتوقع منها أي شي
زوجي مرا منزعج منها وكم مرا يقول لي لاتناديها البيت بجلس معاج نسولف
لكن هي بدون ماتكلمني تجي
وأمها كل فترة تكلم زوجي وتوصي عليها
أمها تعرف أن بنتها لبسها سيئ لكن ماتكلمها تقول بعدها صغيرة